Kala Phul, Urdu Nazam By Sajjad Zaheer
Kala Phul is a famous Urdu Nazam written by a famous poet, Sajjad Zaheer. Kala Phul comes under the Love, Sad category of Urdu Nazam. You can read Kala Phul on this page of UrduPoint.
کالا پھول
سجاد ظہیر
گھنے بھیانک اندھیروں کی تہیں چیر کر
اک کالا پھول نکل آیا ہے
کومل ملائم نم پنکھڑیاں
جیسے اس بپتا کی ماری کے
آنسوؤں سے تر گال
جس کا پتی رن بھومی سے نہیں لوٹا
چتا میں جلتے صندل کی سی مہک ہے اس میں
سوگوار درد کا پیکر پھول
اس کی معصوم رنگت
سہانی خوشبو
کہاں کھو گئی
ان ٹہنیوں شاخوں کے بھیتر
جیون رس اب بھی دوڑ رہا ہے
لیکن اس میں لہو کی ملاوٹ ہے
ان کا جو یانگ تسی اور ہوانگ ہو
گنگا اور جمنا کے میدانوں سے
اپنی کھیتیاں کھلیان
بیوی بچے گھر بار
سب تج کر
ان سنسان وحشت ناک
ہمالیائی برفانی صحراؤں میں آئے
اور اچانک موت کے شکنجے میں پھنس گئے
اور اب اپنے ہمکتے بچوں کو
گودیوں میں کھلانے
اپنی چھوٹی بہنوں کا بیاہ رچانے
ڈھولک گیتوں کو سننے
یہاں سے کبھی نہ واپس جائیں گے
اس دھرتی میں انہیں کا خون جذب ہے
اور یہ کالا پھول
شاید دنیا کے سب سے دردانگیز المیہ کی نشانی ہے
اگر یہ سچ ہے کہ انسان کی کہانی
آدم کے گناہ
اور ہابیل کے ہاتھوں قابیل کے قتل سے
شروع ہوتی ہے
تو یہ گناہ اور جرم تو
اس سے بھی بڑا ہے
کہ چینی بھائی ہندوستانی کا
ہندوستانی چینی کا خون بہائیں
یہ بات جھوٹی نہیں سچی ہے
ہزار بار سو ہزار بار
کہ ہم دونوں بھائی بھائی ہیں
اور جب لاکھوں کروڑوں
ایک عرب انسانوں نے
ہندی چینی بھائی بھائی کا نعرہ بلند کیا تھا
تو وہ آواز اتنی ہی سچی تھی
جتنی شاکیہ منی کی وانی
جو بھارت اور چین
دونوں میں گونجی
اور جس کے جادو سے راکھ سونا بن گئی
کیا کرودھ اور لوبھ
گھنا اور ہنا کے اپاسک
ستیہ کو استیہ ثابت کر دیں گے
بربرتا کی کالی آندھیاں
منشیتا اور کرونا کی
مشعلوں کو بجھا دیں گی
گاندھی کو قتل کر دو
لیکن اس کی مہان آتما
سدا کوہ نور کی طرح
جگمگاتی رہے گی
سجاد ظہیر
© UrduPoint.com
All Rights Reserved
Kala Phul
Sajjad Zaheer
ek kala phul nikal aaya hai
komal mulaem nam pankhuDiyan
jaise us bipta ki mari ke
aansuon se tar gal
jis ka pati ranbhumi se nahin lauTa
chita mein jalte sandal ki si mahak hai is mein
sogwar dard ka paikar phul
us ki masum rangat
suhani KHushbu
kahan kho gai
in Tahniyon shaKHon ke bhitar
jiwan-ras ab bhi dauD raha hai
lekin is mein lahu ki milawaT hai
un ka jo-yantsi aur huwan-ho
ganga aur jamuna ke maidanon se
apni khetiyan khaliyan
biwi bachche ghar-bar
sab taj kar
in sunsan wahshat-nak
himaliyai barfani sahraon mein aae
aur achanak maut ke shikanje mein phans gae
aur ab apne humakte bachchon ko
godiyon mein khilane
apni chhoTi bahnon ka byah rachane
Dholak giton ko sunne
yahan se kabhi na wapas jaenge
is dharti mein unhin ka KHun jazb hai
aur ye kala phul
shayad duniya ke sab se dard-angez alamiya ki nishani hai
agar ye sach hai ki insan ki kahani
aadam ke gunah
aur habil ke hathon qabil ke qatl se
shurua hoti hai
to ye gunah aur jurm to
is se bhi baDa hai
ki chini bhai hindostani ka
hindostani chini ka KHun bahaen
ye baat jhuTi nahin sachchi hai
hazar bar sau hazar bar
ki hum donon bhai bhai hain
aur jab lakhon karoDon
ek arab insanon ne
hindi chini bhai bhai ka nara buland kiya tha
to wo aawaz utni hi sachchi thi
jitni shakye muni ki wani
jo bhaarat aur chin
donon mein gunji
aur jis ke jadu se rakh sona ban gai
kya krodh aur lobh
ghina aur hina ke upasak
saty ko asaty sabit kar denge
barbarta ki kali aandhiyan
manushyta aur karuna ki
mashalon ko bujha dengi
gandhi ko qatl kar do
lekin us ki mahan aatma
sada koh-e-nur ki tarah
jagmagati rahegi
(460) ووٹ وصول ہوئے
Related Sajjad Zaheer Poetry
Related Poetry
More Sajjad Zaheer Poetry
باڑھ
Sajjad Zaheer - سجاد ظہیر
Baadh
پرانی دیوار
Sajjad Zaheer - سجاد ظہیر
Purani Diwar
پرانا باغ
Sajjad Zaheer - سجاد ظہیر
Purana Bagh
تصویریں
Sajjad Zaheer - سجاد ظہیر
Taswiren
کبھی کبھی
Sajjad Zaheer - سجاد ظہیر
Kabhi Kabhi
کالا پھول
Sajjad Zaheer - سجاد ظہیر
Kala Phul
دریا
Sajjad Zaheer - سجاد ظہیر
Dariya
برسات کی رات
Sajjad Zaheer - سجاد ظہیر
Barsat Ki Raat
You can read Kala Phul written by Sajjad Zaheer at UrduPoint. Kala Phul is one of the masterpieces written by Sajjad Zaheer. You can also find the complete poetry collection of Sajjad Zaheer by clicking on the button 'Read Complete Poetry Collection of Sajjad Zaheer' above.
Kala Phul is a widely read Urdu Nazam. If you like Kala Phul, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.