Kashkol, Urdu Nazam By Naseem Ansari
Kashkol is a famous Urdu Nazam written by a famous poet, Naseem Ansari. Kashkol comes under the Sad, Social category of Urdu Nazam. You can read Kashkol on this page of UrduPoint.
کشکول
نسیم انصاری
میں جب اس شہر میں آتا ہوں سڑکوں سے گزرتا ہوں
تو اک چھوٹی سی لڑکی یاد آتی ہے
دریدہ پیرہن ٹوٹا ہوا کشکول ہاتھوں میں
اور اس کشکول میں سکے
مگر میں اس کی صورت دیکھ کر حیران ہوتا تھا
عجب سی پختگی تھی درج ان معصوم آنکھوں میں
کہ جیسے زندگی بھر تجربوں کی بھیک مانگی ہو
یہاں اس شہر کی سڑکوں پہ یوں ہی سینکڑوں بچے
لئے کشکول ہاتھوں میں
سوالی راہ گیروں سے
کسے فرصت کہ ان چیزوں کی تحریریں پڑھے سمجھے
مگر چھوٹی سی وہ لڑکی بڑی مانوس تھی مجھ سے
وہ مجھ کو دیکھتی تو بھاگ کر نزدیک آتی تھی
ذرا سا مسکراتی تھی
کہ جیسے کوئی رشتہ ہو کہ جیسے کوئی اپنا ہو
میں اس کشکول میں دو چار سکے ڈال دیتا تھا
یوں ہی بس بے ارادہ ایک دن میں اس کے گھر پہنچا
بس اک ٹوٹا ہوا بوسیدہ کمرہ تھا
اور اک ٹوٹا پلنگ جس پر
کوئی معذور عورت تھی
جو شاید اس کی ماں ہوگی
برس گزرے
اور اس چھوٹی سی لڑکی نے
جوانی کے ذرا نزدیک جب پہلا قدم رکھا
تو اس کے جسم کو شاید کوئی کشکول ہی سمجھا
کلی کھلنے نہ پائی تھی کہ خوشبو لوٹ لی اس کی
کہ وہ تو بے سہارا تھی
اسے وہ دے گیا کوئی جو مانگا ہی نہ تھا اس نے
اب اس کی گود میں ننھی سی اک معصوم بچی تھی
بہت دن بعد پھر آنا ہوا اس شہر میں میرا
تجسس مجھ کو لے آیا اسی بوسیدہ کمرے تک
وہاں کچھ بھی نہ بدلا تھا
وہی بوسیدہ کمرہ تھا وہی ٹوٹا پلنگ بھی تھا
پلنگ پر تھی وہی لڑکی
مگر اب وہ بس اک معذور عورت تھی
اسی لمحے دریدہ پیرہن چھوٹی سی اک لڑکی
لئے ٹوٹا ہوا کشکول ہاتھوں میں وہاں آئی
مجھے ایسا لگا جیسے کہانی بھی پرانی تھی
وہی کشکول اور سکے وہی چھوٹی سی اک لڑکی
اور اس کے ساتھ بھی ہونا وہی تھا
جو اب تک ہوتا آیا تھا
اسے بھی ایک دن معذور ہونا تھا
کبھی جب شہر کی سڑکوں پہ چھوٹی سی کوئی لڑکی
دریدہ پیرہن کشکول ہاتھوں میں سنبھالے
سوالی بن کے میرے پاس آتی ہے
تو میں کشکول میں دو چار سکے ڈال دیتا ہوں
کہ اک معذور عورت مجھ کو فوراً یاد آتی ہے
نسیم انصاری
© UrduPoint.com
All Rights Reserved
Kashkol
Naseem Ansari
to ek chhoTi si laDki yaad aati hai
darida pairahan TuTa hua kashkol hathon mein
aur us kashkol mein sikke
magar main us ki surat dekh kar hairan hota tha
ajab si puKHtagi thi darj un masum aankhon mein
ki jaise zindagi bhar tajrabon ki bhik mangi ho
yahan is shahr ki saDkon pe yunhi sainkaDon bachche
liye kashkol hathon mein
sawali rah-giron se
kise fursat ki in chizon ki tahriren paDhe samjhe
magar chhoTi si wo laDki baDi manus thi mujh se
wo mujh ko dekhti to bhag kar nazdik aati thi
zara sa muskuraati thi
ki jaise koi rishta ho ki jaise koi apna ho
main us kashkol mein do-chaar sikke Dal deta tha
yun hi bas be-irada ek din main us ke ghar pahuncha
bas ek TuTa hua bosida kamra tha
aur ek TuTa palang jis par
koi mazur aurat thi
jo shayad us ki man hogi
baras guzre
aur us chhoTi si laDki ne
jawani ke zara nazdik jab pahla qadam rakha
to us ke jism ko shayad koi kashkol hi samjha
kali khilne na pai thi ki KHushbu luT li us ki
ki wo to be-sahaara thi
use wo de gaya koi jo manga hi na tha us ne
ab us ki god mein nannhi si ek masum bachchi thi
bahut din ba'd phir aana hua us shahr mein mera
tajassus mujh ko le aaya usi bosida kamre tak
wahan kuchh bhi na badla tha
wahi bosida kamra tha wahi TuTa palang bhi tha
palang par thi wahi laDki
magar ab wo bas ek mazur aurat thi
usi lamhe darida pairahan chhoTi si ek laDki
liye TuTa hua kashkol hathon mein wahan aai
mujhe aisa laga jaise kahani bhi purani thi
wahi kashkol aur sikke wahi chhoTi si ek laDki
aur us ke sath bhi hona wahi tha
jo ab tak hota aaya tha
use bhi ek din mazur hona tha
kabhi jab shahr ki saDkon pe chhoTi si koi laDki
darida pairahan kashkol hathon mein sanbhaale
sawali ban ke mere pas aati hai
to main kashkol mein do-chaar sikke Dal deta hun
ki ek mazur aurat mujh ko fauran yaad aati hai
(651) ووٹ وصول ہوئے
Related Naseem Ansari Poetry
More Naseem Ansari Poetry
نیند
Naseem Ansari - نسیم انصاری
Nind
انقلاب
Naseem Ansari - نسیم انصاری
Inqalab
مرے لبوں پہ آتے آتے کوئی بات تھک گئی
Naseem Ansari - نسیم انصاری
Mere Labon Pe Aate Aate Koi Baat Thak Gai
کشکول
Naseem Ansari - نسیم انصاری
Kashkol
کلمۂ طیبہ کا پہلا لفظ لا
Naseem Ansari - نسیم انصاری
Kalima-e-tayyiba Ka Pahla Lafz La
میں نے دیکھی ہے امیر شہر کی وہ مفلسی
Naseem Ansari - نسیم انصاری
Maine Dekhi Hai Amir-e-shahr Ki Wo Muflisi
لڑکیاں
Naseem Ansari - نسیم انصاری
Ladkiyan
خودکشی
Naseem Ansari - نسیم انصاری
Khud-kashi
You can read Kashkol written by Naseem Ansari at UrduPoint. Kashkol is one of the masterpieces written by Naseem Ansari. You can also find the complete poetry collection of Naseem Ansari by clicking on the button 'Read Complete Poetry Collection of Naseem Ansari' above.
Kashkol is a widely read Urdu Nazam. If you like Kashkol, you will also like to read other famous Urdu Nazam.
You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.