Youm E Yakjehti Kashmir By Chand Fatima

سبزہ زار پہاڑوں کی بات کرتا ہوں

رنگیں نظاروں کی بات کرتا ہوں

جس کے آنگن میں ہے جنت کا سماں یاروں

میں تو کشمیر کی پُر کیف بہاروں کی بات کرتا ہوں

جس کی ندیوں میں نغمے ہیں برپا

جس کی پھولوں کی خوشبو سے معطر ہے صبا

جس کی دھرتی پہ مجھے ملتا ہے ماں جیسا لمس

میں تو کشمیر میں لگے بازاروں کی بات کرتا ہوں

اس کی بہاروں میں گولیوں کی کھنک دکھتی ہے

اس کی ندیوں میں خون کی دھنک دھکتی ہے

اس کی پُر نور فضاؤں پہ خزاں چھائی ہے

میں تو کشمیر کے اجڑے دیاروں کی بات کرتا ہوں

میرے اس دیس میں ظلم اور جبر بھی ہے

کھودی اک ماں نے ہاتھوں سے بیٹے کی قبر بھی ہے

میں تو اُن ماؤں کے سہاروں کی بات کرتا ہوں

میں تو کشمیر میں درد کے ماروں کی بات کرتا ہوں

جیتی ہے وہ بھی جس کا بھائی مرا

زندہ ہے وہ بھی جس کا سرتاج چھینا

آبرویں گھر بار لٹا کر پھر بھی

کہتی ہے کشمیر تجھ پہ ہے سب کچھ قرباں

میں تو اُن دلیروں کی بات کرتا ہوں

یکجہتی کا اظہار تو سبھی کرتے ہیں

اُٹھا کر جھنڈے قافلے نکلتے ہیں

کچھ دنوں تک یہ سلسلہ عام ہوتا ہے

پھر اچانک ہی جذبوں کو سلا دیتے ہیں

میں تو کشمیر کے ناروں کی بات کرتا ہوں

میں یہ چاہتا ہوں اے دیس مرے

تیری ان اجڑی بہاروں کو میں پھر سے لاؤں

تیری مائیں کبھی سرےِ بازار نہ ہوں

تیرے بچے ناخواندگی سے شرمسار نہ ہوں

مگر افسوس کہ ایسا کہاں ممکن ہے؟

میں نے کائنات کے حاکموں کو سدا دی ہے

میں نے رو رو کے دہلیز بھی ہلا دی ہے

کوئی نہیں جس نے میرے درد کی دوا کی ہے

سب نے ہی مجھ کو صبر کی صالح دی ہے

اب میں تھک ہار کےچوکھٹ پڑا ہوں یا رب

در بدر ٹھوکریں کھا کے گرا ہوں یا رب

تو کسی ماں کی دواؤں کو کر لے قبول

میرے دیس میں امن کے کھلا دے تو پھول

یاروں نے دیا ہے کشمیر کو جنت کا نام

تیرا فرمان ہے جنت ہے کافر پہ حرام

الٰہی ہم تو ہیں تیرے غلام

اپنے حبیب کے صدقے یہ جنت دے دے انعام ،یہ جنت دے دے انعام

آمین،،،،،، یا رب العا لمین