Open Menu

Khawab Main Daant Dekhna - Islamic Khawab ki Tabeer

Khawab Main Daant Dekhna can carry various meanings. Scroll down to find out the most authentic Dream meaning of Khawab Main Daant Dekhna in Urdu, based on the Islamic context. Find out more khawab ki tabeer and Dream Meaning in Urdu on UrduPoint.

Khawab Main Daant Dekhna

خواب میں دانت دیکھنا

حضرت دانیال علیہ السلام نے فرمایا ہے کہ خواب میں دانے اہل خانہ ہیں ۔ اوپر کے دانت نر پر دلیل ہے اور نیچے کے دانت مادہ پر دلیل ہے ۔ اور اگلے دانت فرزندوں اور بھائیوں اور بہنوں یا باپ اور ماں پر دلیل ہے ۔ اور پہلو کے دانت چچا اور چچا زادوں پر دلیل ہے ۔
اورپچھلے دانت دور کے خویشوں پر دلیل ہے اور دانتوں کی سفیدی اور پاکیزگی اہل بیت کی قوت اور مرتبہ پر دلیل ہے ۔ اور بعض اہل تعبیر نے بیان کیا ہے کہ اگلے دانے جو دائیں طرف ہے ۔ اس کے باپ اور خویشوں پر دلیل ہے ۔ جو بائیں طرف ہیں مادر اور مادر کے خویشوں پر دلیل ہے ۔
اور اگر دیکھے کہ اگلے دانت ہلتے ہیں ۔اس جماعت سے جس کا اوپر بیان ہوا ہے ایک شخص بیمار ہو گا ۔ حضرت ابن سیرین رحمتہ اللہ تعالیٰ علیہ السلام نے فرمایا ہے کہ اگر خواب میں دیکھے کہ اس کے اگلے دانت ہتھیلی پر یا گود میں یا زمین پر گرے ہیں اور خاک آلود نہیں ہوئے ہیں ۔

(جاری ہے)

دلیل ہے کہ اس کے فرزند یا اس کے بھائی یا بہن آئے گی ۔ اور اگر دیکھے کہ اس کے دانت خاک میں گرے یا ضائع ہوئے ہیں ۔ دلیل ہے کہ ان میں سے جس کا ذکر ہوا ہے کوئی ایک مرے گا ۔ اور اگر دیکھے کہ اس کے دانت ٹوٹے یا بوسیدہ ہوئے ہیں ۔ دلیل ہے کہ بیان کردہ لوگوں میں سے ایک پر آفت آئے گی ۔
اور اگر دیکھے کہ اس کے اگلے دانت کو فتہ ہوئے ہیں دلیل ہے کہ اس کی ر یسوں سے دشمنی ہو گی ۔ اور اگر دیکھے کہ دانتوں میں سے کسی ایک کو اکھاڑا ہے ۔ دلیل ہے کہ وہ جماعت اس کو سخت برا کہے گی اور اس سے مفارقت تلاش کرے گی ۔ اور اگر دیکھے کہ اس کے اگلے دانت زیادہ ہو گئے ہیں ۔
دلیل ہے کہ ان خویشوں میں سے ایک راحت اور خوشی میں ہو گا ۔ اور اگر دیکھے کہ اس کے دانتوں کے پہلو میں ایک اور اگا ہے ۔ اگر نیچے کا ہے تو لڑکی آئے گی اور اگر اوپر کا ہے تو لڑکا آئے گا ۔ اور اگر دیکھے کہ اس نے اپنے اگلے دانت اکھاڑے ہیں ۔
دلیل ہے کہ اپنا تاوان مذکورہ بالا خویشوں سے لے گا ۔ اور اگر دیکھے کہ تمام دانت گرے اور حال اس کا ظاہر ہوئے ۔ یہ اہل خانہ کی ہلاکت پر دلیل ہے ۔ اور اگر دیکھے کہ اس کے دانت ہاتھ کہ ہتھیلی یا گود میں گرے ہیں ۔ دلیل ہے کہ اس کا خاندان زیادہ ہو گا ۔
اور اگر دیکھے کہ اس کے تمام دانت نیچے کی طرف ہیں ۔ اگر خوب دیکھنے والا اہل اصلاح سے ہے تو خیر اور نیکی پر دلیل ہے ۔اگر اہل شر سے ہے تو شر اور فساد پر دلیل ہے ۔ اور اگر دیکھے کہ اس کے دانت چاندی کے ہیں ۔ یا کانچ یا ٹھیکری کے ہیں تو یہ اس کی ہلاکت پر دلیل ہے ۔
اور اہل تعبیر نے بیان کیا ہے کہ دانتوں کا گرنا قرض کو ادا کرنا ہے اور بعض کہتے ہیں کہ لڑائی اور جھگڑے پر دلیل ہے ۔ حضرت ابراہیم کرمانی رحمتہ اللہ تعالیٰ علیہ نے فرمایا ہے کہ اوپر کے دانت جو آنکھ کے مقابل ہیں ۔ دلیل اولاد نر پر ہیں ۔
اور نیچے کے دانت اور مادہ پر ہیں ۔ اور اگر دیکھے کہ تمام دانت گر پڑ ے ہیں اور اس نے سب ہاتھ کی ہتھیلی میں لے لیے ہیں ۔ دلیل ہے کہ اپنے خویشوں کو جمع کرے گا اور ان کو جدانہ ہونے دے گا ۔ اور اگر دیکھے کہ اس کے دا نتوں سے خوشبو آتی ہے ۔
دلیل ہے کہ اس کے خویش اس کی تعریف کریں گے ۔ اور اس کے خلاف دیکھے تو دلیل ہے کہ اس کی غیبت کریں گے ۔ اور اگر دیکھے کہ اس کے دانت درد کرتے ہیں ۔ تو غم و اندوہ پر دلیل ہے ۔ اور اگر دیکھے کہ اس کے دانت زد ہیں ۔دلیل ہے کہ جو شخص ان کی طرف منسوب ہے ۔
بیمار ہو گا اور اگر دیکھے کہ اس کے دانت سیاہ ہو گئے ہیں ۔ دلیل ہے کہ اسے غم واندوہ پہنچے گا ۔اور اگر دیکھے کہ اس کے دانت گر ے ہیں اور وہ خوب مضبوط طور سے باندھ دئیے گئے دلیل ہے کہ اس کی عمر دراز ہو گی کہ اس کے سب خویش اس کے سامنے قرب میں جائیں گے ۔
حضرت جابر مغربی رحمتہ اللہ تعالیٰ علیہ نے فرمایا ہے۔ اگر دیکھے کہ اس کے دانت درد کرتے ہیں اور ان کو اپنے ہاتھ سے اکھاڑا ہے اور دونوں ہاتھوں میں لئے ہیں ۔ دلیل ہے کہ بہت سامال پائے گا ۔ اور اگر د یکھے کہ اپنے منہ سے خو ن آلو دا نت ہا تھ میں پکڑے ہیں ۔
دلیل ہے کہ جس کے دانت پکڑے ہیں اس کو نفع ہو گا ۔ لیکن اس کو مصیبت پہنچے گی ۔ اور اگر دیکھے کہ اس کے بعض دانت ظاہر ہو ئے ہیں ۔ دلیل ہے کہ اس کے بعض خویش سفر کو جائیں گے ۔ اور سلامتی سے واپس آئیں گے ۔ اور اگر دیکھے کہ اس کے تمام دانت ز با ن کے در میان جمع ہو ئے ہیں ۔
اور پھر سب اپنی جگہ پر جا لگے ہیں ۔ د لیل ہے کہ اپنے خویشوں سے شکی ہو گا ۔ حضرت جعفر صادق علیہ السلام نے فرمایا ہے کہ خواب میں دانتوں کا دیکھنا چھ وجہ پر ہے ۔ (۱)اہل بیت(۲)مال(۳)منفعت(۴)غم واندوہ(۵)مفارقت(۶)ضرر و نقصان ۔

Browse More Islamic Dream Interpretation