Kaaba O Der Mein Jalva Nahi Yaksa In Ka, Urdu Ghazal By Shad Azimabadi
Kaaba O Der Mein Jalva Nahi Yaksa In Ka is a famous Urdu Ghazal written by a famous poet, Shad Azimabadi. Kaaba O Der Mein Jalva Nahi Yaksa In Ka comes under the Islamic category of Urdu Ghazal. You can read Kaaba O Der Mein Jalva Nahi Yaksa In Ka on this page of UrduPoint.
کعبہ و دیر میں جلوہ نہیں یکساں ان کا
شاد عظیم آبادی
کعبہ و دیر میں جلوہ نہیں یکساں ان کا
جو یہ کہتے ہیں ٹٹولے کوئی ایماں ان کا
جستجو کے لیے نکلے گا جو خواہاں ان کا
گھر بتا دے گا کوئی مرد مسلماں ان کا
تو نے دیدار کا جن جن سے کیا ہے وعدہ
ہائے رے ان کی خوشی ہائے رے ارماں ان کا
اپنے مٹنے کا سبب میں بھی بتا دوں اے شوق
کاش چھو جائے مری خاک سے داماں ان کا
چھوڑ کر آئے ہیں جو صبح وطن سی شے کو
مرتبہ کچھ تو سمجھ شام غریباں ان کا
جن کی آغوش تصور میں ہے وہ حور جمال
کہیں سچ ہو نہ یہی خواب پریشاں ان کا
جو اس الجھاؤ کے خود ہیں متمنی دل سے
کیا بگاڑے گی تری زلف پریشاں ان کا
سر میں سودائے خرد پاؤں میں زنجیر شکوک
بھید پائے گا نہ اس شکل سے انساں ان کا
ہم دعا دیں تجھے دل کھول کے اے پہلوئے تنگ
ٹوٹ کر سینہ میں رہ جائے جو پیکاں ان کا
چاک کرنے کا ہے الزام مرے سر ناحق
ہاتھ ان کے ہیں ہم ان کے ہیں گریباں ان کا
وہ مٹا کیوں نہیں دیتے مجھے حیرت تو یہ ہے
ان کے کہنے میں ہے دل دل میں ہے ارماں ان کا
ان شہیدان محبت میں تو میں صاف کہوں
کوئی اتنا نہیں پکڑے جو گریباں ان کا
وہی ایسے ہیں کہ خاموش ہیں سب کی سن کر
سب کو دعوا ہے کہ ہوں بندۂ فرماں ان کا
پہلے ہم نیت خالص سے وضو تو کر لیں
ٹھہر اے خاک ٹھہر پاک ہے داماں ان کا
چاہیں دوزخ میں اتاریں کہ جگہ خلد میں دیں
دخل کیا غیر کو گھر ان کے ہیں مہماں ان کا
کہیں پیوند کی کوشش کہیں تدبیر رفو
جامۂ تن سے بہت تنگ ہے عریاں ان کا
کیجیے شانہ و آئینہ کی حالت پہ نگاہ
سینہ صدچاک کوئی ہے کوئی حیراں ان کا
مان لو پاؤں سے زنجیر بھی اتری لیکن
بھاگ کر جائے کہاں قیدئ زنداں ان کا
جن شہیدوں نے بہ صد درد تڑپ کر دی جان
چھن گیا ہاتھ سے جیتا ہوا میداں ان کا
ہم تو کیا چیز ہیں جبریل تو جا لیں ان تک
روک لیتا ہے فرشتوں کو بھی درباں ان کا
مست جاتے ہیں خرابات سے مسجد کی طرف
راہ پر شور ہے اللہ نگہباں ان کا
ہم شب ہجر کے جاگے نہ قیامت میں اٹھیں
جب تلک خواب سے چونکائے نہ ارماں ان کا
وہم تو ہی خلل انداز ہوا ہے ورنہ
کون جویا نہیں اے رہزن ایماں ان کا
دن قیامت کا ڈھلا سب نے مرادیں پائیں
رہ گیا دیکھ کے منہ تابع فرماں ان کا
مرنے والوں کا اگر ساتھ دیا پورا کر
لے جنازہ بھی اٹھا حسرت و ارماں ان کا
حق جتاتے ہیں شہیدان محبت بے کار
کیا یہ مرنا تھا بڑا کار نمایاں ان کا
شادؔ گھبرا گیا اک عمر سے جیتے جیتے
وہ بلا لیں مجھے اس وقت تو احساں ان کا
شاد عظیم آبادی
© UrduPoint.com
All Rights Reserved
(1812) ووٹ وصول ہوئے
Related Shad Azimabadi Poetry
More Shad Azimabadi Poetry
کسی کو کیا خبر اے صبح وقت شام کیا ہوگا
Shad Azimabadi - شاد عظیم آبادی
Kisi Ko Kya Khabar Ae Subah Waqt Sham Kya Hoga
تیری زلفیں غیر اگر سلجھائے گا
Shad Azimabadi - شاد عظیم آبادی
Teri Zulfein Ghair Agar Suljhaye Ga
اے بت جفا سے اپنی لیا کر وفا کا کام
Shad Azimabadi - شاد عظیم آبادی
Ae But Jfaa Se Apni Liya Kar Wafa Ka Kaam
کیا فقط طالب دیدار تھا موسیٰ تیرا
Shad Azimabadi - شاد عظیم آبادی
Kya Faqat Taalib Dedar Tha Moose Tera
فقط شور دل پر آرزو تھا
Shad Azimabadi - شاد عظیم آبادی
Faqat Shore Dil Par Arzoo Tha
نہ جاں بازوں کا مجمع تھا نہ مشتاقوں کا میلا تھا
Shad Azimabadi - شاد عظیم آبادی
Nah Jaan Bazoo Ka Majmaa Tha Nah Mashtaqoon Ka Mela Tha
اب بھی اک عمر پہ جینے کا نہ انداز آیا
Shad Azimabadi - شاد عظیم آبادی
Ab Bhi Ik Umar Pay Jeeney Ka Nah Andaaz Aaya
دل اپنی طلب میں صادق تھا گھبرا کے سوئے مطلوب گیا
Shad Azimabadi - شاد عظیم آبادی
Siyah Car Siya Ro Khata Shoaar Aaya
You can read Kaaba O Der Mein Jalva Nahi Yaksa In Ka written by Shad Azimabadi at UrduPoint. Kaaba O Der Mein Jalva Nahi Yaksa In Ka is one of the masterpieces written by Shad Azimabadi. You can also find the complete poetry collection of Shad Azimabadi by clicking on the button 'Read Complete Poetry Collection of Shad Azimabadi' above.
Kaaba O Der Mein Jalva Nahi Yaksa In Ka is a widely read Urdu Ghazal. If you like Kaaba O Der Mein Jalva Nahi Yaksa In Ka, you will also like to read other famous Urdu Ghazal.
You can also read Islamic Poetry, If you want to read more poems. We hope you will like the vast collection of poetry at UrduPoint; remember to share it with others.