سکاٹ لینڈ ،کچرے کی باسکٹ میں پھینکے گئے لاٹری ٹکٹ نے برطانوی جوڑے کو کروڑوں کا مالک بنا دیا

جمعہ 3 اگست 2018 16:12

لندن(اُردو پوائنٹ اخبار آن لائن۔ جمعہ 3 اگست 2018ء) اسکاٹ لینڈ کے شہر ابارڈین کے نزدیک واقع ایک قصبے میں قسمت کے دھنی عمر رسیدہ جوڑے کو پھٹے ہوئے لاٹری ٹکٹ سے 5.8 کروڑ پاؤنڈ (7.5 کروڑ ڈالر) مل گئے۔برطانوی اخبارات کے مطابق 67 سالہ برطانوی شہری فریڈ ہیگنز اور ان کی اہلیہ لیزلی ہیگنز اپنا لاٹری ٹکٹ چیک کروانے کے لیے مقامی اسٹور پہنچے تھے۔

(جاری ہے)

لاٹری مشین چلانے والے نوجوان آپریٹر نے یہ کہتے ہوئے اٴْن کا ٹکٹ پھاڑ کر کچرے کی باسکٹ میں پھینک دیا کہ اس پر انعام نہیں نکلا ہے۔ تاہم مشین نے ایک تحریری پیغام نکالا جس میں کہا گیا کہ مذکوہ ٹکٹ کو سنبھال کر رکھا جائے۔اسٹور کے معاون نگراں نے پھٹے ہوئے ٹکٹ کے ٹکڑے کچرے کی باسکٹ سے نکال کر واپس ہیگنز کو دے دیے۔ جمعرات کی صبح ہیگنز اور ان کی اہلیہ کو یہ ناقابل یقین خوش خبری ملی کہ اٴْن کے ٹکٹ نے 5 کروڑ 79 لاکھ 75 ہزار 367 پاؤنڈ کی انعامی رقم جیت لی ہے۔ہیگنز کے مطابق لاٹری ٹکٹ دو حصّوں میں تقسیم تھا مگر اٴْس پر تمام نمبر واضح طور پر موجود تھے۔