Rishta Apne Mazi Ka, Urdu Nazam By Salma Javed
Rishta Apne Mazi Ka is a famous Urdu Nazam written by a famous poet, Salma Javed. Rishta Apne Mazi Ka comes under the Sad, Social category of Urdu Nazam. You can read Rishta Apne Mazi Ka on this page of UrduPoint.
رشتہ اپنے ماضی کا
سلمیٰ جاوید
سیکڑوں سال کا
روز اور شب سے ہیں
اپنے ماضی کے رشتے جڑے
ساحل سندھ پر
ایک دخانی کشتی رواں
جس میں بیٹھے ہوئے کچھ حسیں نوجواں
اک حسیں سا کنارا جو آیا نظر
رک گئے لوگ سب
اور حیرت سے ہر چیز دیکھا کئے
سر اٹھائے کھجوروں کے کچھ پیڑ تھے
سرسراتی ہوا
پل رہی تھی جو بوئے محبت کی آغوش میں
پتھروں کے بڑے صاف و سادہ مکاں
تھے مکیں جن کے مہر و محبت کے بت
پانی میٹھا بھی تھا اور خوش ذائقہ
ان جوانوں کے دل کو فضا بھا گئی
زندگی جھومی اور ایسے ماحول پر
رک گئی دفعتاً
مندروں کے سنہرے اور اونچے کلس
نقرئی جن کی گھنٹوں کی آواز تھی
کتنی تھی دل پذیر
اور رس سے بھری
نوجوانوں کے پاکیزہ جھرمٹ سے اک
نوجواں نے پکاری فجر کی اذاں
جس میں خوابیدہ تھیں کتنی رعنائیاں
دو صداؤں میں بے لوث سنگم ہوا
دونوں ملتے رہے
دل بھی ملتے گئے
اب اذاں اور ناقوس تھے مشترک
دونوں تھے شادماں
دونوں تھے مطمئن
دونوں ملتے رہے دونوں ملتے گئے
مشترک ایک تہذیب پلتی گئی
تھی جو پاکیزہ تر
اور مہر و مروت کی آئنہ دار
جس سے آئی گلستاں میں اپنے بہار
آج ہر پھول پر یوں جو ہے تازگی
سال ہا سال کی
اپنی محنت کا ثمرہ ہے یہ
اپنے پرکھوں کی اک دین ہے
غم اٹھائے
جنہوں نے مگر
رشتے کو اور مضبوط کرتے رہے
اس کی کڑیوں کو مربوط کرتے رہے
ہم بھی وارث انہیں کے ہیں
اور تم بھی ہو
ٹوٹنے پائے دھاگا نہ یہ دیکھنا
خون دل سے بنائیں گے
موتی جو ہم
در شہوار آنکھوں سے ٹپکائیں جو
گوندھ لیں گے اسی ایک رشتہ سے ہم
کیونکہ ماضی سے اپنے
ہمیں پیار ہے
کیونکہ ماضی ہمارا یہی حال ہے
کوئی آئندہ اس سے الگ ہوگا کب
سیکڑوں سال کے
روز اور شب سے ہیں
اپنے ماضی کے رشتے جڑے
سلمیٰ جاوید
© UrduPoint.com
All Rights Reserved
Rishta Apne Mazi Ka
Salma Javed
roz aur shab se hain
apne mazi ke rishte juDe
sahil-e-sindh par
ek duKHani kashti rawan
jis mein baiThe hue kuchh hasin naujawan
ek hasin sa kinara jo aaya nazar
ruk gae log sab
aur hairat se har chiz dekha kiye
sar uThae khajuron ke kuchh peD the
sarsaraati hawa
pal rahi thi jo bu-e-mohabbat ki aaghosh mein
pattharon ke baDe saf-o-sada makan
the makin jin ke mehr-o-mohabbat ke but
pani miTha bhi tha aur KHush-zaeqa
in jawanon ke dil ko faza bha gai
zindagi jhumi aur aise mahaul par
ruk gai dafatan
mandiron ke sunahre aur unche kalas
nuqrai jin ki ghanTon ki aawaz thi
kitni thi dil-pazir
aur ras se bhari
naujawanon ke pakiza jhurmuT se ek
naujawan ne pukari fajar ki azan
jis mein KHwabida thin kitni ranaiyan
do sadaon mein be-laus sangam hua
donon milte rahe
dil bhi milte gae
ab azan aur naqus the mushtarak
donon the shadman
donon the mutmain
donon milte rahe donon milte gae
mushtarak ek tahzib palti gai
thi jo pakiza-tar
aur mehr-o-murawwat ki aaina-dar
jis se aai gulistan mein apne bahaar
aaj har phul par yun jo hai tazgi
sal-ha-sal ki
apni mehnat ka samra hai ye
apne purkhon ki ek den hai
gham uThae
jinhon ne magar
rishte ko aur mazbut karte rahe
us ki kaDiyon ko marbut karte rahe
hum bhi waris unhin ke hain
aur tum bhi ho
TuTne pae dhaga na ye dekhna
KHun-e-dil se banaenge
moti jo hum
durr-e-shahwar aankhon se Tapkaen jo
gundh lenge usi ek rishte se hum
kyunki mazi se apne
hamein pyar hai
kyunki mazi hamara yahi haal hai
koi aainda us se alag hoga kab
saikDon sal ke
roz aur shab se hain
apne mazi ke rishte juDe
(329) ووٹ وصول ہوئے
Related Salma Javed Poetry
Related Poetry
More Salma Javed Poetry
You can read Rishta Apne Mazi Ka written by Salma Javed at UrduPoint. Rishta Apne Mazi Ka is one of the masterpieces written by Salma Javed. You can also find the complete poetry collection of Salma Javed by clicking on the button 'Read Complete Poetry Collection of Salma Javed' above.
Rishta Apne Mazi Ka is a widely read Urdu Nazam. If you like Rishta Apne Mazi Ka, you will also like to read other famous Urdu Nazam.
You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.