Khwab Mein Mehmaan Dekhna - Islamic Khawab ki Tabeer

خواب میں مہمان دیکھنا

حضرت ابن سیرین رحمۃ اللہ علیہ نے فرمایا ہے کہ خواب میں مہمانی کسی چیز کا جمع کرنا ہے۔ اگر دیکھے کہ اس نے کسی قسم کو مہمانی کے لئے بلایا ہے۔ دلیل ہے کہ ایسا کام کرے گا جو اس کو تمام شغلوں سے روکے گا۔ اور اگر دیکھے کہ لوگ اس کو باغ میں مہمانی کے لئے لے کر گئے ہیں اور وہ باغ جاری پانی اور رنگا رنگ کے میووں سے پر ہے دلیل ہے کہ جہاد کو جائے گا اور شہید ہو گا۔ فرمان حق تعالیٰ ہے:۔ فیھا فاکھتہ کثیرۃ و شراب (اس میں بہت سے میوے اور شربت ہیں) حضرت ابراہیم کرمانی رحمۃ اللہ علیہ نے فرمایا ہے کہ خواب میں ایسی مہمانی کا دیکھنا کہ جہاں پر ناچ اور چنگ و چغانہ ہے اور باجا وغیرہ ہے۔ تو غم و اندوہ اور مصیبت پر دلیل ہے اور اگر یہ چیزین نہیں ہیں تو خیرو برکت پر دلیل ہے۔ حضرت جابر مغربی رحمۃ اللہ علیہ نے فرمایا ہے کہ خواب میں مہمانی غائب کے واپس آنے پر دلیل ہے۔ حضرت جعفر صادق علیہ السلام نے فرمایا ہے۔ اگر دیکھے کہ دلہن بغیر نکاح کے چاہی ہے اور مہمان کی ہے۔ دلیل ہے کہ اس کو غم و اندوہ پہنچے گا۔