Ab Ishq Ko Nahi Gawra Main Janti Ho, Urdu Ghazal By Tabassum Anwaar

اب عشق تم کو نہیں گوارا ۔ میں جانتی ہوں

بتائے گا کیا یہ استخارہ ۔ میں جانتی ہوں

میں بزم سے اٹھ کے اب بغیچے میں آ گئی ہوں

تمہاری نظرو ں کا ہر اشارہ میں جانتی ہوں

اس اونچی دستار سے جہا ں کو فریب دینا

بلند کتنا ہے قد تمہارا ۔ میں جانتی ہوں

تمہی بھی دعوی ۔ ۔ کہ ۔ تو ڑ لاؤ گے تم ستارے

نہ کھاؤ کوئی قسم خدارا ۔ ۔ میں جانتی ہوں

وہ ایک ساعت کہ جس میں ہم نے بتایئں صدیاں

اسے ہی جیون کا استعارہ میں جانتی ہوں

یہ سرد جذبے الاؤ بن کر دہک اٹھیں گے

دبا کہا ں پر ہے ا ک شرارہ میں ۔ جانتی ہوں

روش کہا ں پر بدل گئی تھیں تری نگاہیں

کب عشق تم کو ہوا دوبارہ ۔ میں جانتی ہوں

کیوں زندگی د ے کے مجھ پہ احساں جتا رہا ہے

کیا ہے جس طرح سے گزارہ ۔ میں جانتی ہوں

جو راز _ دل خود سے بھی چھپا کر رکھا تھا میں نے

وہ ہو چکا تجھ پہ آشکارا ۔ میں جانتی ہوں

ہیں دشت میں کون اپنی تشنہ لبی پہ نازاں ۔ ۔

گھٹا کو کس کس نے ہے پکارا ۔ میں جانتی ہوں

اندھیری راہو ں میں منز لوں کا امیں ۔ ۔ تبسم

مرے لیئے بھی ہے اک ستارہ ۔ میں جانتی ہوں