Khawab Main Aag Ko Sajdah Krna - Islamic Khawab ki Tabeer

حضرت دانیال علیہ السلام نے فرمایا ہے کہ اگر کوئی شخص خواب میں دیکھے کہ آگ کو سجدہ کرتا ہے تو اسامر کی دلیل ہے کہ ظالم بادشاہ کو سجدہ کرے گا اور اسکی خدمت میں مشغول ہو گا اور اس کو اس میں صبر اور آرام حاصل نہ ہواور اگر دیکھے کہ تنور یا آگ یا چراغ کو سجدہ کرتا ہے تو دلیل ہے کہ عورتوں کی خدمت میں مشغول ہو گا اور آگ کو پوجتا اور بوسہ( بوسہ دیتا :چومتا ہے ) دیتا ہے کہ بادشاہ کا مخبر ( مخبر : خبر دینے والا ، لوگوں کے حالات بتانے والا ) ہو گا ۔ اگر دیکھے کہ آگ میں خوار ہو کر پھر رہا ہے تو دلیل ہے کہ بادشاہ کی دو سوداگری کی رغبت (رغبت :خواہش ) کرے گا۔ لیکن نتیجہ اچھا نہ ہو گا۔خاص کر اگر آگ سے جسم پر تکلیف پہنچے ۔ اور اگر آگ سے جسم کو تکلیف نہ پہنچے تو دلیل ہے کہ سلامتی اور جمعیت (جمعیت خاطر :دل کی تسلی) خاطر بادشاہ وقت سے دیکھے گا اور اگر خواب میں آگ کے اندر چلا جائے تو دلیل ہے کہ بادشا ہ سے اسی قدر فاہدہ اٹھائے گا۔

(جاری ہے)

اگر خواب میں دیکھے کہ آگ اس کے چہرے یا کپڑے یا ہاتھ سے روشنی دیتی ہے ۔ چنانچہ لوگ اس کے نور سے حیران ہوجائیں تو دلیل ہے کہ دشمن اور دونوں جہان کی مراد پائے گا۔ فرمان حق تعالیٰ ہے۔ و لخل یلک فی جیبک تخرج بیضاء من غیر سوء (اپنا ہاتھ گریبان میں ڈالو ، سفید بے عیب نکلے گا)اور یہ معجزہ حضرت موسیٰ علیہ السلا م کا  فرعون کے مقابلے میں تھا ۔ حضرت اسماعیل اثعت رحمتہ اللہ علیہ نے فرمایا ہے کہ اگر کوئی شخص خواب میں دیکھے کہ آگ کو پوجتا ہے تو دلیل ہے کہ شاہی بازداری (شاہی بازداری : شاہی ملازمت) کرے گا اور اگر آگ انگاری کی شکل پر ہے تو اس کی غرض دین سے مال جمع کرنا ہو گا اور مال حرام بہت سا حاصل کرے گا۔