Ghazal By Muhammad Ibrahim Noori

تازہ غزل

ذکر ہونٹوں پہ ترا صبح و مسا رکھا ہے

دل میں الفت کے چراغوں کو جلا ہے

میرے خالق نے گناہوں کو چھپا کر میرے

محترم مجھ کو زمانے میں بنا رکھا ہے

تاکہ اک دوجے کی پہچان میں آسانی ہو

حق نے انساں کو قبیلوں میں بٹا رکھا ہے

پھول کے ساتھ تو کانٹے بھی ہوا کرتے ہیں

اس حقیقت کو زمانے نے بھلا رکھا ہے۔۔۔۔۔

خود کشی کرنے کا میں کیسے ارداہ کر لوں

ذمہ کنبے کا سر دوش اٹھا رکھا ہے۔۔۔۔۔۔۔۔۔

ایک دن ایک آئے گا وہ خانہء دل کا مہماں

دل کا دروازہ اسی آس پہ وا رکھا ہے

l

اسکی آمد کی خبر جب سے سنی ہے ہم نے

اپنی پلکوں کو سر راہ بچھا رکھا ہے۔۔۔۔۔

بارہا ہم نے یہی شہر ستم میں دیکھا

چہرہ مظلوم سا ظالم نے بنا رکھا ہے

لذت وصل صنم سے ہمیں انکار نہیں

درد فرقت میں بھی قدرت نے مزا رکھا ہے

آج وہ حد سے سوا ہم کو حسیں کیوں نہ لگے

اس نے آنکھوں میں غضب سرمہ لگا رکھا ہے

گھونسلہ اپنا بچانے کے سانپوں سے۔۔

ایک چڑیا نے بلندی پہ بنا رکھا ہے۔۔۔۔۔

زخم دل ہم نے چھپانے کے لئے دنیا سے

اپنے ہونٹوں پہ تبسم کو سجا رکھا ہے

دربدر اس لئے دنیا میں نہیں ہوں لوگو۔۔۔۔۔۔

میں نے سر ایک ہی چوکھٹ پہ جھکا رکھا ہے

اس قدر فکر معیشت ہے یہاں لوگوں کو

اب عبادت کو بھی اک پیشہ بنا رکھا ہے

ہے کسی ذات سے وابستہ وجود نوری

اس تعلق نے بکھرنے سے بچا رکھا ہے

شاعر محمد ابراہیم نوری