Qasr-e-viran, Urdu Nazam By Qaisar Ziya Qaisar
Qasr-e-viran is a famous Urdu Nazam written by a famous poet, Qaisar Ziya Qaisar. Qasr-e-viran comes under the Love, Sad category of Urdu Nazam. You can read Qasr-e-viran on this page of UrduPoint.
قصر ویراں
قیصر ضیا قیصر
میں اس کو تکتا رہتا ہوں
جو فرخ زاد کی غزلوں
کی صورت خوب صورت ہے
کہ جس کے پھول سے تن کو
کسی رنگین تتلی کے
رسیلے معتبر ہونٹوں
کے بوسوں کی ضرورت ہے
وہ اک شہکار ہے شاید
خدائے پاک کے فن کا
کہ جس کی سادگی میں بھی
ہے رقصاں حسن کا جادو
کمر سینہ ہو گردن ہو
کہ اس کے دست اور بازو
تراشیں سب کی ایسی ہیں
کہ جیسے لعل کے چاقو
جبیں پر ماہ کا جلوہ
اور اس پر ابر کے گیسو
سلگتے گورے گالوں پر
شفق کے غازے کی خوشبو
گلابوں سے پھڑکتے لب
اور اس پر پیاس بے قابو
ہیں نرگس کی طرح اس کی
چمکتی جھیل سی آنکھیں
مگر بے نور ہیں ایسی
کہ جیسے تنگ غاروں کی
سیہ پلکوں پہ ٹھہرے ہوں
اندھیری رات کے آنسو
یہ منظر روح پر میری
پگھلتے شیشوں کی صورت
مقطر ہوتا رہتا ہے
کہ جس کی سوزشوں میں میں
تڑپتا چیختا رہتا
ہوں صبح و شام ہر اک پل
کہ میری دھڑکنوں سانسوں
کو چاہے منجمد کر دو
مگر اس خوب رو دنیا
کے تاریک آسمانوں کو
مری آنکھوں کے تاروں سے
جہاں تک ہو سکے بھر دو
یہ سن کر قصر کے سارے
در و دیوار پر طوفاں
سا برپا ہونے لگتا ہے
کہ اے نادان شہزادے
تو ایسا کر نہیں سکتا
جنوں کی اجڑی مانگوں میں
تو افشاں بھر نہیں سکتا
تری دھڑکن تری سانسیں
تری خوابوں سے پر آنکھیں
ترے اجداد کے سورج
کی کرنوں کی امانت ہیں
جو شاہی تخت پر روشن
چراغوں کی ضمانت ہیں
قیصر ضیا قیصر
© UrduPoint.com
All Rights Reserved
Qasr-e-viran
Qaisar Ziya Qaisar
jo farruKH-zad ki ghazlon
ki surat KHubsurat hai
ki jis ke phul se tan ko
kisi rangin titli ke
rasile mo'atabar honTon
ke boson ki zarurat hai
wo ek shahkar hai shayad
KHuda-e-pak ke fan ka
ki jis ki sadgi mein bhi
hai raqsan husn ka jadu
kamar sina ho gardan ho
ki us ke dast aur bazu
tarashen sab ki aisi hain
ki jaise lal ke chaqu
jabin par mah ka jalwa
aur us par abr ke gesu
sulagte gore galon par
shafaq ke ghaze ki KHushbu
gulabon se phaDakte lab
aur us par pyas be-qabu
hain nargis ki tarah us ki
chamakti jhil si aankhen
magar be-nur hain aisi
ki jaise tang ghaaron ki
siyah palkon pe Thahre hon
andheri raat ke aansu
ye manzar ruh par meri
pighalte shishon ki surat
muqattar hota rahta hai
ki jis ki sozishon mein main
taDapta chiKHta rahta
hun subh-o-sham har ek pal
ki meri dhaDkanon sanson
ko chahe munjamid kar do
magar is KHub-ru duniya
ke tarik aasmanon ko
meri aankhon ke taron se
jahan tak ho sake bhar do
ye sun kar qasr ke sare
dar-o-diwar par tufan
sa barpa hone lagta hai
ki ai nadan shahzade
tu aisa kar nahin sakta
junun ki ujDi mangon mein
tu afshan bhar nahin sakta
teri dhaDkan teri sansen
teri KHwabon se pur aankhen
tere ajdad ke suraj
ki kirnon ki amanat hain
jo shahi taKHt par raushan
charaghon ki zamanat hain
(341) ووٹ وصول ہوئے
Related Qaisar Ziya Qaisar Poetry
More Qaisar Ziya Qaisar Poetry
You can read Qasr-e-viran written by Qaisar Ziya Qaisar at UrduPoint. Qasr-e-viran is one of the masterpieces written by Qaisar Ziya Qaisar. You can also find the complete poetry collection of Qaisar Ziya Qaisar by clicking on the button 'Read Complete Poetry Collection of Qaisar Ziya Qaisar' above.
Qasr-e-viran is a widely read Urdu Nazam. If you like Qasr-e-viran, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.