Yeh Bacha Kis Ka Bacha Hai, Urdu Nazam By Ibne Insha
Yeh Bacha Kis Ka Bacha Hai is a famous Urdu Nazam written by a famous poet, Ibne Insha. Yeh Bacha Kis Ka Bacha Hai comes under the Social category of Urdu Nazam. You can read Yeh Bacha Kis Ka Bacha Hai on this page of UrduPoint.
یہ بچہ کس کا بچہ ہے
ابن انشا
یہ بچہ کیسا بچہ ہے
یہ بچہ کالا کالا سا
یہ کالا سا مٹیالا سا
یہ بچہ بھوکا بھوکا سا
یہ بچہ سوکھا سوکھا سا
یہ بچہ کس کا بچہ ہے
یہ بچہ کیسا بچہ ہے
جو ریت پہ تنہا بیٹھا ہے
نا اس کے پیٹ میں روٹی ہے
نا اس کے تن پر کپڑا ہے
نا اس کے سر پر ٹوپی ہے
نا اس کے پیر میں جوتا ہے
نا اس کے پاس کھلونوں میں
کوئی بھالو ہے، کوئی گھوڑا ہے
نا اس کا جی بہلانے کو
کوئی لوری ہے، کوئی جھولا ہے
نا اس کی جیب میں دھیلا ہے
نا اس کے ہاتھ میں پیسا ہے
نا اس کے امی ابو ہیں
نا اس کی آپا خالا ہے
یہ سارے جگ میں تنہا ہے
یہ بچہ کیسا بچہ ہے
۲
یہ صحرا کیسا صحرا ہے
نا اس صحرا میں بادل ہے
نا اس صحرا میں برکھا ہے
نا اس صحرا میں بالی ہے
نا اس صحرا میں خوشا ہے
نا اس صحرا میں سبزہ ہے
نا اس صحرا میں سایا ہے
یہ صحرا بھوک کا صحرا ہے
یہ صحرا موت کا صحرا ہے
۳
یہ بچہ کیسے بیٹھا ہے
یہ بچہ کب سے بیٹھا ہے
یہ بچہ کیا کچھ پوچھتا ہے
یہ بچہ کیا کچھ کہتا ہے
یہ دنیا کیسی دنیا ہے
یہ دنیا کس کی دنیا ہے
۴
اس دنیا کے کچھ ٹکڑوں میں
کہیں پھول کھلے کہیں سبزہ ہے
کہیں بادل گھر گھر آتے ہیں
کہیں چشمہ ہے کہیں دریا ہے
کہیں اونچے محل اٹاریاں ہیں
کہیں محفل ہے کہیں میلا ہے
کہیں کپڑوں کے بازار سجے
یہ ریشم ہے یہ دیبا ہے
کہیں غلے کے انبار لگے
سب گیہوں دھان مہیا ہے
کہیں دولت کے صندوق بھرے
ہاں تانبا سونا روپا ہے
تم جو مانگو سو حاضر ہے
تم جو چاہو سو ملتا ہے
اس بھوک کے دکھ کی دنیا میں
یہ کیسا سکھ کا سپنا ہے
وہ کس دھرتی کے ٹکڑے ہیں
یہ کس دنیا کا حصہ ہے
۵
ہم جس آدم کے بیٹے ہیں
یہ اس آدم کا بیٹا ہے
یہ آدم ایک ہی آدم ہے
یہ گورا ہے یا کالا ہے
یہ دھرتی ایک ہی دھرتی ہے
یہ دنیا ایک ہی دنیا ہے
سب اک داتا کے بندے ہیں
سب بندوں کا اک داتا ہے
کچھ پورب پچھم فرق نہیں
اس دھرتی پر حق سب کا ہے
۶
یہ تنہا بچہ بے چارہ
یہ بچہ جو یہاں بیٹھا ہے
اس بچے کی کہیں بھوک مٹے
(کیا مشکل ہے ہو سکتا ہے)
اس بچے کو کہیں دودھ ملے
(ہاں دودھ یہاں بہتیرا ہے)
اس بچے کا کوئی تن ڈھانکے
(کیا کپڑوں کا یہاں توڑا ہے)
اس بچے کو کوئی گود میں لے
(انسان جو اب تک زندہ ہے)
پھر دیکھے کیسا بچہ ہے
یہ کتنا پیارا بچہ ہے
۷
اس جگ میں سب کچھ رب کا ہے
جو رب کا ہے وہ سب کا ہے
سب اپنے ہیں کوئی غیر نہیں
ہر چیز میں سب کا ساجھا ہے
جو بڑھتا ہے جو اگتا ہے
وہ دانا ہے یا میوہ ہے
جو کپڑا ہے جو کمبل ہے
جو چاندی ہے جو سونا ہے
وہ سارا ہے اس بچے کا
جو تیرا ہے جو میرا ہے
یہ بچہ کس کا بچہ ہے
یہ بچہ سب کا بچہ ہے!
ابن انشا
© UrduPoint.com
All Rights Reserved
(13304) ووٹ وصول ہوئے
Related Ibne Insha Poetry
More Ibne Insha Poetry
دیکھ ہماری دید کے کارن کیسا قابل دید ہوا
Ibne Insha - ابن انشا
Dekh Hamari Deed Ke Karkun Kaisa Qaabil E Deed Hova
دل عشق میں بے پایاں سودا ہو تو ایسا ہو
Ibne Insha - ابن انشا
Dil Ishq Main Be Payaan Soda Ho To Aisa Ho
اے منوالی بدلی کالی روپ کا رس برساتی جا
Ibne Insha - ابن انشا
Ay Manwali Badli Kali Roup Ka Ras Barsati Ja
ہم جنگل کے جوگی ہم کو ایک جگہ آرام کہاں
Ibne Insha - ابن انشا
Hum Jangal De Jogi Hum Kok Aik Jagah Araam Kaha
اور تو کوئی بس نہ چلے گا ہجر کے درد کےماروں کا
Ibne Insha - ابن انشا
Aur To Koi Bas Na Chale Ga Hijar Ke Dard Ke Maro Ka
ہاں دیکھاں کل ہم نے اسکو دیکھنے کا جسے ارماں تھا
Ibne Insha - ابن انشا
Haa Dekha Kal Hum Ne Usko Dekhne Ka Jisy Armaan Tha
جلوہ نمائی بے پروائی ہاں یہی ریت جہاں کی ہے
Ibne Insha - ابن انشا
Jalva Namai Be Parwai Haan Yahi Rait Jahan Ki Hai
اس شام وہ رخصت کا سماں یاد رہے گا
Ibne Insha - ابن انشا
Us Shaam Wo Rukhsat Ka Samaan Yaad Rahe Ga
You can read Yeh Bacha Kis Ka Bacha Hai written by Ibne Insha at UrduPoint. Yeh Bacha Kis Ka Bacha Hai is one of the masterpieces written by Ibne Insha. You can also find the complete poetry collection of Ibne Insha by clicking on the button 'Read Complete Poetry Collection of Ibne Insha' above.
Yeh Bacha Kis Ka Bacha Hai is a widely read Urdu Nazam. If you like Yeh Bacha Kis Ka Bacha Hai, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.