Taaruf, Urdu Nazam By Rahi Masoom Raza

Taaruf is a famous Urdu Nazam written by a famous poet, Rahi Masoom Raza. Taaruf comes under the Love, Sad category of Urdu Nazam. You can read Taaruf on this page of UrduPoint.

Urdu Poem English Poem

تعارف

راہی معصوم رضا

تو نے تو مجھ کو دیکھا ہے

رات کے صحرا کا ویراگی

چھپ کے املتاسوں کے پیلے پیراہن میں

میں نے تیرے کمرہ کی پچھلی کھڑکی سے تجھ کو گہری نیند میں ہنستے

کروٹ لیتے روٹھتے منتے دیکھ دیکھ کر اکثر

اپنی رات گزاری

تو نے تو مجھ کو دیکھا ہے

میں وہ گونگا چاند ہوں جس سے تو نے ہمیشہ اپنے دل کی بات کہی ہے

ایسے ہر موقع پر میں نے یہ سوچا ہے

تو نے مجھے پہچان لیا ہے

ورنہ تو یوں مجھ سے دل کی بات نہ کہتی

تو نے تو مجھ کو دیکھا ہے

میں ہی ہوا کا وہ جھونکا ہوں جس نے اکثر تیرے گیسو الجھائے ہیں

تیرے قریب آنے کی خاطر میں نے انیکوں روپ بنائے

میں بادل بن کر بھی آیا

تیرے شہر میں تیری گلی میں تیرے دروازہ پر رک کر میں نے

تجھ کو آوازیں دیں

میں آیا ہوں

تو یہ آہٹ سن کر یا تو کمرہ سے آنگن میں آئی

یا پھر اس درجہ شرمائی

آنگن سے دالان میں بھاگی

ایسے ہر موقع پر میں نے یہ سوچا ہے

تو نے مجھے پہچان لیا ہے

ورنہ میری آہٹ تو آنگن سے دالان میں آخر یوں کیوں جاتی

اک چپل ہے پاؤں میں اک آنگن میں پڑی ہے

کیا میں اب بھی یاد نہ آیا

تو نے جسے آئینہ جانا وہ میں ہی ہوں

میری حیرانی میں تو نے اپنے آپ کو پہروں دیکھا

میری حیرانی نے تجھ کو بتلایا ہے

تو کیسی ہے!

جب بھی میری حیرانی نے تیرے حسن کی شان میں کوئی گیت سنایا

تو نے میری حیرانی کو چوم لیا ہے

ایسے ہر موقع پر میں نے یہ سوچا ہے

تو نے مجھے پہچان لیا ہے

کیا تجھ کو وہ سبزہ بالکل یاد نہیں ہے

شبنم سے بھیگا وہ سبزہ جس سے تو چھپ چھپ کر

ننگے پاؤں ملی ہے

جس کے رخساروں پر تو نے اپنے انگاروں جیسے رخسار دھرے ہیں

میں نے ایسے ہر موقع پر یہ سوچا ہے

تو نے مجھے پہچان لیا ہے

ورنہ تو مجھ سے ملنے یوں چھپ کر ننگے پاؤں نہ آئی!

کیا میں اب بھی یاد نہ آیا

تو نے تو مجھ کو دیکھا ہے

غیروں سے کیا پوچھ رہی ہے

کون ہے یہ جو یوں تجھ کو اپنا کہتا ہے

راہی معصوم رضا

Previous More Love Poetry Next

Rahi Masoom Raza

Taaruf

Rahi Masoom Raza

tu ne to mujh ko dekha hai
raat ke sahra ka wairagi
chhup ke amiltason ke pile pairahan mein
main ne tere kamre ki pichhli khiDki se tujh ko gahri nind mein hanste
karwaT lete ruThte mante dekh dekh kar akasr
apni raat guzari
tu ne to mujh ko dekha hai
main wo gunga chand hun jis se tu ne hamesha apne dil ki baat kahi hai
aaise har mauqa par main ne ye socha hai
tu ne mujhe pahchan liya hai
warna tu yun mujh se dil ki baat na kahti

tu ne to mujh ko dekha hai
main hi hawa ka wo jhonka hun jis ne akasr tere gesu uljhae hain
tere qarib aane ki KHatir main ne anekon rup banae
main baadal ban kar bhi aaya
tere shahr mein teri gali mein tere darwaze par ruk kar main ne
tujh ko aawazen din
main aaya hun
main aaya hun
tu ye aahaT sun kar ya to kamre se aangan mein aai
ya phir is darja sharmai
aangan se dalan mein bhagi

aaise har mauqa par main ne ye socha hai
tu ne mujhe pahchan liya hai
warna meri aahaT to aangan se dalan mein aaKHir yun kyun jati
ek chappal hai panw mein ek aangan mein paDi hai

kya main ab bhi yaad na aaya
tu ne jise aaina jaana wo main hi hun
meri hairani mein tu ne apne-ap ko pahron dekha
meri hairani ne tujh ko batlaya hai
tu kaisi hai!
jab bhi meri hairani ne tere husn ki shan mein koi git sunaya
tu ne meri hairani ko chum liya hai
aaise har mauqa par main ne ye socha hai
tu ne mujhe pahchan liya hai
kya tujh ko wo sabza bilkul yaad nahin hai
shabnam se bhiga wo sabza jis se tu chhup chhup kar
nange panw mili hai

jis ke ruKHsaron par tu ne apne angaron jaise ruKHsar dhare hain
main ne aaise har mauqa par ye socha hai
tu ne mujhe pahchan liya hai
warna tu mujh se milne yun chhup kar nange panw na aai!
kya main ab bhi yaad na aaya
tu ne to mujh ko dekha hai
ghairon se kya puchh rahi hai
kaun hai ye jo yun tujh ko apna kahta hai

Facebook Twitter Reddit Pinterest Whatsapp

(499) ووٹ وصول ہوئے

You can read Taaruf written by Rahi Masoom Raza at UrduPoint. Taaruf is one of the masterpieces written by Rahi Masoom Raza. You can also find the complete poetry collection of Rahi Masoom Raza by clicking on the button 'Read Complete Poetry Collection of Rahi Masoom Raza' above.

Taaruf is a widely read Urdu Nazam. If you like Taaruf, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.

Taaruf, Urdu Nazam By Rahi Masoom Raza

تعارف

Taaruf

Related Rahi Masoom Raza Poetry

More Rahi Masoom Raza Poetry

Poetry Categories

Poetry Type

Legend Urdu Poets

Famous Urdu Poets

Poetry Topics