KON BNAIY GA NIA PAKISTAN By AMEER FAROOQABADI

کون بنائے گا نیا پاکستان

اے قائد اعظم تم ہو پاکستان کے بانی

تیرے سنگ ہمارے آباء نے دی ہر قربانی

تیرے پیچھے تھا اقبال کا ولولہ جہاں بانی

تونے ہی بدلی تھی دنیا کے نقشے کی کہانی

قائد اعظم تیرے پاکستان کا برا حال ہے

جنگل کا قانون ہے یاں عزت پا مال ہے

ہر طرف مذہبی فرقہ بندی کا جال ہے

عزت دار یہاں وہی ہے جو چور باکمال ہے

عجب سی بن گئی ہے اس وطن کی کہا نی

نہیں ہے اب یاں بجلی گیس اور پانی

بڑے بڑے مگر مچھ کرتے ہیں اپنی من مانی

دفتر دفتر گرم ہے بازار ِ شوت ستانی

غریب ااور مزدور افلاس میں نڈھال ہے

یاں بھوک سے بلکتے بچوں کا برا حال ہے

مگر وزراء کے فرنگی کتوں کی خوراک با کمال ہے

اور عوام سے بہتر وزراء کے گھوڑوں کا حال ہے

گوشت گدھے کا بکتا ہے بازاروں میں

دودھ بنتا ہے یا ں نہر کناروں میں

بڑے عہدے بٹ گئے اپنے یاروں میں

افسر بے کارِ خاص ہیں دفتر کے نظاروں میں

جو قوم کے محافظ ہیں وہی لٹیرے دیکھے

وطن سے مخلص نہیں مفاد کے فصلی بٹیرے دیکھے

امرا ء کے بیرون ملک گھر اور ڈیرے دیکھے

نسل نو کے مقدر میں دفتروں کے پھیرے دیکھے

چور چکوں کا یہاں مقام اونچا دیکھا

ہر محفل میں ان کا نام اونچا دیکھا

شہر میں ان کا در و بام ا ونچا دیکھا

تھانہ ہو یا کچہری ان کا کلام اونچا دیکھا

کہیں بازار میں بکتی ہوئی آدم کی بیٹی کا ا فلاس د یکھا

کہیں اربا ب اختیار کے تن پر لاکھوں کا لباس دیکھا

کسی کو کروڑوں کی مرسڈیز میں سوار سوئے اجلاس دیکھا

اولاد برائے فروخت کسی باپ کا غربت میں یاس دیکھا

کون بنا ئے گا اس وطن کو اب نیا پاکستان

بندہ یا ں کوئی نہیں ہے، ہر طرف انسان نما شیطان

اقبال جیسا کرردارکسی کا نہ قائدِ اعظم جیسا ایمان

ہر کوئی لیے پھرتا ہے جھوٹے نعروں کا سامان

کہیں قوم کی بیٹیوں کو سڑکوں پر نچاتے دیکھا

شہر شہر قریہ قریہ عریانی و فحاشی پھیلاتے دیکھا

کسی لیڈر کے پالتو کتوں کو صوفوں پر سلاتے دیکھا

تاریخ میں ناچ کرکبھی کسی کو انقلاب لاتے دیکھا

کاش کوئی قائد اعظم جیسا وکیل ہو

اس کے پاس تبدیلی کی پختہ دلیل ہو

جس کے پیٹ کا سائز قلیل ہو

شائد وہ کوئی مو سی ہو یا کو ئی خلیل ہو

اب نیا پاکستان بنانے کوئی نہیںآ ئے گا

وطن کی بگڑی تقدیر سلجھانے کوئی نہیں آئے گا

پریشانِ حال کا دل بہلانے کوئی نہیں آئے گا

زخموں پر مرہم لگانے امی کوئی نہیں آئے گا