School Se Ghar, Urdu Nazam By Barq Aashiyanvi

ghanTi baji school chhuTa hai
hangama sa ek bapa hai
gate par aa kar Thahri lorry
hum sab baiThen bari bari
farraTe wo bharti nikli
har ek ke wo ghar tak pahunchi
jab wo hamare ghar par Thahri
bilqis utri main bhi utri
hum ne qadam jab ghar mein rakkha
Tahal rahe the bagh mein abba
mama ji ne hum ko dekha
dur hi se ammi ko pukara
lijiye begam sahib aain
bachchiyan donon ab ghar pahunchin
ammi hamari pyari ammi
rah thin takti chae pe baiThi
chae abhi hum pi hi rahe the
amjad mamun car le aae
chalo chalo ab sair ko niklen
sidhe bagh-e-am ko jaen
raat ka jab chha jae andhera
us waqt aa kar paDh likh lena