Mala, Urdu Nazam By Dr Tayyaba Rafique

چہرے پہ ہنسی لا کے، ان لمحوں کو سجانا ہوگا

دنیا نے بنائی جو ریتیں، ان ریتوں کو نبھانا ہوگا

صدف سے چن کے گہر بنی تھی یہ مالا

اس مالا کو آج بکھر جانا ہوگا

اپنائیت اور شرارتوں کی نفرتیں

انا خلش اور حسد بھری یہ رفاقتیں

بے معنی ہو جائیں گی یہ قربتیں

دیواریں جو بھی کھنچی تھی ان کو گرانا ہوگا

قدورتوں کو دلوں سے آج مٹانا ہوگا

صدف سے چن کے گہر بنی تھی یہ مالا

اس مالا کو آج بکھر جانا ہوگا

زندگی نے کیا تھا یکجا سفر میں داخل

ایک ہی تھی راہ ہماری اور اک ہی منزل

عظم ہمارا، سدا ہماری، ہماری مشکل

اس' ہم ' کو آج ہمیں بھلانا ہوگا

اپنی اپنی منزل کو اب پانا ہوگا

صدف سے چن کے گہر بنی تھی یہ مالا

اس مالا کو آج بکھر جانا ہوگا

پھر کسی دن اپنا یہاں جب آنا ہوگا

جہاں بھی دیکھو دور تلک ویرانہ ہوگا

اس جھرمٹ میں ڈھونڈو گے تم کس کس کو؟

دکھنے والا ہر چہرہ انجانا ہوگا

پھر بھی یہاں کچھ کچھ جانا پہچانا ہوگا

صدف سے چن کے گہر بنی تھی یہ مالا

اس مالا کو آج بکھر جانا ہوگا