نیپال، 2فرانسیسی شہری جنسی استحصال کے جرم میں گرفتار

بدھ 25 جولائی 2018 16:44

کھٹمنڈو(اُردو پوائنٹ اخبار آن لائن۔ بدھ 25 جولائی 2018ء)نیپالی پولیس نے جنسی استحصال کے الزام میں 2فرانسیسی شہریوں کو گرفتار کر لیا،۔ غیر ملکی میڈیا کے مطابق نیپالی پولیس نے ایسے دو فرانسیسی شہریوں کو حراست میں لیا ہے، جن پر بچوں کے جنسی استحصال کا الزام ہے۔

(جاری ہے)

ان دونوں افراد کو پولیس نے کھٹمنڈو کے انٹرنیشنل ہوائی اڈے کے قریب سے اس وقت گرفتار کیا گیا جب وہ نیپال چھوڑنے کی کوشش میں تھے۔ پولیس کے مطابق ان فرانسیسیوں کو معلوم ہو گیا تھا کہ ان کے خلاف پولیس کو شکایت کر دی گئی ہے اور وہ کسی بھی وقت گرفتار ہو سکتے ہیں اور اس بنا پر وہ نیپال سے نکلنا چاہتے تھے۔ پولیس کے مطابق یہ بچوں کو مختلف اشیا سے بہلا کر ان کا جنسی استحصال کرتے تھے۔