Ek Pari Ka Phir Mujhe Shaida Kiya, Urdu Ghazal By Rind Lakhnavi
Ek Pari Ka Phir Mujhe Shaida Kiya is a famous Urdu Ghazal written by a famous poet, Rind Lakhnavi. Ek Pari Ka Phir Mujhe Shaida Kiya comes under the Love, Sad category of Urdu Ghazal. You can read Ek Pari Ka Phir Mujhe Shaida Kiya on this page of UrduPoint.
اک پری کا پھر مجھے شیدا کیا
رند لکھنوی
اک پری کا پھر مجھے شیدا کیا
عشق نے پھر مفسدہ برپا کیا
آج پھر اس شوخ نے فقرا کیا
وعدۂ امروز بھی فردا کیا
خون ناحق اک مسلماں کا کیا
کیا غضب او شوخ بے پروا کیا
دل کو مائل شعلہ رویوں کا کیا
دین زردشتی کو پھر احیا کیا
ابر اکثر اس برس برسا کیا
کیا تتبع دیدۂ تر کا کیا
کیوں اجل کیا تجھ کو بھی موت آ گئی
اس قدر آنے میں کیوں عرصہ کیا
کان کی بجلی جو یاد آئی تری
برق کے مانند میں تڑپا کیا
وہ کف پائے حنائی کر کے یاد
ہجر کی شب ایڑیاں رگڑا کیا
اس کو بھی سکتہ ہوا دیکھ آئینہ
دیر تک حیرت سے منہ دیکھا کیا
خاک چھانی مدتوں تنکے چنے
کیا کہوں اس عشق میں کیا کیا کیا
کل نہ پاؤ گے ہمیں کہیو سفیر
آج آنے میں اگر حیلہ کیا
واں ہوئے مسی سے لب ان کے کبود
پیٹ کر منہ ہم نے یاں نیلا کیا
تب اٹھے ہیں ان بتوں کے ہم سے ناز
جب کلیجا اپنا پتھر کا کیا
ہے گرہ موئے کمر کی ناف یار
فکر نے اپنے یہ عقدہ وا کیا
لاگ پیدا کر کے اب جلاد سے
جان کھوئی ہائے دل نے کیا کیا
ڈنٹر پہ باندھا ہم نے جوشن کی طرح
حرز جاں قاتل ترا چھلا کیا
مجھ کو مجنوں کر دیا مانند قیس
سحر کچھ اور غیرت لیلیٰ کیا
معرکہ میں عشق کے سرکا نہ پاؤں
آبرو کو جان کو صدقہ کیا
سوز فرقت نے شرارت مجھ سے کی
ہیزم تر کی طرح سلگا کیا
اے شب فرقت نہ کر مجھ پر عذاب
میں نے تیرا منہ نہیں کالا کیا
زلف جاناں جس نے دیکھی ایک بار
دل سے اپنے عمر بھر الجھا کیا
اس مصیبت سے شب فرقت کٹی
پاؤں پیٹے آہ کی نالہ کیا
عشق افشان جبین یار میں
خاک چھلنی کی طرح چھانا کیا
تھا مناسب ترک عشق یار رندؔ
آپ نے انسب کیا اولیٰ کیا
رند لکھنوی
© UrduPoint.com
All Rights Reserved
Ek Pari Ka Phir Mujhe Shaida Kiya
Rind Lakhnavi
ishq ne phir mufsida barpa kiya
aaj phir us shoKH ne fuqara kiya
wada-e-imroz bhi farda kiya
KHun-e-nahaq ek musalman ka kiya
kya ghazab o shoKH-e-be-parwa kiya
dil ko mail shoala-ruon ka kiya
din-e-zardashti ko phir ahya kiya
abr akasr us baras barsa kiya
kya tatabbo dida-e-tar ka kiya
kyun ajal kya tujh ko bhi maut aa gai
is qadar aane mein kyun arsa kiya
kan ki bijli jo yaad aai teri
barq ke manind main taDpa kiya
wo kaf-e-pa-e-hinai kar ke yaad
hijr ki shab eDiyan ragDa kiya
us ko bhi sakta hua dekh aaina
der tak hairat se munh dekha kiya
KHak chhani muddaton tinke chune
kya kahun is ishq mein kya kya kiya
kal na paoge hamein kahiyo safir
aaj aane mein agar hila kiya
wan hue missi se lab un ke kabud
piT kar munh hum ne yan nila kiya
tab uThe hain un buton ke hum se naz
jab kaleja apna patthar ka kiya
hai girah mu-e-kamar ki naf-e-yar
fikr ne apne ye uqda wa kiya
lag paida kar ke ab jallad se
jaan khoi hae dil ne kya kiya
danD pe bandha hum ne joshan ki tarah
harz-e-jaan qatil tera chhalla kiya
mujh ko majnun kar diya manind-e-qais
sehr kuchh aur ghairat-e-laila kiya
marke mein ishq ke sarka na panw
aabru ko jaan ko sadqa kiya
soz-e-furqat ne shararat mujh se ki
haizam-e-tar ki tarah sulga kiya
ai shab-e-furqat na kar mujh par azab
main ne tera munh nahin kala kiya
zulf-e-jaanan jis ne dekhi ek bar
dil se apne umr bhar uljha kiya
is musibat se shab-e-furqat kaTi
panw piTe aah ki nala kiya
ishq afshan-e-jabin-e-yar mein
KHak chhalni ki tarah chhana kiya
tha munasib tark-e-ishq-e-yar 'rind'
aap ne ansab kiya aula kiya
(366) ووٹ وصول ہوئے
Related Rind Lakhnavi Poetry
Related Poetry
More Rind Lakhnavi Poetry
تہمت حسرت پرواز نہ مجھ پر باندھے
Rind Lakhnavi - رند لکھنوی
Tohmat-e-hasrat-e-parwaz Na Mujh Par Bandhe
پروں کو کھول دے ظالم جو بند کرتا ہے (ردیف .. د)
Rind Lakhnavi - رند لکھنوی
Paron Ko Khol De Zalim Jo Band Karta Hai
لالہ رویوں سے کب فراغ رہا
Rind Lakhnavi - رند لکھنوی
Lala-ruyon Se Kab Faragh Raha
مے کش ہوں وہ کہ پوچھتا ہوں اٹھ کے حشر میں
Rind Lakhnavi - رند لکھنوی
Mai-kash Hun Wo Ki Puchhta Hun Uth Ke Hashr Mein
توبہ کا پاس رند مے آشام ہو چکا
Rind Lakhnavi - رند لکھنوی
Tauba Ka Pas Rind-e-mai-asham Ho Chuka
اے شب فرقت نہ کر مجھ پر عذاب (ردیف .. ا)
Rind Lakhnavi - رند لکھنوی
Ai Shab-e-furqat Na Kar Mujh Par Azab
عالم پسند ہو گئی جو بات تم نے کی
Rind Lakhnavi - رند لکھنوی
Aalam-pasand Ho Gai Jo Baat Tumne Ki
حور پر آنکھ نہ ڈالے کبھی شیدا تیرا
Rind Lakhnavi - رند لکھنوی
Hur Par Aankh Na Dale Kabhi Shaida Tera
You can read Ek Pari Ka Phir Mujhe Shaida Kiya written by Rind Lakhnavi at UrduPoint. Ek Pari Ka Phir Mujhe Shaida Kiya is one of the masterpieces written by Rind Lakhnavi. You can also find the complete poetry collection of Rind Lakhnavi by clicking on the button 'Read Complete Poetry Collection of Rind Lakhnavi' above.
Ek Pari Ka Phir Mujhe Shaida Kiya is a widely read Urdu Ghazal. If you like Ek Pari Ka Phir Mujhe Shaida Kiya, you will also like to read other famous Urdu Ghazal.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.