Na Zikr-e-ashna Ne Qissa-e-begana Rakhte Hain, Urdu Ghazal By Shah Naseer
Na Zikr-e-ashna Ne Qissa-e-begana Rakhte Hain is a famous Urdu Ghazal written by a famous poet, Shah Naseer. Na Zikr-e-ashna Ne Qissa-e-begana Rakhte Hain comes under the Love, Sad category of Urdu Ghazal. You can read Na Zikr-e-ashna Ne Qissa-e-begana Rakhte Hain on this page of UrduPoint.
نہ ذکر آشنا نے قصۂ بیگانہ رکھتے ہیں
شاہ نصیر
نہ ذکر آشنا نے قصۂ بیگانہ رکھتے ہیں
حدیث یار رکھتے ہیں یہی افسانہ رکھتے ہیں
چمن میں سرو قد گر جلوۂ مستانہ رکھتے ہیں
برنگ طوق قمری ہم خط پیمانہ رکھتے ہیں
خیال آنکھوں کا تیری جبکہ اے جانانہ رکھتے ہیں
تو جوں نرگس ہر اک انگشت بر پیمانہ رکھتے ہیں
نمایاں زلف کے حلقے میں کر ٹک خال عارض کو
کہ ہیں صیاد جتنے دام میں وہ دانہ رکھتے ہیں
بجز آئینہ معشوقوں کی کب ہو زلف پردازی
کہ عکس پنجۂ مژگاں سے دست شانہ رکھتے ہیں
بجائے حلقۂ کاکل ہیں خال روئے صید افگن
بہ چشم دام جائے مردمک یاں دانہ رکھتے ہیں
بسان چوب و نقارا ہیں خار و آبلہ پائی
بہ وادیٔ جنوں انگیز نوبت خانہ رکھتے ہیں
نہیں اشک مسلسل یہ گریباں گیر اے ساقی
گلے میں اپنے عاشق سبحۂ صد دانہ رکھتے ہیں
صدائے آشنائی مثل ہمدم ہو سو وہ جانے
کہ مثل بانسری انگشت بر ہر خانہ رکھتے ہیں
نہ الجھو اس قدر بے وجہ سلجھانے میں زلفوں کے
دل صد چاک تو ہم بھی برنگ شانہ رکھتے ہیں
دل اپنا کیوں نہ ہو بحر جہاں میں جوں گہر کالا
تلاش آب ہے ہم کو نہ فکر دانہ رکھتے ہیں
نہ کیوں کر بزم میں روشن ہو اپنی شب یہ دل سوزی
کہ الفت شمع رو سے ہم بھی جوں پروانہ رکھتے ہیں
بہار آئی ہے اب تو اے جنوں ہو سلسلہ جنباں
کہ ہم مدت سے قصد رفتن ویرانہ رکھتے ہیں
نگہ ٹک ابرو و چشم بتاں پر کیجیو زاہد
کہ یہ محراب مسجد کے تلے مے خانہ رکھتے ہیں
بٹھائیں سرو و شمشاد اپنے سر پر کیوں نہ قمری کو
ترے قد کے ہیں بندے وضع آزادانہ رکھتے ہیں
ٹھکانا کچھ نہ پوچھو ہم سے تم خانہ بدوشوں کا
جہاں جوں بوئے گل ٹھہرے وہیں کاشانہ رکھتے ہیں
ہمیں مت چھیڑ کر دیکھو رلاؤ اور جلاؤ تم
کہ طوفاں چشم میں سینے میں آتش خانہ رکھتے ہیں
کریں گے بیعت دست سبو پیر مغاں تجھ سے
کہ شوق شرب مے ہے مشرب رندانہ رکھتے ہیں
نصیرؔ اب ہم کو کیا ہے قصۂ کونین سے مطلب
کہ چشم پر فسون یار کا افسانہ رکھتے ہیں
نصیرؔ اس شوخ سے کہنا کہ پیش چشم حیرت میں
تصور روز و شب تیرا ہم اے جانانہ رکھتے ہیں
شاہ نصیر
© UrduPoint.com
All Rights Reserved
Na Zikr-e-ashna Ne Qissa-e-begana Rakhte Hain
Shah Naseer
hadis-e-yar rakhte hain yahi afsana rakhte hain
chaman mein sarw-qad gar jalwa-e-mastana rakhte hain
ba-rang-e-tauq-e-qumri hum KHat-e-paimana rakhte hain
KHayal aankhon ka teri jabki ai jaanana rakhte hain
to jun nargis har ek angusht bar paimana rakhte hain
numayan zulf ke halqe mein kar Tuk KHal-e-ariz ko
ki hain sayyaad jitne dam mein wo dana rakhte hain
ba-juz-aina mashuqon ki kab ho zulf-pardazi
ki aks-e-panja-e-mizhgan se dast-e-shana rakhte hain
bajae halqa-e-kakul hain KHal-e-ru-e-said-afgan
ba-chashm-e-dam ja-e-mardumuk yan dana rakhte hain
bisan-e-chob-o-naqqara hain KHar o aabla-pai
ba-wadi-e-junun-angez naubat-KHana rakhte hain
nahin ashk-e-musalsal ye gareban-gir ai saqi
gale mein apne aashiq subha-e-sad-dana rakhte hain
sada-e-ashnai misl-e-hamdam ho so wo jaane
ki misl-e-bansuri angusht-bar har KHana rakhte hain
na uljho is qadar be-wajh suljhane mein zulfon ke
dil-e-sad-chaak to hum bhi ba-rang-e-shana rakhte hain
dil apna kyun na ho bahr-e-jahan mein jun guhar kala
talash-e-ab hai hum ko na fikr-e-dana rakhte hain
na kyunkar bazm mein raushan ho apni shab ye dil-sozi
ki ulfat shama-ru se hum bhi jun parwana rakhte hain
bahaar aai hai ab to ai junun ho silsila jumban
ki hum muddat se qasd-e-raftan-e-virana rakhte hain
nigah Tuk abru-o-chashm-e-butan par kijiyo zahid
ki ye mehrab-e-masjid ke tale mai-KHana rakhte hain
biThaen sarw-o-shamshad apne sar par kyun na qumri ko
tere qad ke hain bande waz-e-azadana rakhte hain
Thikana kuchh na puchho hum se tum KHana-ba-doshon ka
jahan jun bu-e-gul Thahre wahin kashana rakhte hain
hamein mat chheD kar dekho rulao aur jalao tum
ki tufan chashm mein sine mein aatiash-KHana rakhte hain
karenge baiat-e-dast-e-subu pir-e-mughan tujh se
ki shauq-e-sharb-e-mai hai mashrab-e-rindana rakhte hain
'nasir' ab hum ko kya hai qissa-e-kaunain se matlab
ki chashm-e-pur-fusun-e-yar ka afsana rakhte hain
'nasir' us shoKH se kahna ki pesh-e-chashm-e-hairat mein
tasawwur roz-o-shab tera hum ai jaanana rakhte hain
(369) ووٹ وصول ہوئے
Related Shah Naseer Poetry
Related Poetry
More Shah Naseer Poetry
بیاباں مرگ ہے مجنون خاک آلودہ تن کس کا
Shah Naseer - شاہ نصیر
Bayaban Marg Hai Majnun-e-khak-aluda-tan Kis Ka
پامال راہ عشق ہیں خلقت کی کھا ٹھوکر بھی ہم
Shah Naseer - شاہ نصیر
Pamal-e-rah-e-ishq Hain Khilqat Ki Kha Thokar Bhi Hum
متاع دل بہت ارزاں ہے کیوں نہیں لیتے (ردیف .. ا)
Shah Naseer - شاہ نصیر
Mata-e-dil Bahut Arzan Hai Kyun Nahin Lete
غرق نہ کر دکھلا کر دل کو کان کا بالا زلف کا حلقہ
Shah Naseer - شاہ نصیر
Gharq Na Kar Dikhla Kar Dil Ko Kan Ka Baala Zulf Ka Halqa
کی ہے استاد ازل نے یہ رباعی موزوں (ردیف .. ا)
Shah Naseer - شاہ نصیر
Ki Hai Ustad-e-azal Ne Ye Rubai Mauzun
آمد و شد کوچے میں ہم اس کے کیوں نہ کریں مانند نفس (ردیف .. ن)
Shah Naseer - شاہ نصیر
Aamad-o-shud Kuche Mein Hum Uske Kyun Na Karen Manind-e-nafas
فرصت ایک دم کی ہے جوں حباب پانی یاں
Shah Naseer - شاہ نصیر
Fursat Ek Dam Ki Hai Jun Habab Pani Yan
یہ داغ نہیں تن پر میں دیکھنے کو تیرے (ردیف .. ا)
Shah Naseer - شاہ نصیر
Ye Dagh Nahin Tan Par Main Dekhne Ko Tere
You can read Na Zikr-e-ashna Ne Qissa-e-begana Rakhte Hain written by Shah Naseer at UrduPoint. Na Zikr-e-ashna Ne Qissa-e-begana Rakhte Hain is one of the masterpieces written by Shah Naseer. You can also find the complete poetry collection of Shah Naseer by clicking on the button 'Read Complete Poetry Collection of Shah Naseer' above.
Na Zikr-e-ashna Ne Qissa-e-begana Rakhte Hain is a widely read Urdu Ghazal. If you like Na Zikr-e-ashna Ne Qissa-e-begana Rakhte Hain, you will also like to read other famous Urdu Ghazal.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.