Lab-kusha, Urdu Nazam By Shafiq Fatima Shera
Lab-kusha is a famous Urdu Nazam written by a famous poet, Shafiq Fatima Shera. Lab-kusha comes under the Sad, Social category of Urdu Nazam. You can read Lab-kusha on this page of UrduPoint.
لب کشا
شفیق فاطمہ شعریٰ
یہ چپ کتنے دن کی تھی جو آنسوؤں میں ڈھلی
یہ گہری چٹان ایسی پتھریلی جامد انوکھی سی چپ
اس کا چھونا بھی ممکن تھا تب
یہ چپ تھی کہ پورا وجود اپنا جو آنسوؤں میں ڈھلا
بتاؤ تو اس چپ کی بھیدوں بھری تھاہ میں شور کیا تھا
بتاؤ تو کیا گونج تھی
ایک صدا دوسری سے ہم آہنگ جس میں نہ تھی
جیسے صدیوں کے بے خواب دھندلی شبیہیں
دھواں دھار جلتی چتاؤں میں گھر کر تڑختی اچھلتی ہوں
کہتی ہوں تقدیر برحق ہے برحق ہے زندہ اٹل
ہم آہنگ گردش ستاروں کی ہے
پڑ گئیں جو فضاؤں میں لیکیں پرانی
وہ ان پر پھرے جا رہے ہیں پھرے جا رہے
سب حدیں ان کی پیمودہ ہیں
مگر اپنے خواب و حقائق کا سیل عظیم
کوئی لیک اس کی بنا دے
مگر کیوں
کبھی جو بنا دے بھی کوئی تو سوچو
ہمارے قدم اور لیکوں کا رشتہ کہاں تک
کہ اک حد پہ مٹ جائیں گی وہ
تو کیا ہم بھی تھم جائیں گے
ہم تو بڑھتے ہی رہتے ہیں
چاہے وہ زلزال ہو جو ہمکتا نظر آئے
چاہے وہ اک سوچ ہو جو تراشے چلی جائے بے شور و شیون
سیہ دہشتوں کے پہاڑ
سزاوار رفتار ہم
اور ہر اک گام پر پائمالی وہ اپنی ہو یا دوسروں کی
تأسف میں اور سوگ میں ایک جیسی ہے اپنے لیے
سفینہ تھا بھاری تو کیا کیا نہ کچھ پھینک ڈالا
مژہ سے ٹپکتے ہوئے قطرۂ اشک کا بار
خوابوں سے خوشبو کا بوجھ
نچوڑا تو لہریں بھی ہلکی گلابی ہوئیں
رندھی لے میں گاتی رہیں دل دکھاتی رہیں
کوئی ہم سے پوچھے
کہ اب وقت کیا ہے
تو ہم کہہ اٹھیں اک صدا
ہم اس میں کھپے کھو گئے
اب صدا پر بھی تعزیر کیسی
صدا دو
کہ اک بول کی پیاس اپنے گلو میں جلائے
کھڑی ہے ستم کش تمنا کنارۂ فرات
شفیق فاطمہ شعریٰ
© UrduPoint.com
All Rights Reserved
Lab-kusha
Shafiq Fatima Shera
ye gahri chaTTan aisi pathrili jamid anokhi si chup
us ka chhuna bhi mumkin tha tab
ye chup thi ki pura wajud apna jo aansoon mein Dhala
batao to is chup ki bhedon bhari thah mein shor kya tha
batao to kya gunj thi
ek sada dusri se hum aahang jis mein na thi
jaise sadiyon ke be-KHwab dhundli shabihen
dhuan-dhaar jalti chitaon mein ghir kar taDaKHti uchhalti hun
kahti hun taqdir bar-haq hai bar-haq hai zinda aTal
ham-ahang gardish sitaron ki hai
paD gain jo fazaon mein liken purani
wo un par phire ja rahe hain phire ja rahe
sab haden un ki paimuda hain
magar apne KHwab-o-haqaeq ka sail-e-azim
koi leak us ki bana de
magar kyon
kabhi jo bana de bhi koi to socho
hamare qadam aur likon ka rishta kahan tak
ki ek had pe miT jaengi wo
to kya hum bhi tham jaenge
hum to baDhte hi rahte hain
chahe wo zilzal ho jo humakta nazar aae
chahe wo ek soch ho jo tarashe chali jae be-shor-o-shewan
siyah dahshaton ke pahaD
saza-war raftar hum
aur har ek gam par paemali wo apni ho ya dusron ki
tassuf mein aur sog mein ek jaisi hai apne liye
safina tha bhaari to kya kya na kuchh phenk Dala
mizha se Tapakte hue qatra-e-ashk ka bar
KHwabon se KHushbu ka bojh
nichoDa to lahren bhi halki gulabi huin
rundhi lai mein gati rahin dil dikhati rahin
koi hum se puchhe
ki ab waqt kya hai
to hum kah uThen ek sada
hum is mein khape kho gae
ab sada par bhi tazir kaisi
sada do
ki ek bol ki pyas apne gulo mein jalae
khaDi hai sitam-kash tamanna kinara-e-furaat
(463) ووٹ وصول ہوئے
Related Shafiq Fatima Shera Poetry
Related Poetry
More Shafiq Fatima Shera Poetry
سلامت سبوچہ ترا ساقیا
Shafiq Fatima Shera - شفیق فاطمہ شعریٰ
Salamat Sabucha Tera Saqiya
ارض موعود
Shafiq Fatima Shera - شفیق فاطمہ شعریٰ
Arz-e-mauud
ڈرتے ڈرتے دم سحر سے
Shafiq Fatima Shera - شفیق فاطمہ شعریٰ
Darte Darte Dam-e-sahar Se
نوائے پیرائے کار گہہ شیشہ گری
Shafiq Fatima Shera - شفیق فاطمہ شعریٰ
Nawa-e-paira-e-kar-gah-e-shisha-gari
لب کشا
Shafiq Fatima Shera - شفیق فاطمہ شعریٰ
Lab-kusha
اسیر
Shafiq Fatima Shera - شفیق فاطمہ شعریٰ
Asir
شہر نوا
Shafiq Fatima Shera - شفیق فاطمہ شعریٰ
Shahr-e-nawa
یاد وطن
Shafiq Fatima Shera - شفیق فاطمہ شعریٰ
Yaad-e-watan
You can read Lab-kusha written by Shafiq Fatima Shera at UrduPoint. Lab-kusha is one of the masterpieces written by Shafiq Fatima Shera. You can also find the complete poetry collection of Shafiq Fatima Shera by clicking on the button 'Read Complete Poetry Collection of Shafiq Fatima Shera' above.
Lab-kusha is a widely read Urdu Nazam. If you like Lab-kusha, you will also like to read other famous Urdu Nazam.
You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.