Abstract Art, Urdu Nazam By Syed Mohammad Jafri
Abstract Art is a famous Urdu Nazam written by a famous poet, Syed Mohammad Jafri. Abstract Art comes under the Social category of Urdu Nazam. You can read Abstract Art on this page of UrduPoint.
ایبسٹریکٹ آرٹ
سید محمد جعفری
ایبسٹریکٹ آرٹ کی دیکھی تھی نمائش میں نے
کی تھی از راہ مروت بھی ستائش میں نے
آج تک دونوں گناہوں کی سزا پاتا ہوں
لوگ کہتے ہیں کہ کیا دیکھا تو شرماتا ہوں
صرف کہہ سکتا ہوں اتنا ہی وہ تصویریں تھیں
یار کی زلف کو سلجھانے کی تدبیریں تھیں
ایک تصویر کو دیکھا جو کمال فن تھی
بھینس کے جسم پر اک اونٹ کی سی گردن تھی
ٹانگ کھینچی تھی کہ مسواک جسے کہتے ہیں
ناک وہ ناک خطرناک جسے کہتے ہیں
نقش محبوب مصور نے سجا رکھا تھا
مجھ سے پوچھو تو تپائی پہ گھڑا رکھا تھا
بولی تصویر جو میں نے اسے الٹا پلٹا
میں وہ جامہ ہوں کہ جس کا نہیں سیدھا الٹا
اس کو نقاد تو اک چشمۂ حیواں سمجھا
میں اسے حضرت مجنوں کا گریباں سمجھا
ایک تصویر کو دیکھا کہ یہ کیا رکھا ہے
ورق صاف پہ رنگوں کو گرا رکھا ہے
آڑی ترچھی سی لکیریں تھیں وہاں جلوہ فگن
جیسے ٹوٹے ہوئے آئینے پہ سورج کی کرن
تھا کیوب ازم میں کاغذ پہ جو اک رشک قمر
مجھ کو اینٹیں نظر آتی تھیں اسے حسن بشر
بولا نقاد نظر آتے یہی کچھ ہم تم!
خلد میں حضرت آدم جو نہ کھاتے گندم
ایبسٹریکٹ آرٹ کے ملبے سے یہ دولت نکلی
جس کو سمجھا تھا انناس وہ عورت نکلی
ایبسٹریکٹ آرٹ کی اس چیز پہ دیکھی ہے اساس
''تن کی عریانی سے بہتر نہیں دنیا میں لباس''
اس نمائش میں جو اطفال چلے آتے تھے
ڈر کے ماؤں کے کلیجوں سے لپٹ جاتے تھے
سید محمد جعفری
© UrduPoint.com
All Rights Reserved
Abstract Art
Syed Mohammad Jafri
ki thi az-rah-e-murawwat bhi sataish main ne
aaj tak donon gunahon ki saza pata hun
log kahte hain ki kya dekha to sharmata hun
sirf kah sakta hun itna hi wo taswiren thin
yar ki zulf ko suljhane ki tadbiren thin
ek taswir ko dekha jo kamal-e-fan thi
bhains ke jism par ek unT ki si gardan thi
Tang khinchi thi ki miswak jise kahte hain
nak wo nak KHatarnak jise kahte hain
naqsh-e-mahbub musawwir ne saja rakkha tha
mujh se puchho to tipai pe ghaDa rakkha tha
boli taswir jo main ne use ulTa palTa
main wo jama hun ki jis ka nahin sidha ulTa
us ko naqqad to ek chashma-e-haiwan samjha
main use hazrat-e-majnun ka gareban samjha
ek taswir ko dekha ki ye kya rakkha hai
waraq-e-saf pe rangon ko gira rakkha hai
aaDi-tirchhi si lakiren thin wahan jalwa-figan
jaise TuTe hue aaine pe suraj ki kiran
tha kiub-izm main kaghaz pe jo ek rashk-e-qamar
mujh ko inTen nazar aati thin ise husn-e-bashar
bola naqqad nazar aate yahi kuchh hum tum!
KHuld mein hazrat-e-adam jo na khate gandum
abstract art ke malbe se ye daulat nikli
jis ko samjha tha anannas wo aurat nikli
abstract art ki is chiz pe dekhi hai asas
tan ki uryani se behtar nahin duniya mein libas
is numaish mein jo atfal chale aate the
Dar ke maon ke kalejon se lipaT jate the
(2529) ووٹ وصول ہوئے
Related Syed Mohammad Jafri Poetry
More Syed Mohammad Jafri Poetry
کراچی کا ٹریفک
Syed Mohammad Jafri - سید محمد جعفری
Karachi Ka Traffic
جدید شاعری
Syed Mohammad Jafri - سید محمد جعفری
Jadid Shairi
پرانا کوٹ
Syed Mohammad Jafri - سید محمد جعفری
Purana Coat
اردو
Syed Mohammad Jafri - سید محمد جعفری
Urdu
وزیر کا خواب
Syed Mohammad Jafri - سید محمد جعفری
Wazir Ka Khwab
میں نشے میں ہوں
Syed Mohammad Jafri - سید محمد جعفری
Main Nashe Mein Hun
سگریٹ اور پان کا مکالمہ
Syed Mohammad Jafri - سید محمد جعفری
Cigarette Aur Pan Ka Mukalima
بس کا سفر
Syed Mohammad Jafri - سید محمد جعفری
Bus Ka Safar
You can read Abstract Art written by Syed Mohammad Jafri at UrduPoint. Abstract Art is one of the masterpieces written by Syed Mohammad Jafri. You can also find the complete poetry collection of Syed Mohammad Jafri by clicking on the button 'Read Complete Poetry Collection of Syed Mohammad Jafri' above.
Abstract Art is a widely read Urdu Nazam. If you like Abstract Art, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.