ووٹنگ لسٹ میں غلطیوں،ووٹ دوسرے حلقوں میں منتقل ہونے کی شکایات

بدھ 25 جولائی 2018 19:15

لاہور(اُردو پوائنٹ اخبار آن لائن۔ بدھ 25 جولائی 2018ء) شہریوں کی ایک بڑی تعداد الیکشن کمیشن کی جانب سے جاری کردہ ووٹنگ لسٹ میں بے شمار غلطیوں کی وجہ سے عام انتخابات میں اپنا حق رائے دہی استعمال کرنے سے محروم رہے ،کئی ووٹرز اپنے ووٹ آبائی حلقوں سے دوسرے حلقوں میں منتقل ہونے کی شکایات کرتے رہے ۔

(جاری ہے)

تفصیلات کے مطابق ماضی کی طرح 25جولائی کو ہونے والے عام انتخابات میں بھی الیکشن کمیشن کی جانب سے جاری کردہ ووٹنگ لسٹ میں بے شمار غلطیاں سامنے آئیں۔

پولنگ سٹیشنز پہنچنے والے ووٹرز اپنے ووٹ تلاش کرتے رہے لیکن ووٹر لسٹ میں ان کے نام ہی درج نہیں تھے ۔ علاوہ ازیں الیکشن کمیشن کی ایس ایم ایس سروس سے استفادہ کئے بغیر پولنگ سٹیشنز آنے والے متعدد ووٹرز بھی ووٹ دوسرے حلقوں میں منتقل ہونے کی وجہ سے پریشانی کا شکار نظر آئے ۔کئی حلقوں میں یہ شکایات دیکھی گئیں کہ خاندان کے کچھ افراد کے ووٹ آبائی حلقوں میں موجود ہیں جبکہ کچھ کے ووٹ دوسرے حلقوں میں منتقل ہو گئے ہیں ۔