Subhash-chandr-bos Bahadur-shah-zafar Ke Mazar Par, Urdu Nazam By Jagan Nath Azad
Subhash-chandr-bos Bahadur-shah-zafar Ke Mazar Par is a famous Urdu Nazam written by a famous poet, Jagan Nath Azad. Subhash-chandr-bos Bahadur-shah-zafar Ke Mazar Par comes under the Social, Sufi category of Urdu Nazam. You can read Subhash-chandr-bos Bahadur-shah-zafar Ke Mazar Par on this page of UrduPoint.
سبھاش چندر بوس بہادر شاہ ظفر کے مزار پر
جگن ناتھ آزاد
السلام اے عظمت ہندوستاں کی یادگار
اے شہنشاہ دیار دل فقیر بے دیار
آج پہلی بار تیری قبر پر آیا ہوں میں
بے نوا ہوں نذر کو بے لوث دل لایا ہوں میں
گردش تقدیر کے ہاتھوں وطن سے دور ہوں
ایک بلبل ہوں مگر صحن چمن سے دور ہوں
شوق آزادی کا مجھ کو کھینچ لایا ہے یہاں
آج دشمن ہے زمیں میری عدو ہے آسماں
میں بھی ہوں اپنے وطن سے دور تو بھی دور ہے
ہاں رضائے پاک یزداں کو یہی منظور ہے
میرا دامن بھی یہاں کی خاک سے آلودہ ہے
فرق صرف اتنا ہے میں آوارہ تو آسودہ ہے
اے شہ خوابیدہ اے تقدیر بیدار وطن
آئنہ میری نگاہوں پر ہے او بار وطن
میرے دل کو یاد ہے اب تک وہ ستاون کی جنگ
جس کے بعد اس سرزمیں پہ چھا گئے اہل فرنگ
میری نظروں میں ہے میرٹھ اور دہلی کا زوال
جانتا ہوں میں جو تھا جھانسی کی رانی کا مآل
میں نہیں بھولا ابھی انجام نانا فرنویس
ہے نظر میں کوشش ناکام نانا فرنویس
داستاں جیسے بھی ہو گزری وہ سب معلوم ہے
تیرے دلبندوں پہ جو گزری وہ سب معلوم ہے
یہ وطن روندا ہے جس کو مدتوں اغیار نے
جس پہ ڈھائے ظلم لاکھوں چرخ ناہنجار نے
جس کو رکھا مدتوں قسمت نے ذلت آشنا
جس نے ہر پہلو میں دیکھی پستیوں کی انتہا
آج پھر اس ملک میں اک زندگی کی لہر ہے
خاک سے افلاک تک تابندگی کی لہر ہے
آج پھر اس ملک کے لاکھوں جواں بیدار ہیں
حریت کی راہ میں مٹنے کو جو تیار ہیں
آج پھر ہے بے نیام اس ملک کی شمشیر دیکھ
سونے والے جاگ اپنے خواب کی تعبیر دیکھ
اس طرح لرزے میں ہے بنیاد ایوان فرنگ
کھا چکے ہیں مات گویا شیشہ بازان فرنگ
حب قومی کے ترانوں سے ہوا لبریز ہے
اور توپوں کی دنادن سے فضا لبریز ہے
شور گیر و دار کا ہے پھر فضاؤں میں بلند
آج پھر ہمت نے پھینکی ہے ستاروں پر کمند
پھر امنگیں آرزوئیں ہیں دلوں میں بے قرار
قوم کو یاد آ گیا ہے اپنا گم گشتہ وقار
نوجوانوں کے دلوں میں سرفروشی کی امنگ
عشق بازی لے گیا ہے عقل بیچاری ہے دنگ
آج پھر اس دیس میں جھنکار تلواروں کی ہے
کچھ نرالی کیفیت پھر دیس کے پیاروں کی ہے
جو توانائی ارادوں میں ہے کہساروں کی ہے
ذرے ذرے میں نہاں تابندگی تاروں کی ہے
یہ نظارہ آہ لفظوں میں سما سکتا نہیں
آنکھ جو کچھ دیکھتی ہے لب پہ آ سکتا نہیں
فتح نصرت کی دعاؤں سے ہوا معمور ہے
نعرۂ جے ہند سے ساری فضا معمور ہے
مجھ کو اے شاہ وطن اپنے ارادوں کی قسم
جن کے سر کاٹے گئے ان شاہ زادوں کی قسم
تیرے مرقد کی مقدس خاک کی مجھ کو قسم
میں جہاں ہوں اس فضائے پاک کی مجھ کو قسم
اپنے بھوکے جاں بہ لب بنگال کی مجھ کو قسم
حاکموں کے دست پرور کال کی مجھ کو قسم
لال قلعے کے زوال و شہر دہلی کی قسم
محسن دہلی مآل شہر دہلی کی قسم
میں تری کھوئی ہوئی عظمت کو واپس لاؤں گا
اور ترے مرقد پہ نصرت یاب ہو کر آؤں گا
تیغ ہندی جس کا لوہا مانتا ہے اک جہاں
جس کی تیزی کی گواہی دے رہا ہے آسماں
تیغ ہندی جس کو میں نے کر دیا ہے بے نیام
جس کا شیوہ حریت کیشی جہانگیری ہے کام
جس نے پوری منصفی کی آج تک دنیا کے ساتھ
ظلم کی دشمن ہے جو اک ظلم بے پردا کے ساتھ
ہر قدم پر جس نے باطل کو ملایا خاک میں
جس کے ساکھوں کی ابھی تک گونج ہے افلاک میں
آج پھر اپنی نظر جس کی چمک سے خیرہ ہے
جس کی تابانی سے روشن اک جہان تیرا ہے
اک جزیرے کے حسیں ساحل سے جب ٹکرائے گی
چین سے مجھ کو بھڑکتی آگ میں نیند آئے گی
جگن ناتھ آزاد
© UrduPoint.com
All Rights Reserved
Subhash-chandr-bos Bahadur-shah-zafar Ke Mazar Par
Jagan Nath Azad
ai shahanshah-e-dayar-e-dil faqir-e-be-dayar
aaj pahli bar teri qabr par aaya hun main
be-nawa hun nazr ko be-laus dil laya hun main
gardish-e-taqdir ke hathon watan se dur hun
ek bulbul hun magar sehn-e-chaman se dur hun
shauq aazadi ka mujh ko khinch laya hai yahan
aaj dushman hai zamin meri adu hai aasman
main bhi hun apne watan se dur tu bhi dur hai
han raza-e-pak-e-yazdan ko yahi manzur hai
mera daman bhi yahan ki KHak se aaluda hai
farq sirf itna hai main aawara tu aasuda hai
ai shah-e-KHwabida ai taqdir-e-bedar-e-watan
aaina meri nigahon par hai o bar-e-watan
mere dil ko yaad hai ab tak wo sattawan ki jang
jis ke ba'd is sarzamin pe chha gae ahal-e-farang
meri nazron mein hai meraTh aur dehli ka zawal
jaanta hun main jo tha jhansi ki rani ka maal
main nahin bhula abhi anjam-e-nana-farnawis
hai nazar mein koshish-e-nakaam-e-nana-farnawis
dastan jaise bhi ho guzri wo sab malum hai
tere dil-bandon pe jo guzri wo sab malum hai
ye watan raunda hai jis ko muddaton aghyar ne
jis pe Dhae zulm lakhon charKH-e-na-hanjar ne
jis ko rakkha muddaton qismat ne zillat-ashna
jis ne har pahlu mein dekhi pastiyon ki intiha
aaj phir us mulk mein ek zindagi ki lahr hai
KHak se aflak tak tabindagi ki lahr hai
aaj phir is mulk ke lakhon jawan bedar hain
hurriyat ki rah mein miTne ko jo tayyar hain
aaj phir hai be-niyam is mulk ki shamshir dekh
sone wale jag apne KHwab ki tabir dekh
is tarah larze mein hai buniyaad-e-aiwan-e-farang
kha chuke hain mat goya shisha-bazan-e-farang
hubb-e-qaumi ke taranon se hawa labrez hai
aur topon ki dana-dan se faza labrez hai
shor gir-o-dar ka hai phir fazaon mein buland
aaj phir himmat ne phenki hai sitaron par kamand
phir umangen aarzuen hain dilon mein be-qarar
qaum ko yaad aa gaya hai apna gum-gashta waqar
naujawanon ke dilon mein sarfaroshi ki umang
ishq bazi le gaya hai aql bechaari hai dang
aaj phir is des mein jhankar talwaron ki hai
kuchh nirali kaifiyat phir des ke pyaron ki hai
jo tawanai iradon mein hai kohsaron ki hai
zarre zarre mein nihan tabindagi taron ki hai
ye nazara aah lafzon mein sama sakta nahin
aankh jo kuchh dekhti hai lab pe aa sakta nahin
fath-e-nusrat ki duaon se hua mamur hai
nara-e-jai-hind se sari faza mamur hai
mujh ko ai shah-e-watan apne iradon ki qasam
jin ke sar kaTe gae in shah-zadon ki qasam
tere marqad ki muqaddas KHak ki mujh ko qasam
main jahan hun us faza-e-pak ki mujh ko qasam
apne bhuke jaan-ba-lab bangal ki mujh ko qasam
hakimon ke dast-parwar kal ki mujh ko qasam
lal-qile ke zawal o shahr-e-dehli ki qasam
mohsin-e-dehli maal-e-shahr-e-dehli ki qasam
main teri khoi hui azmat ko wapas launga
aur tere marqad pe nusrat-yab ho kar aaunga
tegh-e-hindi jis ka loha manta hai ek jahan
jis ki tezi ki gawahi de raha hai aasman
tegh-e-hindi jis ko main ne kar diya hai be-niyam
jis ka shewa hurriyat-keshi jahangiri hai kaam
jis ne puri munsifi ki aaj tak duniya ke sath
zulm ki dushman hai jo ek zulm-e-be-parda ke sath
har qadam par jis ne baatil ko milaya KHak mein
jis ke sakhon ki abhi tak gunj hai aflak mein
aaj phir apni nazar jis ki chamak se KHira hai
jis ki tabani se raushan ek jahan-e-tira hai
ek jazire ke hasin sahil se jab Takraegi
chain se mujh ko bhaDakti aag mein nind aaegi
(673) ووٹ وصول ہوئے
Related Jagan Nath Azad Poetry
More Jagan Nath Azad Poetry
اے دل بے قرار دیکھ
Jagan Nath Azad - جگن ناتھ آزاد
Ai Dil-e-be-qarar Dekh
خواب کی طرح سے یاد ہے
Jagan Nath Azad - جگن ناتھ آزاد
Khwab Ki Tarah Se Yaad Hai
ابتدا یہ تھی کہ میں تھا اور دعویٰ علم کا (ردیف .. ت)
Jagan Nath Azad - جگن ناتھ آزاد
Ibtida Ye Thi Ki Main Tha Aur Dawa Ilm Ka
بہار آئی ہے اور میری نگاہیں کانپ اٹھیں ہیں (ردیف .. ا)
Jagan Nath Azad - جگن ناتھ آزاد
Bahaar Aai Hai Aur Meri Nigahen Kanp Utthin Hain
اتنا بھی شور تو نہ غم سینہ چاک کر
Jagan Nath Azad - جگن ناتھ آزاد
Itna Bhi Shor Tu Na Gham-e-sina Chaak Kar
جو دل کا راز بے آہ و فغاں کہنا ہی پڑتا ہے
Jagan Nath Azad - جگن ناتھ آزاد
Jo Dil Ka Raaz Be-ah-o-fughan Kahna Hi Padta Hai
بھارت کے مسلمان
Jagan Nath Azad - جگن ناتھ آزاد
Bhaarat Ke Musalman
تیرا خیال ہے دل حیراں لیے ہوئے
Jagan Nath Azad - جگن ناتھ آزاد
Tera Khayal Hai Dil-e-hairan Liye Hue
You can read Subhash-chandr-bos Bahadur-shah-zafar Ke Mazar Par written by Jagan Nath Azad at UrduPoint. Subhash-chandr-bos Bahadur-shah-zafar Ke Mazar Par is one of the masterpieces written by Jagan Nath Azad. You can also find the complete poetry collection of Jagan Nath Azad by clicking on the button 'Read Complete Poetry Collection of Jagan Nath Azad' above.
Subhash-chandr-bos Bahadur-shah-zafar Ke Mazar Par is a widely read Urdu Nazam. If you like Subhash-chandr-bos Bahadur-shah-zafar Ke Mazar Par, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.