Jo Dil Qaboo Mein Ho To Koi Ruswaly Jahan Kyun Ho, Urdu Ghazal By DAGH DEHLVI

Jo Dil Qaboo Mein Ho To Koi Ruswaly Jahan Kyun Ho is a famous Urdu Ghazal written by a famous poet, DAGH DEHLVI. Jo Dil Qaboo Mein Ho To Koi Ruswaly Jahan Kyun Ho comes under the Social category of Urdu Ghazal. You can read Jo Dil Qaboo Mein Ho To Koi Ruswaly Jahan Kyun Ho on this page of UrduPoint.

جو دل قابو میں ہو تو کوئی رسوائے جہاں کیوں ہو

داغؔ دہلوی

جو دل قابو میں ہو تو کوئی رسوائے جہاں کیوں ہو

خلش کیوں ہو تپش کیوں ہو قلق کیوں ہو فغاں کیوں ہو

مزا آتا نہیں تھم تھم کے ہم کو رنج و راحت کا

خوشی ہو غم ہو جو کچھ ہو الٰہی ناگہاں کیوں ہو

یہ مصرع لکھ دیا ظالم نے میری لوح تربت پر

جو ہو فرقت کی بیتابی تو یوں خواب گراں کیوں ہو

ہمیشہ آدمی کا آدمی غم خوار ہوتا ہے

یہی بے اعتباری ہو تو کوئی راز داں کیوں ہو

بہت نکلیں گے روز حشر تیرے جور کے خواہاں

ستم کا حوصلہ دنیا میں صرف امتحاں کیوں ہو

غضب آیا ستم ٹوٹا قیامت ہو گئی برپا

یہ پوچھا تھا کہ تم آزردہ مجھ سے میری جاں کیوں ہو

انہیں کو رنجش بے جا ہے لیکن ہے تو ہم سے ہے

محبت گر نہ ہو باہم شکایت درمیاں کیوں ہو

گئے ٹھکرا کے مجھ کو اور پھر کہتے گئے یہ بھی

نصیب دشمناں تو پائمال آسماں کیوں ہو

نئی تاکید ہے ضبط محبت کی وہ کہتے ہیں

جگر ہو تو فغاں کیوں ہو دہن ہو تو زباں کیوں ہو

شریک دور مے بزم عدو میں خاک ہوتے ہم

کسی نے رات بھر اتنا نہ پوچھا تم یہاں کیوں ہو

تحمل کر سکے کیا حسن نازک ان نگاہوں کا

اسے میں نے چھپایا ہے وگرنہ وہ نہاں کیوں ہو

خدا شاہد خدا شاہد ہے کیوں کہتے ہو وعدوں پر

خدا کو کیا غرض میرے تمہارے درمیاں کیوں ہو

جگر سے کم نہیں اے چارہ گر داغ جگر مجھ کو

جو پیدا کی ہو مر مر کے وہ دولت رائیگاں کیوں ہو

نوید جاں فزا ہے کیا خبر قاتل کے آنے کی

بتاؤ تو سہی تم داغؔ ایسے شادماں کیوں ہو

داغؔ دہلوی

© UrduPoint.com

All Rights Reserved

(2324) ووٹ وصول ہوئے

You can read Jo Dil Qaboo Mein Ho To Koi Ruswaly Jahan Kyun Ho written by DAGH DEHLVI at UrduPoint. Jo Dil Qaboo Mein Ho To Koi Ruswaly Jahan Kyun Ho is one of the masterpieces written by DAGH DEHLVI. You can also find the complete poetry collection of DAGH DEHLVI by clicking on the button 'Read Complete Poetry Collection of DAGH DEHLVI' above.

Jo Dil Qaboo Mein Ho To Koi Ruswaly Jahan Kyun Ho is a widely read Urdu Ghazal. If you like Jo Dil Qaboo Mein Ho To Koi Ruswaly Jahan Kyun Ho, you will also like to read other famous Urdu Ghazal.

You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.