Eid Milan, Urdu Nazam By Nazeer Banarasi
Eid Milan is a famous Urdu Nazam written by a famous poet, Nazeer Banarasi. Eid Milan comes under the Social category of Urdu Nazam. You can read Eid Milan on this page of UrduPoint.
عید ملن
نذیر بنارسی
بچھڑے ہوؤں کو بچھڑے ہوؤں سے ملائے ہے
ہر سمت عید جشن محبت منائے ہے
انسانیت کی پینگ محبت بڑھائے ہے
موسم ہر اک امید کو جھولا جھلائے ہے
بارش میں کھیت ایسی طرح سے نہائے ہے
رونق ہر اک کسان کے چہرے پہ آئے ہے
ہم سب کو اپنے گھیرے میں لینے کے واسطے
چاروں طرف سے گھر کے گھٹا آج آئے ہے
حیوانیت نے خون کے دھبے جنم دیے
برسات آ کے خون کے دھبے چھڑائے ہے
شہزادئ بہار کی آمد ہے باغ میں
ہر ایک پھول راہ میں آنکھیں بچھائے ہے
ہے کتنی پیاری پیار بھری عید کی ادا
اپنا سمجھ کے سب کو گلے سے لگائے ہے
سچ پوچھیے تو یہ بھی محبت کا ہے ثبوت
جو رائے آپ کی ہے وہی میری رائے ہے
بوچھاریں آ کے دیتی ہیں اس کو سلامیاں
بنسی بجا بجا کے جو میلہ لگائے ہے
میں جاؤں گا تو پھر کبھی واپس نہ آؤں گا
کالی گھٹا تو ہر برس آئے ہے جائے ہے
عید الفطر کی وجہ شرافت تو دیکھیے
ہر سال آ کے سب کو گلے سے لگائے ہے
دیجے دعائیں عید کی تیوہار کو نذیرؔ
اک بھیڑ آج آپ سے ملنے کو آئے ہے
نذیر بنارسی
© UrduPoint.com
All Rights Reserved
Eid Milan
Nazeer Banarasi
har samt eid jashn-e-mohabbat manae hai
insaniyat ki peng mohabbat baDhae hai
mausam har ek umid ko jhula jhulae hai
barish mein khet aisi tarah se nahae hai
raunaq har ek kisan ke chehre pe aae hai
hum sab ko apne ghere mein lene ke waste
chaaron taraf se ghir ke ghaTa aaj aae hai
haiwaniyat ne KHun ke dhabbe janam diye
barsat aa ke KHun ke dhabbe chhuDae hai
shahzadi-e-bahaar ki aamad hai bagh mein
har ek phul rah mein aankhen bichhae hai
hai kitni pyari pyar bhari eid ki ada
apna samajh ke sab ko gale se lagae hai
sach puchhiye to ye bhi mohabbat ka hai subut
jo rae aap ki hai wahi meri rae hai
bauchhaaren aa ke deti hain us ko salamiyan
bansi baja baja ke jo mela lagae hai
main jaunga to phir kabhi wapas na aaunga
kali ghaTa to har baras aae hai jae hai
eid-ul-fitar ki wajh-e-sharafat to dekhiye
har sal aa ke sab ko gale se lagae hai
dije duaen eid ki tyauhaar ko 'nazir'
ek bhiD aaj aap se milne ko aae hai
(590) ووٹ وصول ہوئے
Related Nazeer Banarasi Poetry
More Nazeer Banarasi Poetry
ہند کے مے خانے سے اک ساتھ اٹھے دو بادہ خوار
Nazeer Banarasi - نذیر بنارسی
Hind Ke Mai-khane Se Ek Sath Uthe Do Baada-khwar
ایک جھونکا اس طرح زنجیر در کھڑکا گیا
Nazeer Banarasi - نذیر بنارسی
Ek Jhonka Is Tarah Zanjir-e-dar Khadka Gaya
تم نین کے دونوں پٹ میرے لیے وا رکھنا
Nazeer Banarasi - نذیر بنارسی
Tum Nain Ke Donon Pat Mere Liye Wa Rakhna
مری بے زبان آنکھوں سے گرے ہیں چند قطرے
Nazeer Banarasi - نذیر بنارسی
Meri Be-zaban Aankhon Se Gire Hain Chand Qatre
آس ہی سے دل میں پیدا زندگی ہونے لگی
Nazeer Banarasi - نذیر بنارسی
Aas Hi Se Dil Mein Paida Zindagi Hone Lagi
ہمارے اہل چمن ہم سے سرگراں تو نہیں
Nazeer Banarasi - نذیر بنارسی
Hamare Ahl-e-chaman Humse Sargiran To Nahin
وہ جو بچھڑے موت یاد آنے لگی
Nazeer Banarasi - نذیر بنارسی
Wo Jo Bichhde Maut Yaad Aane Lagi
مسجد و مندر کلیسا سب میں جانا چاہئے
Nazeer Banarasi - نذیر بنارسی
Masjid-o-mandir Kalisa Sab Mein Jaana Chahiye
You can read Eid Milan written by Nazeer Banarasi at UrduPoint. Eid Milan is one of the masterpieces written by Nazeer Banarasi. You can also find the complete poetry collection of Nazeer Banarasi by clicking on the button 'Read Complete Poetry Collection of Nazeer Banarasi' above.
Eid Milan is a widely read Urdu Nazam. If you like Eid Milan, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.