Bashindgaan Shehre E Jaan Main Rashida Maheen Hoon, Urdu Ghazal By Rashida Maheen Malik

باشندگانِ شہرِ جاں میں راشدہ ماہین ہوں

‎ردِ بلائے ناگہاں میں راشدہ ماہین ہوں

‎میں ہی تو صُبحِ ضو فشاں میں راشدہ ماہین ہوں

‎نقشِ جمالِ دلبراں میں راشدہ ماہین ہوں

‎میں نکہتِ ہر قلب و جاں میں راشدہ ماہین ہوں

‎کیوں لوگ ہیں دامن کشاں میں راشدہ ماہین ہوں

‎میری صدا ٹھنڈی ہوا تسکینِ دل تسکینِ جاں

‎میں بزم کی روح و رواں میں راشدہ ماہین ہوں

‎سب کے لئے میں ہوں خنک میری طبیعت ہے رواں

‎دل ہو کسی کا گر تپاں میں راشدہ ماہین ہوں

‎یہ زندگی نازک مری ہے ریشمی و مر مریں

‎میں منزلِ شیشہ گراں میں راشدہ ماہین ہوں

‎میں نرم خو میں نرم دل میں لالہ و ریحان و گل

‎میں ہوں سراپا گلستاں میں راشدہ ماہین ہوں

‎سمجھے نہ جو سود و زیاں دانش اثر ہے وہ کہاں

‎ہے روشنی میرا بیاں میں راشدہ ماہین ہوں

‎اِس منزلِ ہستی میں ہوں میں بھی دواں اِک کاروں

‎رکھتی ہوں میں عزم ِجواں میں راشدہ ماہین ہوں

‎ہر موج میرے بحر کی کہنے لگی یہ پیار سے

‎آبِ رواں آبِ رواں میں راشدہ ماہین ہوں

‎بے ساختہ اِک دن مجھے اُس نے لیا بانہوں میں جب

‎میں بن گئی اُس کا جہاں میں راشدہ ماہین ہوں

‎میں ہی مکینِ شہرِ دل میں ہی شبِ آوارگی

‎میں لامکاں میں ہی مکاں میں راشدہ ماہین ہوں

‎یہ بزمِ مینائے غزل جس کا نہیں کوئی بدل

‎آوازِ دل آوازِ جاں میں راشدہ ماہین ہوں

‎میں دورِ حاضر کایقیں میں شاعرہ ہوں دلنشیں

‎اے آسماں اے آسماں میں راشدہ ماہین ہوں