Mein Hoon Shayar By Azaz Mak

میں ہوں کئ کشتیوں کا مسافر

میں ہوں شاعر

کئ بار خود سے لڑا ہوں میں

میں ہوں شاعر

کبھی رہا فاتح تو کبھی شکست خوردہ ٹھرا ہوں میں

میں ہوں شاعر

محبت کا مارا ہوں میں

میں ہوں شاعر

محبوب کے دیدار کا متمنی ہوں میں

میں ہوں شاعر

شناخت رکھتے ہوۓ بھی اجنبی ہوں میں

میں ہوں شاعر

خود کو تلاش کرتے کرتے عمر کاٹ رہا ہوں میں

میں ہوں شاعر

سینے میں لیے کئ راز جی رہا ہوں میں

میں ہوں شاعر

منزلِ گمگشتہ کا متلاشی ہوں میں

میں ہوں شاعر

کبھی امید تو کبھی یاس کا اتاشی ہوں میں

میں ہوں شاعر

مۓ عشق کا ساقی ہوں میں

میں ہوں شاعر

سفرِ آشوبِ حیات میں اب بھی باقی ہوں میں

میں ہوں شاعر

وفا شِعاروں کی وفا کا منتظِر ہوں میں

میں ہوں شاعر

منزلِ پر سوز کے راہیوں کا منتظِر ہوں میں

میں ہوں شاعر

بے بسی اور مجبوری کی زنجیروں میں جکڑا ہوا ہوں میں

میں ہوں شاعر

بیسیوں اُلجھنوں میں اُلجھا ہوا ہوں میں

میں ہوں شاعر

جامِ محبت اوائلِ زندگی میں چکھ چکا ہوں میں

میں ہوں شاعر

عہدِ شباب کے امتحان دے چکا ہوں میں

میں ہوں شاعر

آۓ روز نیا آئین تشکیل دیتا ہوں میں

میں ہوں شاعر

نافذ کرنے میں مگر ناکام رہتا ہوں میں

میں ہوں شاعر

ہونے کو ہر لحظہ مصروف ہوں میں

میں ہوں شاعر

حقیقت میں مگر ماؤف ہوں میں

میں ہوں شاعر

بدلہ ہوں اب تک اتنا کہ متغیر ہوں میں

میں ہوں شاعر

حالِ دل سناؤں کسے منتظر ہوں میں

میں ہوں شاعر

گنہگار و خطاکار و سیاہکار سہی، تیرا ہی مگر عاجز بندہ ہوں میں

میں ہوں شاعر

میں ہوں راضی رضا میں تیری اے فاطر

میں ہوں شاعر