Lamhon Ke Asrar, Urdu Nazam By Mubeen Mirza
Lamhon Ke Asrar is a famous Urdu Nazam written by a famous poet, Mubeen Mirza. Lamhon Ke Asrar comes under the Love, Sad category of Urdu Nazam. You can read Lamhon Ke Asrar on this page of UrduPoint.
لمحوں کے اسرار
مبین مرزا
شام کا پہلا تارہ
دل کے افق پر جس کی جوت سے
قوس قزح سے اتری تھی
اور اس قزح نے
ساری دل کی دنیا چمکائی تھی
زیست کا پہلا ساون تھا وہ
جس سے جیون ساگر میں
اک لہر اٹھی تھی
اور اس لہر نے ساری ہستی
جل تھل کی تھی
باغ کی پہلی تتلی تھی وہ
من آنگن کے سونے پن میں
جس کی اک پرچھائیں پڑی تھی
اور جس پرچھائیں کو چھونے کی
خواہش میں
دشت تمنا میں جا نکلے تھے ہم
دشت تمنا جس میں ہر سو
گہرا سناٹا تھا
سناٹا بھی ایسا جس کو کوہ ندا سے
ہر لمحہ آواز آتی تھی
جانے والو! یاد رہے اس راہ نکلنے والے
لوٹ کے آ نہیں سکتے
لیکن جن کو رنگوں کی مہکار بلائے
وہ روکے سے رک نہیں سکتے
جن کے جذبے سچے ہوں
وہ آگ پہ کب چلنے سے ڈرتے ہیں
ہم بھی اپنا مان لیے
راہوں میں گھلتی جان لیے
چلتے آئے، بس چلتے آئے
چاند کی پہلی رات تھی وہ جب
ہم کو یہ احساس ہوا تھا
ہم تو جیون ہار چکے ہیں
اور بہار کا وہ اک لمحہ
جس کو ہم اپنا سمجھے تھے
سینے میں اب کبھی نہ بجھنے والی
آگ اتار کے
رخصت مانگ رہا تھا
اور وہ خوشبو جس کو پا کر
ہم نے یہ سوچا تھا کہ ہم کو
جیون اب تجنے بھی دکھ دے
وقت ہمارے سینے میں اب
چاہے جتنے زخم اتارے
ہم پہ زمانہ جتنے چاہے
وار کرے اب
سب ہنس کر سہہ جائیں گے ہم
بھید مقدر کے کیا کہیے
کب وہ کسی پر کھل سکتے ہیں
ہونی تو ہو کر رہتی ہے
کب وہ بھلا ٹل سکتی ہے
خیر جو ہونا تھا سو ہوا وہ
اب تو سب کچھ بیت گیا ہے
لیکن پھر بھی ہونے کا دکھ
کم تو نہیں ہے
اور اس دکھ کا بوجھ اٹھائے
درد بھرا یہ جیون اپنا
ان راہوں کی سمت رواں ہے
انت میں جن کے آ جاتا ہے
آخری موڑ نہ ہونے کا
پہلا تارہ پہلا سا دن
پہلی تتلی اور وہ پہلی چاند کی رات
سب کچھ پل میں بیت گیا ہے
اور اب آخری موڑ سے پہلے
بیتے خوابوں کی گلیوں میں
اپنی بکھری ذات کے ریزے
لمحہ لمحہ چنتا ہوں
آنے والے وقت کی چاپ کو سنتا ہوں
اور سوچتا ہوں
کیا وہ سب کچھ جس سے
میری ذات کا رشتہ تھا
وہ سب کچھ پل میں بیت گیا ہے
کیا وہ سب کچھ جس سے میں
اب وابستہ ہوں
یوں ہی پل میں بیت رہا ہے
مبین مرزا
© UrduPoint.com
All Rights Reserved
Lamhon Ke Asrar
Mubeen Mirza
dil ke ufuq par jis ki jot se
qaus-e-quzah se utri thi
aur is quzah ne
sari dil ki duniya chamkai thi
zist ka pahla sawan tha wo
jis se jiwan-sagar mein
ek lahar uThi thi
aur is lahar ne sari hasti
jal-thal ki thi
bagh ki pahli titli thi wo
man-angan ke sune-pan mein
jis ki ek parchhain paDi thi
aur jis parchhain ko chhune ki
KHwahish mein
dasht-e-tamanna mein ja nikle the hum
dasht-e-tamanna jis mein har-su
gahra sannaTa tha
sannaTa bhi aisa jis ko koh-e-nida se
har lamha aawaz aati thi
jaane walo! yaad rahe is rah nikalne wale
lauT ke aa nahin sakte
lekin jin ko rangon ki mahkar bulae
wo roke se ruk nahin sakte
jin ke jazbe sachche hon
wo aag pe kab chalne se Darte hain
hum bhi apna man liye
rahon mein ghulti jaan liye
chalte aae, bas chalte aae
chand ki pahli raat thi wo jab
hum ko ye ehsas hua tha
hum to jiwan haar chuke hain
aur bahaar ka wo ek lamha
jis ko hum apna samjhe the
sine mein ab kabhi na bujhne wali
aag utar ke
ruKHsat mang raha tha
aur wo KHushbu jis ko pa kar
hum ne ye socha tha ki hum ko
jiwan ab tajne bhi dukh de
waqt hamare sine mein ab
chahe jitne zaKHm utare
hum pe zamana jitne chahe
war kare ab
sab hans kar sah jaenge hum
bhed muqaddar ke kya kahiye
kab wo kisi par khul sakte hain
honi to ho kar rahti hai
kab wo bhala Tal sakti hai
KHair jo hona tha so hua wo
ab to sab kuchh bit gaya hai
lekin phir bhi hone ka dukh
kam to nahin hai
aur is dukh ka bojh uThae
dard bhara ye jiwan apna
un rahon ki samt rawan hai
ant mein jin ke aa jata hai
aaKHiri moD na hone ka
pahla tara pahla sa din
pahli titli aur wo pahli chand ki raat
sab kuchh pal mein bit gaya hai
aur ab aaKHiri moD se pahle
bite KHwabon ki galiyon mein
apni bikhri zat ke reze
lamha lamha chunta hun
aane wale waqt ki chap ko sunta hun
aur sochta hun
kya wo sab kuchh jis se
meri zat ka rishta tha
wo sab kuchh pal mein bit gaya hai
kya wo sab kuchh jis se main
ab wabasta hun
yunhi pal mein bit raha hai
(547) ووٹ وصول ہوئے
Related Mubeen Mirza Poetry
More Mubeen Mirza Poetry
محبت رمز ہستی ہے
Mubeen Mirza - مبین مرزا
Mohabbat Ramz-e-hasti Hai
قرینے زیست میں تھے سوختہ جانی سے پہلے
Mubeen Mirza - مبین مرزا
Qarine Zist Mein The Sokhta-jaani Se Pahle
اک خواب کو آنکھیں رہن رکھیں اک شوق میں دل ویران کیا
Mubeen Mirza - مبین مرزا
Ek Khwab Ko Aankhen Rehn Rakhen Ek Shauq Mein Dil Viran Kiya
پیاس
Mubeen Mirza - مبین مرزا
Pyas
چلے جائیں گے سب اسباب حیرانی نہ جائے گی
Mubeen Mirza - مبین مرزا
Chale Jaenge Sab Asbab Hairani Na Jaegi
میں اپنے آپ لڑوں گا سمندروں سے جنگ (ردیف .. ن)
Mubeen Mirza - مبین مرزا
Main Apne Aap Ladunga Samundaron Se Jang
ترا غم دل پہ افشا کر رہے ہیں
Mubeen Mirza - مبین مرزا
Tera Gham Dil Pe Ifsha Kar Rahe Hain
جلا دیا ہے کہ اس نے بجھا دیا ہے مجھے
Mubeen Mirza - مبین مرزا
Jala Diya Hai Ki Isne Bujha Diya Hai Mujhe
You can read Lamhon Ke Asrar written by Mubeen Mirza at UrduPoint. Lamhon Ke Asrar is one of the masterpieces written by Mubeen Mirza. You can also find the complete poetry collection of Mubeen Mirza by clicking on the button 'Read Complete Poetry Collection of Mubeen Mirza' above.
Lamhon Ke Asrar is a widely read Urdu Nazam. If you like Lamhon Ke Asrar, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.