Roti Hi Mera Deen Hai By Mehr Liaqat Gunpal

اک صاحب ایمان نے پوچھا جو مِہر سے

یہ ارض و سماں رب نے بنائے ھیں کس لیے

کلمہ نماز روزہ حج و زکواتہ کیا ھے۔

جھگڑا حیات کیسا یہ موت کس لیے

سورج سلگ رہا ھے کیوں آسمان پہ ۔

نیلے گگن پہ رات کو چندا ھے کس لیے

راما رامائین کیا ھے گیتا گرنتھ کیا ھے ۔

مسلم کے اس قرآن کی تفسیر کس لیے

آل یہود اوپر اتری زبور کیا ھے ۔

خالق کی اس کتاب میں موسؑی کا طور کیا ھے

نصرانیوں کے گرجے عیسیؑ ٹنگا ھوا ھے ۔

مصلوب کی مقدس انجیل کس لیے ھے ۔

بھکشو دلای لامہ جامہ میں لال کیوں ہے۔

دھرموں میں بے دھرم سے انسان کس لیے

کعبہ بھی سب کا ایک ھے قرآن ایک ھے۔

اللہ نبیؐ پہ سب کا ایمان ایک ھے ۔

ممبر پہ ایک ملاں ماتم میں کوئی مومن ۔

یہ مسلکوں میں روتا اسلام کس لیے

کندھا جھنجھوڑ میرا بولا وہ نور کیا ھے۔

مُردوں میں جان ڈالے عیٰسؑی ظہور کیا ھے۔

کسب حرام کیا ھے کسب حلال کیا ھے۔

کشف جمال کیا ھے کشفِ کمال کیا ھے ۔

قسمت کھری یا کھوٹی بریوں امامؒ کیوں ھے۔

سہونؒ کے لال جھولے سخیوں کا نام کیوں ھے۔

مولا علیؑ میں بیٹھا کشف القلوب کیا ہے ۔

لوحِ قلم محمدؐ کشف القبور کیا ھے

آخر میں خامشی پہ میری یونہی تھک گیا۔

کہتا ھےمہر تیرا ماتھا لٹک گیا۔

بولا میں رو کے اس کو ھٹ جا خدا کے بندے۔

کیسا ھے دھرم تیرا کیسے ہیں تیرے دھندے۔

بندے خدا کے سن لے بندہ ہی ماترم ہے ۔

بھوکے کا دین کیسا بھوکے کا کیا حرم ہے

۔

اندھے گنوار تیرا کشف کلام کیا ھے؟

بھوکے سے پوچھتے ھو صوت و سلام کیا ھے ؟

بھوکے شکم کو کیسے

گیتا قرآن تیرے

یسّو یا رام کیا ہے

کیا رب العالمیں ہے

بعد از شکم ہی سجدوں

منکوں کی چیں بہ چیں ہے

روٹی ہی اولیں ہے

روٹی ہی آخریں ہے

روٹی ہی مِہر دنیا

روٹی ہی مِہر دیں ہے