آزاد عدلیہ کے نام ۔ حرفِ تمنا و حرفِ دُعا
اک پیام تہنیت ہے۔۔۔۔۔
اک سجدہء شُکر لازم ہے۔۔۔۔۔
اُن سبھی کرداروں کو۔۔۔۔۔
کہ جنہوں نے ببانگ دہل۔۔۔۔۔
عدل کی سر بلندی کیلئے۔۔۔۔۔
خود کو ستم گر کے ستم کیلئے برضا پیش کیا۔۔۔۔۔
عزت نفس کو اپنی سر عام مجروح و پامال کیا۔۔۔۔۔
حق و عدل کی فتح و سر بلندی کے لیے۔۔۔۔۔
امل و یقیں کی جلتی بجھتی شمع کو۔۔۔۔۔
ازخود تیز آندھی کی نذر کیا۔۔۔۔۔
کہ جن ہاتھوں نے قرطاس پہ۔۔۔۔۔
خوشامدی قصیدوں کے بین۔۔۔۔۔
سچا حرف، تخلیق کرنے کا ظرف و حوصلہ دیا۔۔۔۔۔
کہ جن حرفوں کی روشنی و نور۔۔۔۔۔
اُس صبح روشن کے آفتاب کی پہلی کرن سے جا ملی۔۔۔۔۔
کہ جس نے آئینے کے اس پار۔۔۔۔۔
دُھندلے عکس کے منظر کو قدرے چمکا دیا۔۔۔۔۔
کہ جس کرن کی چمک میں شامل تھی۔۔۔۔۔
شام کے پہلے ستارے کی لَو۔۔۔۔۔
پو پھٹنے سے پہلے کی شبنم کی نمی۔۔۔۔۔
خالی ہاتھوں کی دعا۔۔۔۔۔
کسی پُر نم آنکھ میں تیرتے سوال کی نمی۔۔۔۔۔
کسی مظلوم و بے بس کی دلسوز آہ و فغاں۔۔۔۔۔
بس اور نہیں۔۔۔۔۔
قلب و ذہن و فکر و ادا نے انکار کیا۔۔۔۔۔
یہ تماشہ سر بام اور نہیں۔۔۔۔۔
بس اور نہیں۔۔۔۔۔
کوئی ستم گر، کوئی ظالم، کوئی جابر، کوئی غاصب، کوئی آمر۔۔۔۔۔
بس اور نہیں۔۔۔۔۔
یہ ستم و ظلم و نا انصافی کا پیچیدہ ہنر اور نہیں۔۔۔۔۔
بس اور نہیں۔۔۔۔۔
قانون سب کے لیے، احتساب سب کا۔۔۔۔۔
اب پکارے زبان بس یہی صدا ہی سدا۔۔۔۔۔
منزل یقیں کو لرزتے گماں سے بچا لیا۔۔۔۔۔
آفریں ان ہاتھوں پہ۔۔۔۔۔
حق کی روشنی میں نہلا ڈالا۔۔۔۔۔
ظلم کے بہکتے عنوان کو۔۔۔۔۔
اندھیر نگری کی تاریک شب میں۔۔۔۔۔
جگنو جو بھٹکے ہوئے بلبل کو راہ دکھلائے۔۔۔۔۔
عدلیہ کو عدل کی راہ پہ یہ کردار ادا کرنا ہے۔۔۔۔۔
زنجیر، گھنٹی، تیشہء عدل، عادل منصف قاضی، قلم۔۔۔۔۔
میزان، کٹہرا، فریادی، ہتھکڑی / پھندا، پابند سلاسل۔۔۔۔۔
اب اک ایسا ہنر عطا ہو۔۔۔۔۔
بھٹکی ہوئی قوم کو جہاں۔۔۔۔۔
مُدعا، عدل، روشنی، راستہ، یقین محکم، منزل۔۔۔۔۔
عدل کی راہ پہ نور بن جائے ہر اٹھتا قدم۔۔۔۔۔
عدلیہ کو عدل کی خاطر اب کہ۔۔۔۔۔
اک ایسے محاذ پر بر سر پیکار و سر گرم رہنا ہے اب۔۔۔۔۔
فوزیہ بشیر علوی
© UrduPoint.com
All Rights Reserved
Ahmed Faraz 
Behzad Lakhnavi 
Professor Rasheed Hasrat 
Mirza Muhammad Rafi Sauda 
Ghulam Muhammad Qasir 
Sarwat Hussain 
Daagh Dehlvi 
Yagana Changezi 
Altaf Tanveer 
Onkar Singh Vivek 
Farhat Nadeem HumayuN 
Saba Shah 
Khaleeq Burhanpuri 
Noman Badar