Aks-e-ruKH-e-gulgun Se Tamasha Nazar Aaya, Urdu Ghazal By Muneer Shikohabadi
Aks-e-ruKH-e-gulgun Se Tamasha Nazar Aaya is a famous Urdu Ghazal written by a famous poet, Muneer Shikohabadi. Aks-e-ruKH-e-gulgun Se Tamasha Nazar Aaya comes under the Love, Social category of Urdu Ghazal. You can read Aks-e-ruKH-e-gulgun Se Tamasha Nazar Aaya on this page of UrduPoint.
عکس رخ گلگوں سے تماشا نظر آیا
منیرؔ شکوہ آبادی
عکس رخ گلگوں سے تماشا نظر آیا
آئینہ انہیں پھولوں کا دونا نظر آیا
خوبی میں دوبالا وہ سراپا نظر آیا
پر نور بدن پیکر جوزا نظر آیا
دل خوش گہروں کا ہمیں صحرا نظر آیا
کیا گرد یتیمی کا بگولا نظر آیا
نیرنگیٔ حیرت سے رواں رہتے ہیں آنسو
تصویر کا دریا ہمیں بہتا نظر آیا
نکلا جو ہوا وار میں وہ رشک سلیماں
اڑتا سوئے افلاک فرشتہ نظر آیا
بالیدہ ہے ہر شیشۂ مے اب کی یہاں تک
ایک ایک فلک پنبۂ بینا نظر آیا
خلعت مجھے وحشت نے دیا وسعت دل کا
جامہ میں مرے دامن صحرا نظر آیا
نظروں میں یہ چھایا ہے غبار دل وحشی
ہر آنکھ میں آنسو مجھے ڈھیلا نظر آیا
وہ آئنہ سیما ہے دل سخت عدو میں
بوتل میں اترتے ہوئے شیشہ نظر آیا
عاشق ترے پلکوں کا ہوا زندۂ جاوید
سولی کا خریدار مسیحا نظر آیا
زاہد نے بھی عقد آج کیا بنت عنب سے
جفت بط مے مرغ مصلا نظر آیا
برگشتہ نصیبی صدف دل کی کہوں کیا
موتی کے عوض اس میں پھپھولا نظر آیا
آئینۂ گیتی میں وہی عکس ہے ہر سو
ہم نے جدھر اس شوخ کو دیکھا نظر آیا
کرتے ہو مرے پیکر وہمی کو نشانہ
ناوک میں تمہارے پر عنقا نظر آیا
اس بت کے نہانے سے ہوا صاف یہ پانی
موتی بھی صدف میں تہ دریا نظر آیا
اوس حور کی رنگت اڑی رونے سے ہمارے
رنگ گل فردوس بھی کچا نظر آیا
شیشہ مئے گلگوں کا انہیں مد نظر ہے
تیغ نگہ مست میں چھالا نظر آیا
ہو جائیں گے سب کوہ جہاں سنگ فلاخن
وحشت میں جو عالم تہ و بالا نظر آیا
شمعیں جو بجھیں بزم طلسمات کو دیکھا
آنکھیں جو ہوئیں بند تو کیا کیا نظر آیا
کیوں خوش نہ ہو تل بیٹھ کے میزان فلک میں
موزون قد یار کا پلا نظر آیا
مل مل گئے ہیں خاک میں لاکھوں دل روشن
ہر ذرہ مجھے عرش کا تارا نظر آیا
آنکھوں میں کھٹکتی ہے یہی دولت دنیا
ہر سکے کی مچھلی میں بھی کانٹا نظر آیا
ہے بود جہاں نقش سر آب نظر میں
یہ کھیل ہمیں بن کے بگڑتا نظر آیا
حیرت کدۂ دہر ہوا مجھ سے مکدر
آئینۂ ایجاد میں دھبا نظر آیا
خوش آتے نہیں دانت کسی حور کے مجھ کو
چاک گل فردوس میں بخیہ نظر آیا
مدت سے نظر دوختہ رہتے ہیں گرفتار
گیسو کی بھی زنجیر میں ٹانکا نظر آیا
چمپاکلی اس مست مئے حسن کی دیکھی
گردن کی صراحی کا یہ مینا نظر آیا
مدفون ہوا زیر زمیں آپ کا لاغر
چشم لحد تنگ میں جالا نظر آیا
کلکتہ میں ہر دم ہے منیرؔ آپ کو وحشت
ہر کوٹھی میں ہر بنگلے میں جنگلا نظر آیا
منیرؔ شکوہ آبادی
© UrduPoint.com
All Rights Reserved
Aks-e-ruKH-e-gulgun Se Tamasha Nazar Aaya
Muneer Shikohabadi
aaina unhin phulon ka duna nazar aaya
KHubi mein do-baala wo sarapa nazar aaya
pur-nur badan paikar-e-jauza nazar aaya
dil KHush guhron ka hamein sahra nazar aaya
kya gard-e-yatimi ka bagula nazar aaya
nairangi-e-hairat se rawan rahte hain aansu
taswir ka dariya hamein bahta nazar aaya
nikla jo hawa-war mein wo rashk-e-sulaiman
uDta su-e-aflak farishta nazar aaya
baalida hai har shisha-e-mai ab ki yahan tak
ek ek falak pamba-e-mina nazar aaya
KHilat mujhe wahshat ne diya wusat-e-dil ka
jame mein mere daman-e-sahra nazar aaya
nazron mein ye chhaya hai ghubar-e-dil-e-wahshi
har aankh mein aansu mujhe Dhela nazar aaya
wo aaina-sima hai dil-e-saKHt-adu mein
botal mein utarte hue shisha nazar aaya
aashiq tere palkon ka hua zinda-e-jawed
suli ka KHaridar masiha nazar aaya
zahid ne bhi aqd aaj kiya bint-e-inab se
juft-e-bat-e-mai murgh-e-musalla nazar aaya
bargashta-nasibi-e-sadaf-e-dil ki kahun kya
moti ke ewaz is mein phaphula nazar aaya
aaina-e-geti mein wahi aks hai har su
hum ne jidhar us shoKH ko dekha nazar aaya
karte ho mere paikar-e-wahmi ko nishana
nawak mein tumhaare par-e-anqa nazar aaya
us but ke nahane se hua saf ye pani
moti bhi sadaf mein tah-e-dariya nazar aaya
us hur ki rangat uDi rone se hamare
rang-e-gul-e-firdaus bhi kachcha nazar aaya
shisha mai-e-gulgun ka unhen madd-e-nazar hai
tegh-e-nigah-e-mast mein chhaala nazar aaya
ho jaenge sab koh-e-jahan sang-e-falaKHan
wahshat mein jo aalam tah-o-baala nazar aaya
shamen jo bujhin bazm-e-tilismat ko dekha
aankhen jo huin band to kya kya nazar aaya
kyun KHush na ho til baiTh ke mizan-e-falak mein
mauzun-e-qad-e-yar ka palla nazar aaya
mil mil gae hain KHak mein lakhon dil-e-raushan
har zarra mujhe arsh ka tara nazar aaya
aankhon mein khaTakti hai yahi daulat-e-duniya
har sikke ki machhli mein bhi kanTa nazar aaya
hai bud-e-jahan naqsh sar-e-ab nazar mein
ye khel hamein ban ke bigaDta nazar aaya
hairat-kada-e-dahr hua mujh se mukaddar
aaina-e-ijad mein dhabba nazar aaya
KHush aate nahin dant kisi hur ke mujh ko
chaak-e-gul-e-firdaus mein baKHiya nazar aaya
muddat se nazar-doKHta rahte hain giraftar
gesu ki bhi zanjir mein Tanka nazar aaya
champa-kali us mast-e-mai-e-husn ki dekhi
gardan ki surahi ka ye mina nazar aaya
madfun hua zer-e-zamin aap ka laghar
chashm-e-lahad-e-tang mein jala nazar aaya
kalkatta mein har dam hai 'munir' aap ko wahshat
har koThi mein har bangle mein jangla nazar aaya
(429) ووٹ وصول ہوئے
Related Muneer Shikohabadi Poetry
More Muneer Shikohabadi Poetry
سختیٔ دہر ہوئے بحر سخن میں آساں (ردیف .. ا)
Muneer Shikohabadi - منیرؔ شکوہ آبادی
Sakhti-e-dahr Hue Bahr-e-sukhan Mein Aasan
زندۂ جاوید ہیں مارا جنہیں اس شوخ نے (ردیف .. ی)
Muneer Shikohabadi - منیرؔ شکوہ آبادی
Zinda-e-jawed Hain Mara Jinhen Us Shokh Ne
آئینہ کے عکس سے گل سا بدن میلا ہوا
Muneer Shikohabadi - منیرؔ شکوہ آبادی
Aaine Ke Aks Se Gul Sa Badan Maila Hua
بسملوں سے بوسۂ لب کا جو وعدہ ہو گیا
Muneer Shikohabadi - منیرؔ شکوہ آبادی
Bismilon Se Bosa-e-lab Ka Jo Wada Ho Gaya
روز دل ہائے مے کشاں ٹوٹے
Muneer Shikohabadi - منیرؔ شکوہ آبادی
Roz Dil-ha-e-mai-kashan Tute
جوبن پر ان دنوں ہے بہار نشاط باغ
Muneer Shikohabadi - منیرؔ شکوہ آبادی
Joban Par In Dinon Hai Bahaar-e-nashat-e-bagh
مجھ کو اپنے ساتھ ہی تیرے سلانے کی ہوس
Muneer Shikohabadi - منیرؔ شکوہ آبادی
Mujhko Apne Sath Hi Tere Sulane Ki Hawas
جاتی ہے دور بات نکل کر زبان سے
Muneer Shikohabadi - منیرؔ شکوہ آبادی
Jati Hai Dur Baat Nikal Kar Zaban Se
You can read Aks-e-ruKH-e-gulgun Se Tamasha Nazar Aaya written by Muneer Shikohabadi at UrduPoint. Aks-e-ruKH-e-gulgun Se Tamasha Nazar Aaya is one of the masterpieces written by Muneer Shikohabadi. You can also find the complete poetry collection of Muneer Shikohabadi by clicking on the button 'Read Complete Poetry Collection of Muneer Shikohabadi' above.
Aks-e-ruKH-e-gulgun Se Tamasha Nazar Aaya is a widely read Urdu Ghazal. If you like Aks-e-ruKH-e-gulgun Se Tamasha Nazar Aaya, you will also like to read other famous Urdu Ghazal.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.