کبڈی ورلڈ کپ، پاکستان کی مردوں کی ٹیم کینیڈا کو شکست دے کر سیمی فائنل میں پہنچ گئی،بھارت کے شہر پٹیالہ میں ہونیوالے میچ میں پاکستان نے 45-35سے کامیابی حاصل کی، شفیق چشتی، اکمل شہزاد ڈوگر، مشرف جنجوعہ، عرفان مانا اور علی شان کی شاندار پرفارمنس، ٹیم نے فتوحات کا سلسلہ جاری رکھتے ہوئے قوم کو ایک اور خوشخبری دی ، سیمی فائنل اور فائنل جیت کر قوم کو ورلڈ کپ کا تحفہ دیں، ڈی جی سپورٹس پنجاب عثمان انور کی ٹیم کو مبارکباد، پاکستان کی خواتین کی کبڈی ٹیم پہلے ہی سیمی فائنل میں پہنچ چکی ہے،مردوں اور خواتین کے سیمی فائنل 18دسمبر کو کھیلے جائیں گے
لاہور(اُردو پوائنٹ اخبارآن لائن۔16دسمبر۔2014ء)کبڈی ورلڈ کپ2014ء میں پاکستان کی مردوں کی ٹیم کینیڈا کو 45-35 سے شکست دے کر سیمی فائنل میں پہنچ گئی ہے، پاکستان کی طرف سے کپتان شفیق چشتی، اکمل شہزاد ڈوگر ، مشرف جاوید جنجوعہ، عرفان مانا اور علی شان نے شاندار کھیل کا مظاہرہ کرتے ہوئے پاکستان کو فتح دلائی، ڈائریکٹر جنرل سپورٹس پنجاب عثمان انور نے سیمی فائنل میں پہنچنے پر ٹیم کو مبارکباد دی ہے، تفصیلات کے مطابق کبڈی ورلڈ کپ 2014ء میں پاکستان کی مردوں کی ٹیم نے بھارت کے شہر پٹیالہ میں ہونیوالے اپنے چوتھے میچ میں کامیابی حاصل کرکے سیمی فائنل تک رسائی حاصل کرلی ہے، کینیڈا کیخلاف میچ میں پاکستان کی طرف سے کپتان شفیق چشتی، اکمل شہزاد ڈوگر ، مشرف جاوید جنجوعہ، عرفان مانا اور علی شان نے شاندار کھیل کا مظاہرہ کرتے ہوئے مخالف ٹیم کو سنبھلنے کا موقع ہی نہ دیا اور واضح فرق سے میچ بآسانی جیت لیا، پاکستانی کھلاڑیوں نے خوبصورت ریڈز اور سٹاپ کرکے متعدد پوائنٹس حاصل کرکے کینیڈا کو 45-35سے شکست دی، پاکستانی کھلاڑیوں کے بہترین کھیل پر شائقین نے انہیں بھرپور داد دی۔
(جاری ہے)
مزید متعلقہ خبریں پڑھئیے :
