Aagahi Ka Qatra Qatra Zahr, Urdu Nazam By Mubarak Akmal Gilani
Aagahi Ka Qatra Qatra Zahr is a famous Urdu Nazam written by a famous poet, Mubarak Akmal Gilani. Aagahi Ka Qatra Qatra Zahr comes under the Love, Sad category of Urdu Nazam. You can read Aagahi Ka Qatra Qatra Zahr on this page of UrduPoint.
آگہی کا قطرہ قطرہ زہر
مبارک اکمل گیلانی
مجھے بتاؤ کہ میں کہاں ہوں
مجھے سمجھاؤ میں کون ہوں کیا ہوں اور کیوں ہوں
میں بے بصر بے خبر
سفر کی بے رحم ساعتوں کا اسیر
ان راستوں کا راہی
کہ جن کا ہر سنگ میل بے چہرہ بے نشاں ہے
خزاں زدہ برگ خشک
اندھی ہوا کے پر شور بے سماعت بپھرتے ریلے
کی رہ گزر پر
میں ان گنت بے شمار سالوں سے
نارسائی کے کرب سے دل شکستہ اور پا فگار راہی
کہ جس کی ہر سعی بے ثمر نے
کہ جس کی ہر کاوش سفر نے
کچھ اور منزل کے فاصلوں کو بڑھا دیا ہے
مثال میرے سفر کی تمثیل آل موسیٰ
کہ اپنے دشت عمل میں اپنی سیاہ بختی کا ہاتھ پکڑے
رواں دواں ہوں کئی زمانوں سے
اور جب بھی ٹھہر کے کچھ دیکھتا ہوں اپنے سفر کا حاصل
تو کوئی منزل نہ راہ منزل
چلا تھا میں جس جگہ سے اب بھی وہاں کھڑا ہوں
مجھے بتاؤ کہ میں کہاں ہوں
مجھے سجھاؤ میں کون ہوں کیا ہوں اور کیوں ہوں
مرے بدن پر نہ میرا چہرہ
نہ میرے منہ میں زبان میری
نہ میری آنکھیں نہ کان میرے
میں اجنبی جسم کے حوالے سے اپنی پہچان کا ہوں عادی
نہ سوچ میری نہ ذہن میرا
نہ فکر میری نہ مجھ کو اپنا شعور ذاتی
مرے تشخص کے واسطے میرے محسن و چارہ ساز لاتے
رہے ہیں برسوں
حسیں حسیں خوش لباس سرخ و سفید چہرے
کوئی مصر ہے سفید چہرہ مرے بدن پر بہار دے گا
کسی کو اصرار سرخ چہرہ بہت سجے گا
حسیں حسیں خوش لباس چہروں کی یورش بے پنہہ کے ہاتھوں
میں اپنا چہرہ بھلا چکا ہوں
میں اپنی پہچان کھو چکا ہوں
مجھے دکھاؤ تو میرا چہرہ
کہ میں بھی جانوں
کہ میں بھی سمجھوں
میں کیسا لگتا ہوں آئنے میں
کہ میری پہچان مستقل ہو
میں اپنے ہی جسم کے حوالے سے اپنی پہچان تو کراؤں
میں کون ہوں کیا ہوں اور کیوں ہوں
سوال اول سوال آخر
مری ہر اک سمت آج لکھا ہوا ہے حرف سوال دیکھو
سوال جو سوچ کی کرن ہے
سوال جو آگہی کا زینہ ہے خود شناسی کا اک چلن ہے
مجھے بتاؤ
جواب کتنا ہی تلخ ہو اس کو میں سنوں گا
مجھے پلاؤ
میں قطرہ قطرہ یہ زہر خود آگہی پیوں گا
کہ اس طرح وہ جو میں نہیں ہوں
یہ زہر پی کر مٹے تو شاید میں دیکھ پاؤں
اسے جو میں ہوں
مبارک اکمل گیلانی
© UrduPoint.com
All Rights Reserved
Aagahi Ka Qatra Qatra Zahr
Mubarak Akmal Gilani
mujhe samjhao main kaun hun kya hun aur kyun hun
main be-basar be-KHabar
safar ki be-rahm saaton ka asir
in raston ka rahi
ki jin ka har sang-e-mil be-chehra be-nishan hai
KHizan-zada barg-e-KHushk
andhi hawa ke pur-shor be-samaat bipharte rele
ki rahguzar par
main an-ginat be-shumar salon se
na-rasai ke karb se dil-e-shikasta aur pa-figar rahi
ki jis ki har sai-e-be-samar ne
ki jis ki har kawish-e-safar ne
kuchh aur manzil ke faslon ko baDha diya hai
misal mere safar ki tamsil-e-al-e-musa
ki apne dasht-e-amal mein apni siyah-baKHti ka hath pakDe
rawan-dawan hun kai zamanon se
aur jab bhi Thahar ke kuchh dekhta hun apne safar ka hasil
to koi manzil na rah-e-manzil
chala tha main jis jagah se ab bhi wahan khaDa hun
mujhe batao ki main kahan hun
mujhe sujhao main kaun hun kya hun aur kyun hun
mere badan par na mera chehra
na mere munh mein zaban meri
na meri aankhen na kan mere
main ajnabi jism ke hawale se apni pahchan ka hun aadi
na soch meri na zehn mera
na fikr meri na mujh ko apna shuur-e-zati
mere tashaKHKHus ke waste mere muhsin-o-chaara-saz late
rahe hain barson
hasin hasin KHush-libas surK-o-safed chehre
koi musir hai safed chehra mere badan par bahaar dega
kisi ko israr surKH-chehra bahut sajega
hasin hasin KHush-libas chehron ki yurish-e-be-panah ke hathon
main apna chehra bhula chuka hun
main apni pahchan kho chuka hun
mujhe dikhao to mera chehra
ki main bhi jaanun
ki main bhi samjhun
main kaisa lagta hun aaine mein
ki meri pahchan mustaqil ho
main apne hi jism ke hawale se apni pahchan to karaun
main kaun hun kya hun aur kyun hun
sawal awwal sawal aaKHir
meri har ek samt aaj likkha hua hai harf-e-sawal dekho
sawal jo soch ki kiran hai
sawal jo aagahi ka zina hai KHud-shanasi ka ek chalan hai
mujhe batao
jawab kitna hi talKH ho us ko main sununga
mujhe pilao
main qatra qatra ye zahr-e-KHud-agahi piyunga
ki is tarah wo jo main nahin hun
ye zahr pi kar miTe to shayad main dekh paun
use jo main hun
(705) ووٹ وصول ہوئے
Related Mubarak Akmal Gilani Poetry
More Mubarak Akmal Gilani Poetry
You can read Aagahi Ka Qatra Qatra Zahr written by Mubarak Akmal Gilani at UrduPoint. Aagahi Ka Qatra Qatra Zahr is one of the masterpieces written by Mubarak Akmal Gilani. You can also find the complete poetry collection of Mubarak Akmal Gilani by clicking on the button 'Read Complete Poetry Collection of Mubarak Akmal Gilani' above.
Aagahi Ka Qatra Qatra Zahr is a widely read Urdu Nazam. If you like Aagahi Ka Qatra Qatra Zahr, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.