Haakim By Muhammad Sheraz Rumi

اک روز شہرِ سیاہ کی سڑک سے گزرا تو نظر پڑی تھی

جگہ جگہ تھے ناکے اور پولیس کی گاڑی کھڑی تھی

پوچھی وجہ تو پولیس کہنے لگی چل پڑے ہٹ

کہ گزرنے والی ہے حاکمِ شہر کی گاڑی جھٹ پٹ

ابھی گفتگو میں مشغول تھا، بچی سڑک پار کرنے لگی

رک جا نادان، یہ چلبلاتی آواز اس سے لڑنے لگی

اتنے میں حاکم کی گاڑی باتیں ہوا سے کرتی آئی

اور سڑک پار کرتی بچی سے وہ جا ٹکرائی

اک جانب کچلا بدن، اور ہر سو خون بکھرا تھا

اک شیطانی مسکان لیے حاکم گاڑی سے نکلا تھا

خوئے مرہم لیے معصوم وجود کنارہ سڑک تڑپتا رہا

اور ہاتھ میں سرخ جام لیے مسکراتا حاکم تکتا رہا

جیسے ہی ہجوم دکھا حاکم مدد کے واسطے بڑھ گیا

ناجانے دلِ سنگ میں کیونکر جزبہ ایثار ابھر گیا

ہاتھ لگا جب حاکم کا وہ بدن بیچارہ جاں بلب تھا

خدا غارت کرے تجھے یہ نغمہ کلی کے زیرِ لب تھا

اور درد سے تڑپتی کلی جب کوچِ جہان کر گئی

حاکم کے واسطے جھوٹی شہرت کا سامان کر گئی

پھر لاش وہیں چھوڑے حاکم جانبِ حویلی نکل گیا

اور واقعہ سنتے قوم کا بیوقوف دل پگھل گیا

حاکمِ شہر کی حویلی میں عجب تہذیب کھلتی تھی

کہ تفریقِ زن یہاں پر بھی عروج پہ ملتی تھی

اور طائفہ اس حویلی کی عریاں ناچا کرتی تھی

زوجہ یہاں حاکم کی پردوں میں چھپا کرتی تھی

حاکم کی حویلی میں شراب اور زنا عام ہوتا تھا

بازارِ حسن میں ہی کیونکر حاکم کا ہر کام ہوتا تھا

دولت کی خاطر وہ قوم کی بیٹی بیچا کرتا تھا

گر اپنا خزانہ بھرنا ہو، تو ہر اک سے پیچا کرتا تھا

حاکم کی تسکین کے لیے اخبار جھوٹ بتاتا تھا

ذرا اپنی جیب گرم ہو تو لوٹ مار چھپاتا تھا

پس بیکار ہے رومی تو جو بھی لکھے حاکم کے بارے

جب تک یہ سانپ ہیں اس قوم کے دلارے