Mujhe Kuch Likhna Hai By Younas Jasra

اک تڑپ بڑھے جا رہی ہے

اک بے چینی کھائے جا رہی ہے

کیوں بھلا! لگتا ہے مجھے کچھ لکھنا ہے

کس پہ کس کے لیے اور کیوں لکھنا ہے

پوری کائنات، کائنات کے ذرے ذرے پہ لکھنا ہے

تم تو کہتے ہو اک شخص ہی کائنات ہے میری

بتاؤ بھلا اس پہ کتنا کچھ لکھنا ہے

ہاں ہاں وہ تو ہے ہی سہی مگر

مجھے اور بھی بہت کچھ لکھنا ہے

باقی سب تو ٹھیک ہے

اس کچھ کی فکر کھائے جا رہی ہے

وہ جو کل کائنات ہے میری

اس کی یاد بھی ستائے جا رہی ہے

اب کیا لکھوں، کیسے لکھوں،کیوں لکھوں

بات پھر وہیں آ کے اٹک جاتی ہے

مگر مجھے یہ گُتھی سلجھا کے کچھ لکھنا ہے

ہاں لکھنا ہے، کسی کے لیے نہیں

خود کے لیے کچھ لکھنا ہے

اور یہ خود تم ہو، میں ہوں، ہم سب ہیں

ہم ہی سب سے بڑا راز ہیں، ہمیں خود کو پانا ہے

یہ سب کیسے ہو گا!

ڈھونڈ نکالنا ہے بھلا جیسے ہو گا

کوئی سمجھے تو ہر شخص کی یہی کہانی ہے

من میں موجوں کی روانی ہے

یہی تو ہے، جو تنگ کرتی ہے

ورلڈ وار ٹو جیسی جنگ کرتی ہے

جذباتوں کی رو میں کہیں بہہ نہ جاؤں

مجھے یہ بھرم رکھتے ہوئے کچھ لکھنا ہے

ہمیں خود کو زندہ رکھنے کے لیے کچھ لکھنا ہے

زندہ رہیں گے تو سمجھ پائیں گے

وہ کچھ کیا ہے جس پہ لکھنا ہے

زندگی ہی تو ہے، یہ کیا ہے!

یہ موجوں کی اک روانی ہے

اسی لیے تو جینے کی ٹھانی ہے

تیرے ساتھ گزرے گی تو لافانی ہے

تیرے بغیر گزرے گی تو آنی جانی ہے

یہ صرف میری نہیں ہم سب کی کہانی ہے

جینے سے کہیں زیادہ مشکل ہے گزارنا ہے اس کو

چلو سوچو پھر جینی ہے یا گزارنی ہے

گزار نہ سکو گے مشکل ہے سنوارنا اس کو

اگر جی نہ سکے تو مشکل ہے پانا اس کو

چلو عہد کرتے ہیں جئیں گے اسے

صندل سا تو پانی ہے پئیں گے اسے

چلو پھر، بات الجھاتے نہیں

یہ الجھی ڈوریں سلجھاتے ہیں

یہ اور کچھ بھی نہیں بس موجوں کی روانی ہے

اب تو عہد کر لیا ہم نے، مانتے ہیں تلخ ہو گی

ہمیں کیا ہم نے تو جینے کی ٹھانی ہے

ہم کیوں رسوا کریں اسے

قدرت کی اک انمول نشانی ہے

بس موجوں کی ایک روانی ہے

تیرے ساتھ گزری تو لافانی

تیرے بغیر تو آنی جانی ہے

ہاں ہم نے تو جینے کی ٹھانی ہے

بس اتنی سی کہانی ہے