Use Kahna December Aaya Hai, Urdu Nazam By Riyaz Tauheedi
Use Kahna December Aaya Hai is a famous Urdu Nazam written by a famous poet, Riyaz Tauheedi. Use Kahna December Aaya Hai comes under the Love, Sad category of Urdu Nazam. You can read Use Kahna December Aaya Hai on this page of UrduPoint.
اسے کہنا دسمبر آیا ہے
ریاض توحیدی
اسے کہنا دسمبر آیا ہے
خزاں نے بہار کی خوبصورتی کو
چنار کے زرد پتوں میں دفن کر دیا ہے
ان پتوں کی جوانی اب بڑھاپے کی سسکیوں
میں رو رہی ہے
اب یہ رونا بھی رفتہ رفتہ دم توڑ دے گا
اور اپنے معشوق کی بے بس ٹہنیوں سے
جدائی کا کرب سہتے سہتے
یہ سوکھے پتے خاک نشین ہو جائیں گے
پھر کون انہیں یاد رکھے گا
اسے کہنا کہ وہ گلشن
جس کے پھولوں کی خوبصورتی دیکھنے والوں کی آنکھوں کو بھی
خوب صورت بنا دیتی تھی
اور جس کی مہک
سانس میں بھی خوشبو گھول دیتی تھی
اسے اب
اونگھتے بلبل حسرت سے تک رہے ہیں
وہ بلبل جنہوں نے گلشن میں بہار کے نغمے
گائے تھے
جن کی سریلی آواز پر تتلیاں پھولوں کے گرد رقص کرتے کرتے
قوس قزح کو بھی شرمندہ کر دیتی تھیں
لیکن اب موسم بدلتے ہی نہ جانے وہ تتلیاں
پھولوں کا مذاق اڑا کر کس دیس کو جا بسیں
داستان ہجر سنا کر ذرا غور سے دیکھنا
کہ ان جھیل سی آنکھوں کا رنگ پیلا پڑ جاتا ہے یا کہ
نیلا ہی رہتا ہے
اور صبر سے سننا کہ
ان گلابی ہونٹوں سے بھنورے کے شوق میں
آہ نکلتی ہے یا کہ واہ
ریاض توحیدی
© UrduPoint.com
All Rights Reserved
Use Kahna December Aaya Hai
Riyaz Tauheedi
KHizan ne bahaar ki KHub-surati ko
chinar ke zard patton mein dafn kar diya hai
in patton ki jawani ab buDhape ki siskiyon
mein ro rahi hai
ab ye rona bhi rafta rafta dam toD dega
aur apne mashuq ki be-bas Tahniyon se
judai ka karb sahte sahte
ye sukhe patte KHak-nashin ho jaenge
phir kaun inhen yaad rakhega
use kahna ki wo gulshan
jis ke phulon ki KHub-surati dekhne walon ki aankhon ko bhi
KHubsurat bana deti thi
aur jis ki mahak
sans mein bhi KHushbu ghol deti thi
use ab
unghte bulbul hasrat se tak rahe hain
wo bulbul jinhon ne gulshan mein bahaar ke naghme
gae the
jin ki surili aawaz par titliyan phulon ke gird raqs karte karte
qaus-e-quzah ko bhi sharminda kar deti thin
lekin ab mausam badalte hi na jaane wo titliyan
phulon ka mazaq uDa kar kis des ko ja basin
dastan-e-hijr suna kar zara ghaur se dekhna
ki un jhil si aankhon ka rang pila paD jata hai ya ki
nila hi rahta hai
aur sabr se sunna ki
un gulabi honTon se bhaunre ke shauq mein
aah nikalti hai ya ki wah
(1420) ووٹ وصول ہوئے
Related Riyaz Tauheedi Poetry
Related Poetry
More Riyaz Tauheedi Poetry
اسے کہنا دسمبر آیا ہے
Riyaz tauheedi - ریاض توحیدی
Use Kahna December Aaya Hai
نظم اپنوں کی تلاش
Riyaz tauheedi - ریاض توحیدی
Nazm Apnon Ki Talash
بابا کتا بھی روتا رہا
Riyaz tauheedi - ریاض توحیدی
Baba Kutta Bhi Rota Raha
یہی زندگی ہے
Riyaz tauheedi - ریاض توحیدی
Yahi Zindagi Hai
شناخت کا مینار
Riyaz tauheedi - ریاض توحیدی
Shanakht Ka Minar
You can read Use Kahna December Aaya Hai written by Riyaz Tauheedi at UrduPoint. Use Kahna December Aaya Hai is one of the masterpieces written by Riyaz Tauheedi. You can also find the complete poetry collection of Riyaz Tauheedi by clicking on the button 'Read Complete Poetry Collection of Riyaz Tauheedi' above.
Use Kahna December Aaya Hai is a widely read Urdu Nazam. If you like Use Kahna December Aaya Hai, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.