Wafa Aur Mohabbat By SAGAR HAIDER ABBASI

وہ اکثر مجھ سے کہتی تھی تمہیں کس بات کا ڈر ہے

جدائی ہے محبت میں تو ملنا بھی مقدر ہے

محبت میں بچھڑنے کی یہ رسمیں توڑ دوں گی میں

وہ کہتی تھی تری خاطر زمانہ چھوڑ دوں گی میں

محبت میں ملن اپنا مقدر میں بناؤں گی

میں نے چاہا ہے تمہیں صرف تمہیں ہی میں چاہوں گی

وفا کی لاج میں میرا جو کچھ ہے سب لٹاؤں گی

وفا فطرت ہے عورت کی زمانے کو بتاؤں گی

نہیں ممکن کبھی تیری محبت سے مکر جاؤں

وفا پر حرف آئے اس سے بہتر ہے کہ مر جاؤں

بہت قصے سنے تھے اس لئے چاہت سے ڈرتا تھا

جفا کا خوف تھا لیکن محبت اس سے کرتا تھا

رہا یہ کھیل کچھ دن تک یہ دلکش زندگانی تھی

محبت خوبصورت اور خوب اپنی جوانی تھی

محبت میں بچھڑنے کی روایت توڑنے والی

مری خاطر محبت میں زمانہ چھوڑنے والی

بہت دن تک وفا کے نام پر دھوکہ دیا اس نے

نہ دشمن بھی کرے مجھ سے سلوک ایسا کیا اس نے

دغا مجھ کو دیا اس نے مجھے جو یہ بتاتی تھی

وفا فطرت ہے عورت کی جو ہر لمحہ جتاتی تھی

بھرم سب توڑ کر اس نے محبت چھوڑ کر اس نے

نبھائی رسمِ دنیا مجھ سے منہ یہ موڑ کر اس نے

مٹا کر میری ہستی کو غموں سے چُور کر ڈالا

مجھے الفت کی دنیا سے بہت ہی دور کر ڈالا

بھروسہ اب محبت پر کبھی مجھ سے نہیں ہو گا

وفا فطرت ہے عورت کی مجھے کیسے یقیں ہو گا

جو ٹوٹا دل تو یہ جانا کے کیا ہے ذات عورت کی

مرا دل پوچھتا ہے کیا وفا ہے ذات عورت کی

یوں بھولی رسموں قسموں کو حقیقت کھول دی اس نے

ستمگر تھی محبت میں بھی نفرت گھول دی اس نے

تھی وہ مجبور فطرت سے محبت چھوڑ دی اس نے

وفا فطرت ہے عورت کی روایت توڑ دی اس نے