Europe Ki Pahli Jhalak, Urdu Nazam By Jagan Nath Azad

Europe Ki Pahli Jhalak is a famous Urdu Nazam written by a famous poet, Jagan Nath Azad. Europe Ki Pahli Jhalak comes under the Love, Sad category of Urdu Nazam. You can read Europe Ki Pahli Jhalak on this page of UrduPoint.

Urdu Poem English Poem

یورپ کی پہلی جھلک

جگن ناتھ آزاد

باد و باراں سے الجھتا خندہ زن گرداب پر

اک جزیرہ تیرتا جاتا ہے سطح آب پر

گم کئی صدیوں کا اس میں جذبۂ تحقیق ہے

یہ جزیرہ آدمی کے ذہن کی تخلیق ہے

جا رہا ہے ہر گھڑی موجوں سے ٹکراتا ہوا

اپنے ہی انداز میں اپنا رجز گاتا ہوا

بحر کی امواج پر بہتے ہوئے شہر جمیل

ہر قدم تیرا لیے ہے تیری عظمت کی دلیل

آندھیوں کا زور، موجوں کی روانی تجھ میں ہے

ارتقائے ذہن انساں کی کہانی تجھ میں ہے

ہر بھنور میں اور ہر طوفان میں ساحل ہے تو

سینۂ امروز و فردا کا دھڑکتا دل ہے تو

تو تجلی ہی تجلی ہے اندھیری رات میں

روشنی کا ہے منارہ عالم ظلمات میں

رات آئی جاگ اٹھا انساں کا ذوق بے بساط

آخری اس کا ٹھکانہ مرد و زن کا اختلاط

کس قدر ارزاں ہوئے تہذیب کے لمعات نور

اللہ اللہ چار جانب روشنی کا یہ وفور

اس طرح سے میں نے کب دیکھی تھی مے خانے میں دھوم

عورتوں مردوں کا لڑکوں لڑکیوں کا یہ ہجوم

سب نشے میں مست ہیں لیکن ہیں کتنے با خبر

پھر رہے ہیں سب کے سب اک دوسرے کو تھام کر

احمریں ساغر، لب لعلیں، نگاہیں مے فروش

ہر طرف ہے ایک مستی، ہر طرف ہے اک خروش

اس جگہ ادراک سے بیگانہ کوئی بھی نہیں

سب ہیں فرزانے یہاں دیوانہ کوئی بھی نہیں

عقل کی اس بزم میں دیوانگی کا کام کیا

ڈھونڈھتا ہے تو یہاں آ کر دل ناکام کیا

اتنی آگاہی کسی کو ہو یہ مہلت ہی نہیں

کس کی باہیں کس کی گردن میں حمائل ہو گئیں

آ کے آغوش ہوس میں خود یہاں گرتا ہے حسن

کس قدر کچے سہارے ڈھونڈھتا پھرتا ہے حسن

جس سے خیرہ تیری آنکھیں ہیں چمک یورپ کی ہے

دیکھ اے آزادؔ! یہ پہلی جھلک یورپ کی ہے

جگن ناتھ آزاد

Previous More Love Poetry Next

Jagan Nath Azad

Europe Ki Pahli Jhalak

Jagan Nath Azad

baad-o-baran se ulajhta KHanda-zan girdab par
ek jazira tairta jata hai sath-e-ab par
gum kai sadiyon ka us mein jazba-e-tahqiq hai
ye jazira aadmi ke zehn ki taKHliq hai
ja raha hai har ghaDi maujon se Takraata hua
apne hi andaz mein apna rajaz gata hua
bahr ki amwaj par bahte hue shahr-e-jamil
har qadam tera liye hai teri azmat ki dalil
aandhiyon ka zor, maujon ki rawani tujh mein hai
irtiqa-e-zehn-e-insan ki kahani tujh mein hai
har bhanwar mein aur har tufan mein sahil hai tu
sina-e-imroz-o-farda ka dhaDakta dil hai tu
to tajalli hi tajalli hai andheri raat mein
raushni ka hai manara aalam-e-zulmat mein
raat aai jag uTha insan ka zauq-e-be-bisat
aaKHiri is ka Thikana mard o zan ka iKHtilat
kis qadar arzan hue tahzib ke lamat-e-nur
allah allah chaar jaanib raushni ka ye wafur
is tarah se main ne kab dekhi thi mai-KHane mein dhum
auraton mardon ka laDkon laDkiyon ka ye hujum
sab nashe mein mast hain lekin hain kitne ba-KHabar
phir rahe hain sab ke sab ek dusre ko tham kar
ahmarin saghar, lab-e-lalin, nigahen mai-farosh
har taraf hai ek masti, har taraf hai ek KHarosh
is jagah idrak se begana koi bhi nahin
sab hain farzane yahan diwana koi bhi nahin
aql ki is bazm mein diwangi ka kaam kya
DhunDhta hai tu yahan aa kar dil-e-nakaam kya
itni aagahi kisi ko ho ye mohlat hi nahin
kis ki bahen kis ki gardan mein hamail ho gain
aa ke aaghosh-e-hawas mein KHud yahan girta hai husn
kis qadar kachche sahaare DhunDhta phirta hai husn
jis se KHira teri aankhen hain chamak europe ki hai
dekh ai 'azad'! ye pahli jhalak europe ki hai

Facebook Twitter Reddit Pinterest Whatsapp

(545) ووٹ وصول ہوئے

You can read Europe Ki Pahli Jhalak written by Jagan Nath Azad at UrduPoint. Europe Ki Pahli Jhalak is one of the masterpieces written by Jagan Nath Azad. You can also find the complete poetry collection of Jagan Nath Azad by clicking on the button 'Read Complete Poetry Collection of Jagan Nath Azad' above.

Europe Ki Pahli Jhalak is a widely read Urdu Nazam. If you like Europe Ki Pahli Jhalak, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.