Ek Tha Raja, Urdu Nazam By Nazeer Zaidi
Ek Tha Raja is a famous Urdu Nazam written by a famous poet, Nazeer Zaidi. Ek Tha Raja comes under the Social category of Urdu Nazam. You can read Ek Tha Raja on this page of UrduPoint.
ایک تھا راجہ
نذیر زیدی
پرانے زمانے میں تھا ایک راجہ
یہ راجہ تھا بگڑا ہوا ایک باجا
ستاتا تھا سب کو ڈراتا تھا سب کو
وہ غصے میں گھونسے دکھاتا تھا سب کو
یوں ہی آتے جاتوں سے تکرار کرتا
ہوا پر بھی تلوار سے وار کرتا
سنو اب مزے کی سنائیں کہانی
چھپرکھٹ پہ بیٹھی تھی راجہ کی رانی
کہ اتنے میں اک ننھی منی سی چڑیا
لیے چونچ میں ایک چھوٹا سا تنکا
وہ اڑتی ہوئی آئی کمرے کے اندر
اور آ بیٹھی رانی کے بالکل برابر
یہ دیکھا تو راجہ نے تیوری چڑھائی
اٹھا اور غصے میں تالی بجائی
دیا حکم فوجوں کا سالار آئے
پولیس آ کے چڑیا پہ گولی چلائے
نہ بچ کر کہیں جانے پائے یہ چڑیا
سزا بھول کی اپنی پائے یہ چڑیا
اسی وقت فوجوں کا سالار آیا
پرا آ کے فوجوں کا اس نے جمایا
پولیس لے کے تلوار اور تیر آئی
ہوئی ننھی چڑیا پہ پوری چڑھائی
مگر ننھی چڑیا تھی ہمت کی عالی
دیا اس نے دشمن کا ہر وار خالی
اٹاری پہ جا بیٹھی اڑ کر وہاں سے
نہ روکے رکی تیر سے اور کماں سے
وہاں جا کے ننھی سی گردن گھمائی
ہنسی گویا راجہ کی اس نے اڑائی
یہ دیکھا تو چلایا غصے میں راجہ
بجا خوب بگڑا ہوا آج باجا
نذیر زیدی
© UrduPoint.com
All Rights Reserved
Ek Tha Raja
Nazeer Zaidi
ye raja tha bigDa hua ek baja
satata tha sab ko Daraata tha sab ko
wo ghusse mein ghunse dikhata tha sab ko
yunhi aate jaton se takrar karta
hawa par bhi talwar se war karta
suno ab maze ki sunaen kahani
chhaparkhaT pe baiThi thi raja ki rani
ki itne mein ek nannhi munni si chiDiya
liye chonch mein ek chhoTa sa tinka
wo uDti hui aai kamre ke andar
aur aa baiThi rani ke bilkul barabar
ye dekha to raja ne tyori chaDhai
uTha aur ghusse mein tali bajai
diya hukm faujon ka salar aae
police aa ke chiDiya pe goli chalae
na bach kar kahin jaane pae ye chiDiya
saza bhul ki apni pae ye chiDiya
usi waqt faujon ka salar aaya
para aa ke faujon ka us ne jamaya
police le ke talwar aur tir aai
hui nannhi chiDiya pe puri chaDhai
magar nannhi chiDiya thi himmat ki aali
diya us ne dushman ka har war KHali
aTari pe ja baiThi uD kar wahan se
na roke ruki tir se aur kaman se
wahan ja ke nannhi si gardan ghumai
hansi goya raja ki us ne uDai
ye dekha to chillaya ghusse mein raja
baja KHub bigDa hua aaj baja
(637) ووٹ وصول ہوئے
Related Nazeer Zaidi Poetry
More Nazeer Zaidi Poetry
You can read Ek Tha Raja written by Nazeer Zaidi at UrduPoint. Ek Tha Raja is one of the masterpieces written by Nazeer Zaidi. You can also find the complete poetry collection of Nazeer Zaidi by clicking on the button 'Read Complete Poetry Collection of Nazeer Zaidi' above.
Ek Tha Raja is a widely read Urdu Nazam. If you like Ek Tha Raja, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.