Widaa, Urdu Nazam By Niyaz Gulbargavi

Widaa is a famous Urdu Nazam written by a famous poet, Niyaz Gulbargavi. Widaa comes under the Love, Sad category of Urdu Nazam. You can read Widaa on this page of UrduPoint.

Urdu Poem English Poem

وداع

نیاز گلبرگوی

تیز اور تند نگاہوں سے گزرنا ہوگا

درد سے اشک سے آہوں سے گزرنا ہوگا

سخت پر پیچ دو راہوں سے گزرنا ہوگا

اس کٹھن راہ کو اپنا بھی سکے گی کہ نہیں

جا رہی ہے وہ مگر جا بھی سکے گی کہ نہیں

تیرے انوار کے شیدائی کو اس دل سے غرض

رہزن حسن کو اس عشق کی منزل سے غرض

خوگر خلوت رنگین کو محفل سے غرض

اس غرض مند کو سمجھا بھی سکے گی کہ نہیں

جا رہی ہے وہ مگر جا بھی سکے گی کہ نہیں

سیم و زر اطلس و دیبا کا پیام آیا ہے

ایک محروم تمنا کو سلام آیا ہے

زندگی جس سے بہک جائے وہ جام آیا ہے

آپ اپنے میں وہاں آ بھی سکے گی کہ نہیں

جا رہی ہے وہ مگر جا بھی سکے گی کہ نہیں

شعلۂ حسن تھا مختص مری محفل کے لئے

بحر میں تھا جو تموج مرے ساحل کے لئے

وہ ترنم کہ جو تھا وقف مرے دل کے لئے

ہاں وہی نغمہ وہاں گا بھی سکے گی کہ نہیں

جا رہی ہے وہ مگر جا بھی سکے گی کہ نہیں

مسکراتا سا زمانہ اسے یاد آئے گا

اپنی الفت کا فسانہ اسے یاد آئے گا

ایک بے چین دوانہ اسے یاد آئے گا

اپنے محبوب کو ٹھکرا بھی سکے گی کہ نہیں

جا رہی ہے وہ مگر جا بھی سکے گی کہ نہیں

مجھ کو ڈر ہے ترے آنسو نہ ڈھلک جائیں کہیں

جوش صہبا سے نہ یہ جام چھلک جائیں کہیں

پاؤں اس راہ میں تیرے نہ بہک جائیں کہیں

زلف آوارہ کو سلجھا بھی سکے گی کہ نہیں

جا رہی ہے وہ مگر جا بھی سکے گی کہ نہیں

نیاز گلبرگوی

© UrduPoint.com

All Rights Reserved

Previous More Love Poetry Next

Niyaz Gulbargavi Poetry in Urdu

Niyaz Gulbargavi

Widaa

Niyaz Gulbargavi

tez aur tund nigahon se guzarna hoga
dard se ashk se aahon se guzarna hoga
saKHt pur-pech do-rahon se guzarna hoga
is kaThin rah ko apna bhi sakegi ki nahin
ja rahi hai wo magar ja bhi sakegi ki nahin

tere anwar ke shaidai ko is dil se gharaz
rahzan-e-husn ko is ishq ki manzil se gharaz
KHugar-e-KHalwat-e-rangin ko mahfil se gharaz
is gharaz-mand ko samjha bhi sakegi ki nahin
ja rahi hai wo magar ja bhi sakegi ki nahin

sim-o-zar atlas-o-diba ka payam aaya hai
ek mahrum-e-tamanna ko salam aaya hai
zindagi jis se bahak jae wo jam aaya hai
aap apne mein wahan aa bhi sakegi ki nahin
ja rahi hai wo magar ja bhi sakegi ki nahin

shoala-e-husn tha muKHtas meri mahfil ke liye
bahr mein tha jo tamawwuj mere sahil ke liye
wo tarannum ki jo tha waqf mere dil ke liye
han wahi naghma wahan ga bhi sakegi ki nahin
ja rahi hai wo magar ja bhi sakegi ki nahin

muskuraata sa zamana use yaad aaega
apni ulfat ka fasana use yaad aaega
ek bechain diwana use yaad aaega
apne mahbub ko Thukra bhi sakegi ki nahin
ja rahi hai wo magar ja bhi sakegi ki nahin

mujh ko Dar hai tere aansu na Dhalak jaen kahin
josh-e-sahba se na ye jam chhalak jaen kahin
panw is rah mein tere na bahak jaen kahin
zulf-e-awara ko suljha bhi sakegi ki nahin
ja rahi hai wo magar ja bhi sakegi ki nahin

Facebook Twitter Reddit Pinterest Whatsapp

(470) ووٹ وصول ہوئے

You can read Widaa written by Niyaz Gulbargavi at UrduPoint. Widaa is one of the masterpieces written by Niyaz Gulbargavi. You can also find the complete poetry collection of Niyaz Gulbargavi by clicking on the button 'Read Complete Poetry Collection of Niyaz Gulbargavi' above.

Widaa is a widely read Urdu Nazam. If you like Widaa, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.