’تھینک یو نو کمنٹ ‘ سازش کے سوال پر شاہ محمود قریشی کا محتاط جواب

پیر 30 جولائی 2018 21:37

اسلام آباد (اُردو پوائنٹ اخبار آن لائن۔ پیر 30 جولائی 2018ء)تحریک انصاف کے مرکزی رہنما شاہ محمود قریشی قومی اسمبلی میں ملی جیت اور پنجاب اسمبلی میں ہونے والی ہار میں سازش کی موجودگی کے سوال پر محتاط جواب دیا ۔ میڈیا سے گفتگو کے دوران صحافی کے سوال کے جواب میں پی ٹی آئی رہنما نے کہا کہ میں سوال سمجھ گیا ہوں،جواب ہے’ تھینک یو نو کمنٹ‘میں نے کچی گولیاں نہیں کھیلیں۔

(جاری ہے)

میڈیاسے گفتگو میں شاہ محمود سے دلچسپ سوال یہ پوچھا گیا کہ ’ آپ جس طریقے سے کرکٹ کی پلیسنگ بتارہے ہیں کپتان آپ ہی ہیں، کیا عمران خان کوچ بن گئے ہیں اس پر شاہ محمود قریشی نے دو ٹوک جواب دیا کہ عمران خان کپتان تھا،ہے اور رہے گا ،کسی غلط فہمی میں نہ رہیں۔اس سوال پر کہ قومی اسمبلی میں آپ کو کامیابی ملی اور پنجاب اسمبلی میں شکست ، کہیں یہ سازش تو نہیں شاہ محمود قریشی نے کہاکہ سوال سمجھ گیا ہوں ، جواب دوں گا ، تھینک یو ، نو کمنٹس ، میں نے کچی گولیاں نہیں کھیلیں ۔