Gharelu Mansuba-bandi, Urdu Nazam By Raza Naqvi Vahi
Gharelu Mansuba-bandi is a famous Urdu Nazam written by a famous poet, Raza Naqvi Vahi. Gharelu Mansuba-bandi comes under the Social, Funny category of Urdu Nazam. You can read Gharelu Mansuba-bandi on this page of UrduPoint.
گھریلو منصوبہ بندی
رضا نقوی واہی
اب کے بیگم مری میکے سے جو واپس آئیں
ایک مرغی بھی بصد شوق وہاں سے لائیں
میں نے پوچھا کہ مری جان ارادہ کیا ہے
تن کے بولیں کہ مجھے آپ نے سمجھا کیا ہے
ذہن نے میرے بنائی ہے اک ایسی سکیم
دنگ ہوں سن کے جسے علم معیشت کے حکیم
آپ بازار سے انڈے تو ذرا دوڑ کے لائیں
تاکہ ہم جلد سے جلد آج ہی مرغی کو بٹھائیں
تین ہفتوں میں نکل آئیں گے چوزے سارے
تو سہی آپ کو پیار آئے وہ پیارے پیارے
چھ مہینے میں جواں ہو کے وہی مرغ بچے
نسل پھیلاتے چلے جائیں گے دھیرے دھیرے
دیکھ لیجے گا بہ تائید خدائے دانا
پولٹری بنے گا مرا مرغی خانہ
پولٹری فارم میں انڈوں کی تجارت ہوگی
دور عسرت اسی مرغی کی بدولت ہوگی
میں وہ عورت ہوں کہ حکمت مری مردوں کو چرائے
انہیں پیسوں سے خریدوں گی میں کچھ بھینسیں اور گائے
ڈیری فارم بنے گا وہ ترقی ہوگی
جوئے شیر آپ ہی انگنائی میں بہتی ہوگی
عقل کی بات بتاتی ہوں اچنبھا کیا ہے
دودھ سے آپ کو نہلاؤں گی سمجھا کیا ہے
بچے ترسیں گے نہ مکھن کے لئے گھی کے لئے
آپ دفتر میں نہ سر ماریں گے دفتر کے لئے
میرے خوابوں کے تصدق میں بشرط تعمیل
چند ہی سال میں ہو جائے گی دنیا تبدیل
سحر تدبیر کا تقدیر پہ چل جائے گا
جھونپڑا آپ کا کوٹھی میں بدل جائے گا
الغرض ہوتی رہی بات یہی تا سر شام
نو بجے رات کو سونے کا جو آیا ہنگام
سو گئیں رکھ کے حفاظت سے اسے زیر پلنگ
خواب میں آتی رہی نشۂ دولت کی ترنگ
سن رہی تھی کوئی بلی بھی ہماری باتیں
پیاری بیگم کی وہ دلچسپ وہ پیاری باتیں
رات آدھی بھی نہیں گزری تھی کہ اک شور مچا
چیخ مرغی کی سنی نیند سے میں چونک پڑا
آنکھ ملتا ہوا اٹھا تو یہ نقشہ پایا
اس بچاری کو صحنچی میں تڑپتا پایا
دانت بلی نے گڑائے تھے جو گردن کے قریب
مر گئی چند ہی لمحوں میں پھڑک کر وہ غریب
صبح کے وقت غرض گھر کا یہ نقشہ دیکھا
چہرہ بیگم کا کسی سوچ میں لٹکا دیکھا
روٹی بچوں نے جو مانگی تو دو ہتھڑ مارا
اسے گھونسہ اسے چانٹا اسے تھپڑ مارا
رضا نقوی واہی
© UrduPoint.com
All Rights Reserved
Gharelu Mansuba-bandi
Raza Naqvi Vahi
ek murghi bhi ba-sad shauq wahan se lain
main ne puchha ki meri jaan irada kya hai
tan ke bolin ki mujhe aap ne samjha kya hai
zehn ne mere banai hai ek aisi scheme
dang hon sun ke jise ilm-e-maishat ke hakim
aap bazar se anDe to zara dauD ke laen
taki hum jald se jald aaj hi murghi ko biThaen
tin hafton mein nikal aaenge chuze sare
to sahi aap ko pyar aae wo pyare pyare
chhe mahine mein jawan ho ke wahi murgh-bachche
nasl phailate chale jaenge dhire dhire
dekh lijega ba-taid-e-KHuda-e-dana
poultry-form banega mera murghi-KHana
poultry-form mein anDon ki tijarat hogi
daur-e-usrat isi murghi ki badaulat hogi
main wo aurat hun ki hikmat meri mardon ko charae
inhin paison se KHaridungi main kuchh bhainsen aur gay
dairy-farm banega wo taraqqi hogi
ju-e-shir aap hi angnai mein bahti hogi
aql ki baat batati hun achambha kya hai
dudh se aap ko nahlaungi samjha kya hai
bachche tarsenge na makkhan ke liye ghi ke liye
aap daftar mein na sar marenge daftar ke liye
mere KHwabon ke tasadduq mein ba-shart-e-tamil
chand hi sal mein ho jaegi duniya tabdil
sehr tadbir ka taqdir pe chal jaega
jhonpaDa aap ka koThi mein badal jaega
al-gharaz hoti rahi baat yahi ta-sar-e-sham
nau baje raat ko sone ka jo aaya hangam
so gain rakh ke hifazat se use zer-e-palang
KHwab mein aati rahi nashsha-e-daulat ki tarang
sun rahi thi koi billi bhi hamari baaten
pyari begam ki wo dilchasp wo pyari baaten
raat aadhi bhi nahin guzri thi ki ek shor macha
chiKH murghi ki suni nind se main chaunk paDa
aankh malta hua uTTha to ye naqsha paya
us bichaari ko sahanchi mein taDapta paya
dant billi ne gaDae the jo gardan ke qarib
mar gai chand hi lamhon mein phaDak kar wo gharib
subh ke waqt gharaz ghar ka ye naqsha dekha
chehra begam ka kisi soch mein laTka dekha
roTi bachchon ne jo mangi to do hatthaD mara
ise ghunsa use chanTa use thappaD mara
(1035) ووٹ وصول ہوئے
Related Raza Naqvi Vahi Poetry
Related Poetry
More Raza Naqvi Vahi Poetry
مہمان خصوصی
Raza Naqvi Vahi - رضا نقوی واہی
Mehman-e-khosusi
گوپال متل دہلی کے نام
Raza Naqvi Vahi - رضا نقوی واہی
Gopal Mittal Dehli Ke Nam
غالب صدی اور اردو
Raza Naqvi Vahi - رضا نقوی واہی
Ghaalib Sadi Aur Urdu
(سلطان اختر پٹنہ کے نام (جدید عملی تنقید
Raza Naqvi Vahi - رضا نقوی واہی
Sultan Akhtar Patna Ke Nam (jadid Amali Tanqid)
دل بدلی
Raza Naqvi Vahi - رضا نقوی واہی
Dal Badli
انٹلکچوئل
Raza Naqvi Vahi - رضا نقوی واہی
Intellectual
نئے لیڈر کی دعا
Raza Naqvi Vahi - رضا نقوی واہی
Nae Leader Ki Dua
ہے ایک بات جو موضوع گفتگو بنتی
Raza Naqvi Vahi - رضا نقوی واہی
Hai Ek Baat Jo Mauzu-e-guftugu Banti
You can read Gharelu Mansuba-bandi written by Raza Naqvi Vahi at UrduPoint. Gharelu Mansuba-bandi is one of the masterpieces written by Raza Naqvi Vahi. You can also find the complete poetry collection of Raza Naqvi Vahi by clicking on the button 'Read Complete Poetry Collection of Raza Naqvi Vahi' above.
Gharelu Mansuba-bandi is a widely read Urdu Nazam. If you like Gharelu Mansuba-bandi, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.