- Home
- Business
- Business News
- کراچی میں فلورملوں کی ہڑتال کے باعث آٹاکا تھیلا 500روپے تک مہنگا،عوام کا احتجاج،کراچی کی85 میں ..
کراچی میں فلورملوں کی ہڑتال کے باعث آٹاکا تھیلا 500روپے تک مہنگا،عوام کا احتجاج،کراچی کی85 میں سے 81 فلورملوں کی گزشتہ 6 دن سے ہڑتال جاری، بلیک میلروں نے مہنگے داموں فروخت شروع کردی، محکمہ خوراک کی حمایت یافتہ 4 فلورملوں نے ہڑتال سے ناجائز فائدہ اٹھاتے ہوئے منافع خوری شروع کردی ہے،لگتاہے وزارت خود کراچی میں آٹا مہنگا کرنے کی منصوبہ بندی کررہی ہے،چیئرمین پاکستان فلورملزایسویسی ایشن سندھ چوہدری یوسف، آل پاکستان فلورملز ایسوسی ایشن کا جنرل باڈی اجلاس کل لاہورمیں طلب، فلورملوں کو درپیش مسائل پر غور اور اہم فیصلے کیے جائیں گے۔ اپ ڈیٹ
اتوار 27 اپریل 2014 13:25
کراچی/لاہور(اُردو پوائنٹ اخبار تازہ ترین۔27اپریل۔2014ء) کراچی شہر کی فلور ملوں کی 6 روز سے جاری ہڑتال سے تھوک منڈی میں آٹے کی مہنگے داموں فروخت شروع ہوگئی، خوردہ سطح پر آٹے کی 50 کلو بوری کی قیمت میں 360 سے 500 روپے تک اضافہ ہو گیا ،کل لاہور میں آل پاکستان فلورملز ایسوسی ایشن کا جنرل باڈی اجلاس طلب کرلیاگیا جس میں ملک کے دیگر حصوں کی طرح سندھ سرکل کے اراکین شرکت کریں گے جنرل باڈی اجلاس میں فلورملوں کو درپیش مسائل پر غور اور اہم فیصلے کیے جائیں گے،تفصیلات کے مطابق کراچی کی85 فلورملوں میں سے 81 فلورملوں کی گزشتہ 6 دن سے جاری ہڑتال سے ناجائز منافع خوری کے لیے تھوک منڈی میں بلیک میلروں نے مہنگے داموں آٹے کی فروخت شروع کردی، ہڑتال کے باعث خوردہ سطح پر آٹے کی قلت پیدا ہوتے ہی جوڑیا بازار میں سیالکوٹ والا نامی آٹے کا تھوک فروش اور حاجی بلی نامی بروکر نے ہفتے کوڈھائی نمبر آٹے کی50 کلوگرام بوری کی قیمت خودساختہ طور پر360 روپے بڑھا کر 2100 تا 2150 روپے کردی ہے، فائن آٹے 50 کلو گرام کی حامل بوری کی قیمت400 روپے بڑھا کر 2450 روپے اور 50 کلوگرام میدے کی بوری کی قیمت 500 روپے بڑھاکر 2500 تا2550 روپے کردی ،خوردہ سطح پر آٹے کی قلت کی تصدیق کرتے ہوئے کراچی ریٹیل گروسرز گروپ کے سیکریٹری فرید قریشی نے بتایا کہ فلور ملوں کی 6 روز سے جاری ہڑتال کی وجہ سے خوردہ فروشوں کے پاس آٹے کا ذخیرہ تقریباً ختم ہوگیا ہے اور وہ تھوک منڈی سے مہنگے داموں آٹا خریدنے سے گریز کر رہے ہیں کیونکہ تھوک پر مہنگے داموں آٹا خریدکر عوام کو بھی مہنگے داموں آٹا فروخت کرنا ہوگا جس کے نتیجے میں مہنگا آٹا فروخت کرنے کی تمام تر ذمے داری ریٹیلرز پر عائد ہوجائے گی، پاکستان فلور ملز ایسوسی ایشن سندھ سرکل کے چیئرمین چوہدری محمد یوسف نے بتایا کہ محکمہ خوراک کی حمایت یافتہ 4 فلورملوں نے ہڑتال سے ناجائز فائدہ اٹھاتے ہوئے منافع خوری شروع کردی ہے جو جوڑیا بازار کے اپنے مخصوص بیوپاریوں کے ذریعے آ ٹا اور میدہ مہنگے داموں فروخت کروارہی ہیں،انھوں نے صوبائی وزیرخوراک سے استفسار کیا کہ وہ اپنے محکمے کی حمایت یافتہ فلورملوں کی تھوک منڈی میں مہنگے داموں آٹے کی فروخت پر بازپرس کیوں نہیں کر رہے، یوں محسوس ہوتا ہے کہ ان کی وزارت ہی کراچی میں آٹا مہنگا کرنے کی منصوبہ بندی کررہی ہے جس کی بعدازاں ذمے داری فلورملز مالکان پر عائد کردی جائے گی،پاکستان فلور ملز ایسوسی ایشن سندھ کے اجلاس سے خطاب میں چیئرمین چوہدری محمدیوسف نے ممبران پر واضح کیا کہ حکومت سندھ کے سرد رویے اور متعلقہ وزیرخوراک کی عدم دلچسپی سے یہ بات واضح ہوگئی ہے کہ آئندہ ہفتے فلورملوں کی ہڑتال کا دائرہ ملک گیر سطح پر وسیع ہوجائے گا کیونکہ سندھ کے حکمرانوں کو عوام اور صنعتوں کا مفاد عزیز نہیں ہے وہ صرف اپنی حکمرانی کے مزے لوٹنے میں مصروف ہیں لہٰذا صنعتوں کے مسائل کو ترجیحی بنیادوں پر حل کرنے کے بجائے وہ دھونس اور دھمکیوں پر اترآئے ہیں لیکن فلورملیں اب کسی دھونس دھمکی میں نہیں آئے گی اور محکمہ خوراک کی غلط پالیسیوں، بدعنوانیوں اور رشوت ستانی کو ختم کرکے دم لیں گے،کل( پیرکو )لاہور میں آل پاکستان فلورملز ایسوسی ایشن کا جنرل باڈی اجلاس طلب کیا گیا ہے جس میں ملک کے دیگر حصوں کی طرح سندھ سرکل کے اراکین شرکت کریں گے جنرل باڈی اجلاس میں فلورملوں کو درپیش مسائل پر غور اور اہم فیصلے کیے جائیں گے۔
Browse Latest Business News in Urdu
موسمیاتی تبدیلی جیسے مشترکہ چیلنجز سے نمٹنے کے لیے پولینڈ اور پاکستان کے درمیان تعاون بڑھانا ہوگا،پولینڈ ..
پاکستان میں موبائل فون کی درآمد میں بڑا اضافہ ہوگیا
حیدرآباد چیمبر آف سمال ٹریڈرز کا سپریم کورٹ آف پاکستان کی جانب سے تمام تجاوزات کو ختم کرنے کے آرڈر کا ..
سونے کی قیمتوں میں کمی کا رجحان
اسٹیٹ بینک اور ما،لیاتی ادارے یکم مئی کو بند رہیں گے
اسٹینڈرڈ چارٹرڈ پاکستان کی 2024 ء کی پہلی سہ ماہی میں عمدہ مالی کارکردگی کا مظاہرہ
انٹر بینک میں روپے کے مقابلے ڈالر کی قدر گھٹ گئی جبکہ اوپن مارکیٹ میں ڈالر مہنگا
پاکستان اسٹاک مارکیٹ ملکی تاریخ میں پہلی بار73ہزار پوائنٹس کی حد عبور کرنے کے بعد مندی کا شکار ہو گئی ..
ایف پی سی سی آئی کی میڈیا کمیٹی کیلئے کاشف منیرکنوینر اور مسعود احمد صدیقی ڈپٹی کنوینر مقرر
پاکستان سٹاک ایکسچینج میں کے ایس ای 100 انڈیکس کے تحت شامل کمپنیوں کے منافع میں 29فیصدکااضافہ
امریکی ڈالر کے مقابلے میں پاکستانی کرنسی کی قدر میں 01 پیسہ کی کمی ریکارڈ
جاز کا 15 ارب روپے مالیت کے سکوک کے اجرا کی کامیابی کے ساتھ تکمیل کا اعلان
زری پالیسی کمیٹی کا پالیسی ریٹ 22 فیصد پربرقراررکھنے کا فیصلہ
کراچی سے سٹریٹ کرائمز کے خاتمے کیلئے سنجیدہ اقدامات کرنے ہوں گے، ایازمیمن
کراچی سے سٹریٹ کرائمز کے خاتمے کیلئے سنجیدہ اقدامات کرنے ہوں گے، ایازمیمن
برآمدات کے فروغ کیلئے جدت اورتخلیقی صلاحیتوں پرتوجہ دینے کی ضرورت ہے،احسن ظفر بختاوری
او جی ڈی سی ایل نے سندھ کے ضلع سجاول میں گیس کے بڑے ذخائردریافت کر لئے
غیر ملکی سرمایہ کاروں کو سرمایہ کاری کیلئے سازگار ماحول میسر ہے، صوبائی وزیر چوہدری شافع حسین کی آسٹریا ..
عالمی اور مقامی مارکیٹ میں سونے کی قیمت میں معمولی کمی
میاں نوازشریف کا پارٹی صدربننا تازہ ہواکا جھونکا ثابت ہوگا،میاں زاہد حسین
سی ڈی این ایس ،جاری مالی سال کے دوران نئے بانڈز کے اجرا سے 1375 ارب روپےکی بچتیں حاصل
نائجیریا میں ہونے والی عالمی تجارتی نمائش میں شرکت کے لئے درخواستیں 15مئی تک جمع کرائی جاسکتی ہیں،ٹی ..
ملکی معیشت کی بہتری کیلئےپر وزیراعظم کی کوششوں کو خراج تحسین پیش کرتے ہیں،صدر آئی سی سی آئی بیان
این بی پی کوجاری کیلنڈرسال کی پہلی سہ ماہی میں 9.708 ارب روپے کاخالص منافع ہوا
PSX Live Index
Updated: 06:00:01am | 30-04-2024
Status: Closed | Volume: 613,314,754 |
---|
KSE100 Index |
---|
Current |
High |
Low |
Change |
* LDCP represents Last Day Close Price
View Full Summary