Roshni By Sana Raqeeb

میرے دل کی شمع بجھی بجھی

میرے دل کو آتا قرار کم

میں مبتلاء سحر میں ہوں

میری رونقیں ختم ہوئی

وہ کھڑی تھی بیچ راستے

یہی سوچتی وہ بھٹک رہی

یہاں چاروں اور تھا اندھیر پن

یہ وہ رات کہ جس میں تھی نہ چاندنی

اسی راستے پہ تھی وہ چل رہی

یہی سوچتی یہی کھوجتی

کہ جو دی گئی تھی نور کی

وہ شمعدان کہاں گئی

کہاں چل دیے وہ سکون کے دن

کہاں راتیں امن کی رہ گئیں

کہاں ہے وہ صبر و شکر میرا

کہاں میری حقیقی خوشی گئی

اسی کشمکش میں وہ اکیلی نفس

تھی قدم قدم بس چل رہی

کہ تھوڑے فاصلے پہ کھڑے

اک ہیولے پہ اس کی نظر ٹکی

وہ سفید ریش سا اک بزرگ

اسے دیکھ کہ کچھ ہنس دیا

پھر دیکھ اس کی بے بسی

شائد اسے بھی رنج ہوا

کہا اس نے اے دختر مری

تری چیز کیا ہے جو کھو گئی

کیوں تو اس انجان راہ پر

ہے خبطی بن کے دوڑتی

سنا اس نے جب جو سوال تو

جھڑی آنسوؤں کی نکل پڑی

وہ بلکتی سی اور سسکتی سی

آہ و زاری سی کرنے لگی

مجھے تحفتاً ملی تھی وہ

مگر اس کو سنبھال میں نہ سکی

میرے دل میں رکھی تھی رب نے ہی

وہی روشنی کہیں کھو گئی

میں ہوں ڈھونڈتی اس کو جا بجا

میں ہوں تکتی نگر گلی گلی

نہ ملا سراغ اس کا کہیں

نہ جانے کہاں وہ چلی گئی

سبھی ساتھ لے کر چلی گئی

میرا چین امن و سکون سبھی

میرے ساتھ بس ہے رہ گیا

میری خواہشوں کا طوق ہی

کہا سن کر اس نے ناداں پری

تو غلط سمت میں ہے نکل پڑی

جسے ڈھونڈتی ہے تو جا بجا

ترے دل میں ہی ہے وہ چھپی ہوئی

ذرا یاد کر وہ دن سبھی

تو کیا تھی اور اب تو کیا ہو گئی

تو ایسی لڑکی تو ہر گز نہ تھی

جیسی لگ رہی ہے اس گھڑی

تو تو پاک تھی تیرا دل تھا صاف

تو تو نفس مطمئن تھی

وہ روشنی تھی ترے پاس تب

اسی وصف پہ ملی سب کو ہی

دیا تجھ کو جب قرآن گیا

تو نے سینے سے اس کو لگایا تھا

کیا عمل تھا سبھی حکم پر

تو نے تب تھی دنیا چھوڑ دی

مگر اب تو حال ایسا ہے

تو مبتلاء عشق ہے

اس مرض کو تو ہم ہیں کہیں

مرض دنیائے عارضی

ہے حلال و حرام کی تجھے

نہ اب کوئی تمیز ہی

نہ تو وہ قلب سلیم رہی

نہ تو وہ رہی نہ ہی وہ رہی

گر چاہیے اب پھر تجھے

تو ہے کرنا تجھ کو اک بس کام ہی

کہ تو بن جا وہی کہ تھی جس کو ملی

وہ تحفتاً شمعدان تیری

جو پلٹ گئی تو ہیں منتظر

وہی سائے گھٹائیں اور غم ہی

جو ہے راستہ تو نے بدل لیا

تو سامنے ہی منزل ہے کھڑی ہوئی

تو ہٹا دے بس اس ابر کو

ہے جس کی نیچے وہ چھپی ہوئی

ہے وہ ابر خواہش نفس کا

ہے کرنی تجھ کو اتنی ہمت ہی

یہی دیکھتے ہی دیکھتے

تھا وہ منظر جیسے بدل رہا

تھی دراز وہ اک بچھونے پر

یہ اس کی خواب گاہ ہی تھی

اٹھی اس ہی پل اور پھر اک جگہ

تھی نظر اس کی جیسے بس رک گئی

کہ سامنے ہی قرینے سے

اک کتاب تھی رکھی ہوئی

تھی گرد اس کے غلاف پر

نظر آ رہا تھا دیکھتے ہی

نہیں کچھ تکلف کیا گیا

اسے کھولنے کا کچھ بھی ہی

وہ رو پڑی اور سمجھ گئی

کہاں اس نے ہے وہ ڈھونڈنی

وہ جو مل رہی تھی نہیں اسے

تھی کلام پاک میں چھپی ہوئی