Zindagi Dar Se Utar Hamain

زندگی دار سے اتار ہمیں

زندگی دار سے اتار ہمیں

ڈھونڈتے پھر رہے ہیں یار ہمیں

آبلے اب نہیں ہیں خار ہمیں

دیکھ حیرت سے مرغزار ہمیں

چھپ گئے تھےخزاں کے پہلو میں

ڈھونڈنے آئی جب بہار ہمیں

ہم تری دسترس سے باہر ہیں

آئینے دیکھ، مت پکار ہمیں

پھر نہ جینے کی آرزو اٹھے

زندگی ایسی موت مار ہمیں

آتشِ شوق کیا دکھاتی ہے

جو دکھاتی ہے چشمِ یار ہمیں

اک سہولت کی سانس لینے کو

مرنا پڑتا ہے بار بار ہمیں

اس سے کہہ دو کہ یاد آئے اب

اس سے کہ دو ہے اب قرار ہمیں

مے سے کچھ واسطہ نہیں لیکن

تم سے ہے نسبتِ خمار ہمیں

خار بھی پھول کی طرح مہکیں

راس آئے اگر بہار ہمیں

بات کچھ بن نہیں رہی صاحب

آپ اور آپ سے قرار ہمیں؟

کیا بنا کر ہمیں تو بھول گیا؟

دیکھتا بھی ہے کردگار ہمیں؟

پھونک مٹی میں عشق کی گرمی

اور پھر کر دے بے شمار ہمیں

تیری آواز اپنی ہو محسوس

اس تسلسل سے تو پکار ہمیں

تیرے گیسو نہیں جو سنورے گے

کون کہتا ہے تو سنوار ہمیں

میں بھی چیخیں تری ذرا سن لوں

سینہ ء درد سے گذار ہمیں

تجھ کو بے اختیار کرنا ہے

زندگی! ہے کیا اختیار ہمیں؟

آبلے ہیں سفر پہ آمادہ

روک لیتی ہے راہ گذار ہمیں

ذرے ذرے میں شکل ابھرے گی

دیکھ لے کر کے بے شمار ہمیں

نہ تری آنکھ میں نشہ ساقی

نہ ہی اب خواہشِ خمار ہمیں

ہم تری آنکھ کے نہیں قابل

مسندِ چشم سے اتار ہمیں

باغباں نے تو معذرت کر لی

تو کھلا دے، اے گل عذار ہمیں

آئینے سے گذر کے آئے ہیں

عکس تلوار سے گذار ہمیں

تم کو خود سے نہیں محبت جب

کیسے آئے گا تم پہ پیار ہمیں

شائستہ سحر

© UrduPoint.com

All Rights Reserved

(1634) ووٹ وصول ہوئے

Your Thoughts and Comments

Zindagi Dar Se Utar Hamain by Shaista Sehar - Read Shaista Sehar's best Shayari Zindagi Dar Se Utar Hamain at UrduPoint. Here you can read the best poetry Zindagi Dar Se Utar Hamain of Shaista Sehar. Zindagi Dar Se Utar Hamain is the most famous poetry by Shaista Sehar. People love to read poetry by Shaista Sehar, and Zindagi Dar Se Utar Hamain by Shaista Sehar is best among the whole collection of poetry by Shaista Sehar.

Shaista Sehar is the most famous Urdu Poet. Therefore, people love to read Urdu Poetry of Shaista Sehar. At UrduPoint, you can find the complete collection of Urdu Poetry of Shaista Sehar. On this page, you can read Zindagi Dar Se Utar Hamain by Shaista Sehar. Zindagi Dar Se Utar Hamain is the best poetry by Shaista Sehar.

Read the Shaista Sehar's best poetry Zindagi Dar Se Utar Hamain here at UrduPoint; you will surely like it. If we make a list of Shaista Sehar's best Shayari, Zindagi Dar Se Utar Hamain of Shaista Sehar will be at the top. Many people, who love the Urdu Shayari of Shaista Sehar, regard it as the best poetry Zindagi Dar Se Utar Hamain of Shaista Sehar.

We recommend you read the most famous poetry, Zindagi Dar Se Utar Hamain of Shaista Sehar here, you will surely love it. Also, don't forget to share it with others.