Talash, Urdu Nazam By Shahab Jafri
Talash is a famous Urdu Nazam written by a famous poet, Shahab Jafri. Talash comes under the Sad, Social category of Urdu Nazam. You can read Talash on this page of UrduPoint.
تلاش
شہاب جعفری
رستہ یہ جانا پہچانا ہے کبھی کبھی یہ اپنا ہوتا تھا
برسوں برس تک ان پتھ پر پیار ہمارا سنجوتا تھا
سانجھ سویرے ان دیکھی برکھا سے نم رہتی تھی خاک
شام کا غنچہ صبح کا سورج، شبنم سے منہ دھوتا تھا
خاک سے تیرے بدن کی خوشبو ڈالی ڈالی اڑتی تھی
دھیان کا بھونرا پھول کی بکھری پنکھڑیوں کو پروتا تھا
سوچ کی اٹھتی گرتی لہریں تجھ کو کہیں سے لے آتیں
ساحل نور پہ تیرا سایہ بیٹھا پاؤں بھگوتا تھا
اک ماندی سی لہر اچانک تیری گود میں جا گرتی
دھرتی سے آکاش تک اک آغوش کا عالم ہوتا تھا
سوتی رات کا جادو چلتا کھنچتے ہوئے دامن کی اوٹ
چاند کا جوبن چھلکا پڑتا ساگر پیاسا ہوتا تھا
گیسو تیرے بکھرے جاتے پہلو تیرے کھلتے جاتے
شوق کی آنکھیں لوری دیتیں تیرا حجاب نہ سوتا تھا
سبزہ سبزہ نیند بچھی تھی، چاند کی سی رفتار سے ہم
ہولے ہولے پانو اٹھاتے خواب کا عالم ہوتا تھا
جانے کون سے موڑ پہ تیرا ہاتھ اچانک چھوٹ گیا
گیان کی اس بورائی پون میں دھیان بھی تیرا ٹوٹ گیا
اپنی وہ دھرتی سارے جہاں میں پھر نہ کہیں پہچان ملی
اس مٹی کی خوشبو پانے بیج اشکوں کے بوتا تھا
چہرہ چہرہ وحشت ٹھہری آنکھیں تجھ کو بھول گئیں
مورت مورت چپ سی لگی تھی، جانے مجھے کیا ہوتا تھا
چڑھتے چاند کی آہٹ سن کر نگری نگری میرا چراغ
رات کی جھکتی بدلی کے دامن کو پکڑ کر روتا تھا
رستے رستے بکھری ہوئی تھی میرے چراغ کی تنہائی
اک ماندی سی لو میں کس کس کی پرچھائیں سموتا تھا
رستہ چلتے لوگ بھی پاگل امیدوں کو سمجھاتے
کتنا ہی آئینہ دکھاتے تیرا عکس نہ ہوتا تھا
دل کے دل بادل جب تیرا پرسا دے کے چلے جاتے
دور کہیں اک ابر کا ٹکڑا جیسے مجھ کو روتا تھا
ہوش کے بجھتے دیے میں اب تک اس کا آنسو جلتا ہے
اب تک اس کی کھوج میں پگلا دیس بدیس نکلتا ہے
شہاب جعفری
© UrduPoint.com
All Rights Reserved
Talash
Shahab Jafri
barson baras tak in path par pyar hamara sanjota tha
sanjh sawere an-dekhi barkha se nam rahti thi KHak
sham ka ghuncha subh ka suraj, shabnam se munh dhota tha
KHak se tere badan ki KHushbu Dali Dali uDti thi
dhyan ka bhaunra phul ki bikhri pankhuDiyon ko pirota tha
soch ki uThti girti lahren tujh ko kahin se le aatin
sahil-e-nur pe tera saya baiTha panw bhigota tha
ek mandi si lahr achanak teri god mein ja girti
dharti se aakash tak ek aaghosh ka aalam hota tha
soti raat ka jadu chalta khinchte hue daman ki oT
chand ka jauban chhalka paDta sagar pyasa hota tha
gesu tere bikhre jate pahlu tere khulte jate
shauq ki aankhen lori detin tera hijab na sota tha
sabza sabza nind bichhi thi, chand ki si raftar se hum
haule haule panw uThate KHwab ka aalam hota tha
jaane kaun se moD pe tera hath achanak chhuT gaya
gyan ki is baurai pawan mein dhyan bhi tera TuT gaya
apni wo dharti sare jahan mein phir na kahin pahchan mili
is miTTi ki KHushbu pane bij ashkon ke bota tha
chehra chehra wahshat Thahri aankhen tujh ko bhul gain
murat murat chup si lagi thi, jaane mujhe kya hota tha
chaDhte chand ki aahaT sun kar nagri nagri mera charagh
raat ki jhukti badli ke daman ko pakaD kar rota tha
raste raste bikhri hui thi mere charagh ki tanhai
ek mandi si lau mein kis kis ki parchhain samota tha
rasta chalte log bhi pagal ummidon ko samjhate
kitna hi aaina dikhate tera aks na hota tha
dal ke dal baadal jab tera pursa de ke chale jate
dur kahin ek abr ka TukDa jaise mujh ko rota tha
hosh ke bujhte diye mein ab tak us ka aansu jalta hai
ab tak us ki khoj mein pagla des bides nikalta hai
(639) ووٹ وصول ہوئے
Related Shahab Jafri Poetry
Related Poetry
More Shahab Jafri Poetry
دل پر وفا کا بوجھ اٹھاتے رہے ہیں ہم
Shahab Jafri - شہاب جعفری
Dil Par Wafa Ka Bojh Uthate Rahe Hain Hum
تلاش
Shahab Jafri - شہاب جعفری
Talash
حیات میں بھی اجل کا سماں دکھائی دے
Shahab Jafri - شہاب جعفری
Hayat Mein Bhi Ajal Ka Saman Dikhai De
ہوس زلف گرہ گیر لیے بیٹھے ہیں
Shahab Jafri - شہاب جعفری
Hawas-e-zulf-e-girah-gir Liye Baithe Hain
میں
Shahab Jafri - شہاب جعفری
Main
ہجر و وصال یار کا موسم نکل گیا
Shahab Jafri - شہاب جعفری
Hijr-o-visal-e-yar Ka Mausam Nikal Gaya
یہ محشر سوز و ساز کیا ہے
Shahab Jafri - شہاب جعفری
Ye Mahshar-e-soz-o-saz Kya Hai
شام رکھتی ہے بہت درد سے بیتاب مجھے
Shahab Jafri - شہاب جعفری
Sham Rakhti Hai Bahut Dard Se Betab Mujhe
You can read Talash written by Shahab Jafri at UrduPoint. Talash is one of the masterpieces written by Shahab Jafri. You can also find the complete poetry collection of Shahab Jafri by clicking on the button 'Read Complete Poetry Collection of Shahab Jafri' above.
Talash is a widely read Urdu Nazam. If you like Talash, you will also like to read other famous Urdu Nazam.
You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.