Chabi Ki Gudiya, Urdu Nazam By Mubashira Khalid

میرے پاس ایک کہانی ہے وہ کہانی جسے سنانے کو میں

سامع ڈھونڈتی ہوں کیا تم سنو گے

وہ بابا کی رانی اماں کی دلاری ہوتی ہے

پھر نجانے کیوں اسے اگلے گھر والے چابی کی گڑیا سمجھنے لگتے ہیں

جو احساسات سے عاری ہوتی ہے جس کے سینے میں دل نہیں دھڑکتا

جو تھکتی نہیں بیمار نہیں ہوتی

بگڑتی نہیں جسے زندہ رہنے کو

دو وقت کی روٹی چھت کافی ہوتی ہے

مگر میں بتانا چاہتی ہوں ایسا نہیں ہے

اس کے احساسات ہوتے ہیں اس کا دل دھڑکتا ہے

وہ تھکتی ہے وہ بیمار ہوتی ہے

بگڑنے کی خواہش اسے بھی ہوتی ہے اسے زندہ رہنے کو

روٹی، چھت نہیں محبت، عزت، مان

سب درکار ہوتا ہے وہ بابا کی رانی

اماں کی دلاری ہوتی ہے اسے چابی کی گڑیا سمجھنا چھوڑ دو

اسے دل کی ملکہ گھر کی رانی بنا لو

چابی کی گڑیا سمجھنا چھوڑ دو چابی کی گڑیا سمجھنا چھوڑ دو