Mashq, Urdu Nazam By Mohammad Haneef Rame

Mashq is a famous Urdu Nazam written by a famous poet, Mohammad Haneef Rame. Mashq comes under the Love, Sad category of Urdu Nazam. You can read Mashq on this page of UrduPoint.

Urdu Poem English Poem

مشق

محمد حنیف رامے

برسوں بعد بر نوک زبان رہتا ہے کوئی شعر

پھر ایک دن

اس کے جانے پہچانے ہزار مرتبہ دہرائے ہوئے الفاظ کے اندر

کھل جاتا ہے معانی کا ایک نیا دروازہ

اور رہ جاتے ہیں ہم ہکا بکا

جس مفہوم پر سر دھنتے آئے تھے کل تک کتنا سطحی کتنا ادھورا تھا وہ

شکر کرتے ہیں کہ نہیں پوچھ لیا کسی نے ہم سے اس شعر کا مطلب

ستیہ ناس کر ڈالتے اچھے بھلے شعر کا ان نئے معانی کے بغیر ہم

یہی کچھ ہوتا ہے زندگی میں پیش آنے والے

واقعات و حادثات کے ساتھ بھی

جو کچھ بیت گیا اور بیت رہا ہے ہم پر

دیر تک راز ہی نہیں کھلتا اس کی اہمیت کا

بے مقصد ہو رہا ہے یہ سب کچھ

یا اس کا ہمارے مستقبل اور مقدر سے بھی تعلق ہے کچھ

پھر پردہ سا ہٹتا ہے اور ہو جاتے ہیں ہم غرق حیرت

کتنا محدود تھا ہمارا نقد علم

اور کن مغالطوں میں پڑے ہوئے تھے ہم

مجھے تو خوگر سا بنا دیا ہے روزمرہ کی اس حیرانی و پریشانی نے

نئے سے نیا صدمہ سہنے کو تیار رہتا ہوں صبح و شام

اپنی جہالت کے انکشاف پر

ونڈے کرکٹ تو شوق سے دیکھتے ہیں آپ بھی

یوں سمجھیے کہ مشق تھا گزشتہ کل کا میچ آج کے میچ کی

مشق ہے آج کا میچ آنے والے کل کے لیے

اور کل جو میچ ہوگا اپنی جگہ وہ فائنل ہی کیوں نہ ہو

مشق ہوگا پرسوں کے میچ کی

ہڈیاں گل گئیں اتنی سادہ سی بات سمجھتے سمجھتے

کہ ہر دن طلوع ہوتا ہے اپنے ساتھ ایک نیا سوال ایک نیا چیلنج لے کر

اور مطالبہ کرتا ہے ہم سے ایک نئے جواب ایک نئے طرز عمل کا

نہ تو زندگی ہی جامد ہے نہ زندگی کا خالق خدا

زندگی بہتے دریا کی طرح بدلتی رہتی ہے ہر لحظہ قائم و دائم رہتے ہوئے

اور نت نئی تخلیق میں مصروف خدا بھی نہیں ہوتا کبھی پہلے والا خدا

جب زندگی اور اس کے خالق ہی کی کایا کلپ ہوتی رہتی ہے یوں

تو اشعار ہوں یا واقعات و حادثات بدل جاتا ہے ہر شے کا مفہوم

بھئی، بدل جاتے ہیں ہم خود بدل جاتی ہے ہماری نظر ہمارا احساس

بدل جاتی ہیں وہ محبتیں

جن کے ازلی و ابدی ہونے کی قسمیں کھایا کرتے تھے ہم

بدل جاتی ہیں بے بدل دوستیاں

وہ خواہشیں بدل جاتی ہیں جنہوں نے

ایک عمر پاگل بنائے رکھا ہوتا ہے ہمیں

اور تو اور بدل جاتے ہیں دین اور ایمان

راستے ہی نہیں بدل جاتی ہیں منزلیں

سن رہے ہیں آپ

بھر تو نہیں پائے آپ بھی؟

کدھر چل دیے آپ؟

بدل تو نہیں گئے آپ بھی؟

محمد حنیف رامے

Previous More Love Poetry Next

Mohammad Haneef Rame

Mashq

Mohammad Haneef Rame

barson baad bar-nok-e-zaban rahta hai koi sher
phir ek din
us ke jaane pahchane hazar martaba dohrae hue alfaz ke andar
khul jata hai maani ka ek naya darwaza
aur rah jate hain hum hakka-bakka
jis mafhum par sar dhunte aae the kal tak kitna sathi kitna adhura tha wo
shukr karte hain ki nahin puchh liya kisi ne hum se is sher ka matlab
satya-nas kar Dalte achchhe bhale sher ka in nae maani ke baghair hum
yahi kuchh hota hai zindagi mein pesh aane wale
waqiat o hadsat ke sath bhi
jo kuchh bit gaya aur bit raha hai hum par
der tak raaz hi nahin khulta us ki ahmiyat ka
be-maqsad ho raha hai ye sab kuchh
ya is ka hamare mustaqbil aur muqaddar se bhi talluq hai kuchh
phir parda sa haTta hai aur ho jate hain hum gharq-e-hairat
kitna mahdud tha hamara naqd-e-ilm
aur kin mughaaliton mein paDe hue the hum
mujhe to KHugar sa bana diya hai roz-marra ki is hairani o pareshani ne
nae se naya sadma sahne ko tayyar rahta hun subh o sham
apni jahaalat ke inkishaf par
one-day cricket to shauq se dekhte hain aap bhi
yun samajhiye ki mashq tha guzishta kal ka match aaj ke match ki
mashq hai aaj ka match aane wale kal ke liye
aur kal jo match hoga apni jagah wo final hi kyun na ho
mashq hoga parson ke match ki
haDDiyan gal gain itni sada si baat samajhte samajhte
ki har din tulu hota hai apne sath ek naya sawal ek naya challenge le kar
aur mutaliba karta hai hum se ek nae jawab ek nae tarz-e-amal ka
na to zindagi hi jamid hai na zindagi ka KHaliq KHuda
zindagi bahte dariya ki tarah badalti rahti hai har lahza qaem-o-daem rahte hue
aur nit-nai taKHliq mein masruf KHuda bhi nahin hota kabhi pahle wala KHuda
jab zindagi aur us ke KHaliq hi ki kaya kalp hoti rahti hai yun
to ashaar hon ya waqiat o hadsat badal jata hai hir shai ka mafhum
bhai, badal jate hain hum KHud badal jati hai hamari nazar hamara ehsas
badal jati hain wo mohabbaten
jin ke azli o abadi hone ki qasmen khaya karte the hum
badal jati hain be-badal dostiyan
wo KHwahishen badal jati hain jinhon ne
ek umr pagal banae rakha hota hai hamein
aur to aur badal jate hain din aur iman
raste hi nahin badal jati hain manzilen
sun rahe hain aap
bhar to nahin pae aap bhi?
kidhar chal diye aap?
badal to nahin gae aap bhi?

Facebook Twitter Reddit Pinterest Whatsapp

(590) ووٹ وصول ہوئے

You can read Mashq written by Mohammad Haneef Rame at UrduPoint. Mashq is one of the masterpieces written by Mohammad Haneef Rame. You can also find the complete poetry collection of Mohammad Haneef Rame by clicking on the button 'Read Complete Poetry Collection of Mohammad Haneef Rame' above.

Mashq is a widely read Urdu Nazam. If you like Mashq, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.

Mashq, Urdu Nazam By Mohammad Haneef Rame

مشق

Mashq

Related Mohammad Haneef Rame Poetry

More Mohammad Haneef Rame Poetry

Poetry Categories

Poetry Type

Legend Urdu Poets

Famous Urdu Poets

Poetry Topics