Ai Gham-e-dil Kya Karun, Urdu Nazam By Syed Mohammad Jafri

Ai Gham-e-dil Kya Karun is a famous Urdu Nazam written by a famous poet, Syed Mohammad Jafri. Ai Gham-e-dil Kya Karun comes under the Sad category of Urdu Nazam. You can read Ai Gham-e-dil Kya Karun on this page of UrduPoint.

Urdu Poem English Poem

اے غم دل کیا کروں

سید محمد جعفری

اتنی گزری ہے گراں چیزوں کی ارزانی مجھے

ہو گیا ہے تازہ سودائے غزل خوانی مجھے

دودھ میں بالکل نظر آتا نہیں پانی مجھے

دل نے کر رکھا ہے محو صد پریشانی مجھے

''اے غم دل کیا کروں اے وحشت دل کیا کروں''

کام دھندا کچھ نہیں دل کس طرح بہلاؤں میں

کیوں نہ لیڈر بن کے ساری قوم کو بہکاؤں میں

جب نہیں دھندا تو چندا ہی کروں اور کھاؤں میں

اسکریننگ کی کمیٹی کے نہ ہاتھ آ جاؤں میں

''اے غم دل کیا کروں اے وحشت دل کیا کروں''

کیوں نہ اڈیٹر بنوں اخبار گوہر بار کا

اور قلم کو روپ دوں چلتی ہوئی تلوار کا

ہاتھ میں شملہ ہو سب اشراف کی دستار کا

مارشل لا میں مگر پہلا ہے ٹکڑا مار کا

''اے غم دل کیا کروں اے وحشت دل کیا کروں''

سوچتا ہوں پھر کہ حج کر آؤں اسمگلر بنوں

مال دین و مال دنیا کا بڑا ڈیلر بنوں

ملک کے اندر بنوں یا ملک کے باہر بنوں

الغرض جو کچھ بنوں میں فوج سے بچ کر بنوں

''اے غم دل کیا کروں اے وحشت دل کیا کروں''

کیا خبر تھی قیمتیں یوں ہوں گی سستی ایک دن

''رنگ لائے گی ہماری فاقہ مستی ایک دن''

چور بازاری کی مٹ جائے گی ہستی ایک دن

ہوگی شیورولیٹ پہ بھی ٹو لیٹ کی تختی ایک دن

''اے غم دل کیا کروں اے وحشت دل کیا کروں''

بحر کے سینے سے سونا تک اگلوایا گیا

گندم خلوت نشیں بازار میں لایا گیا

اور ذخیرہ باز سے چکی میں پسوایا گیا

نفع خوروں کا دوالہ تک نکلوایا گیا

''اے غم دل کیا کروں اے وحشت دل کیا کروں''

ہائے کشکول گدائی لے کے اب جائے گا کون

لال گندم لا کے ہم کالوں کو کھلوائے گا کون

جس کو امریکی سور کھاتے تھے وہ کھائے گا کون

ساتھ میں گندم کے مسٹر گھن کو پسوائے گا کون

''اے غم دل کیا کروں اے وحشت دل کیا کروں''

غیر ملکی مال کو روتی ہیں اب تک بیبیاں

اور ہر امپورٹ کے لائسنس کو ان کے میاں

غیر بنکوں میں جو دولت ہے وہ آئے گی یہاں

''یاد تھیں ہم کو بھی رنگا رنگ بزم آرائیاں''

''اے غم دل کیا کروں اے وحشت دل کیا کروں''

یا میں سب کچھ چھوڑ دوں اور چور بازاری کروں

زندگی کی فلم میں ایسی اداکاری کروں

دونوں ہاتھوں سے کما کر عذر ناداری کروں

جب حکومت ٹیکس مانگے آہ اور زاری کروں

''اے غم دل کیا کروں اے وحشت دل کیا کروں''

سید محمد جعفری

© UrduPoint.com

All Rights Reserved

Previous More Sad Poetry Next

Syed Mohammad Jafri Poetry in Urdu

Syed Mohammad Jafri

Ai Gham-e-dil Kya Karun

Syed Mohammad Jafri

itni guzri hai giran chizon ki arzani mujhe
ho gaya hai taza sauda-e-ghazal-KHwani mujhe
dudh mein bilkul nazar aata nahin pani mujhe
dil ne kar rakkha hai mahw-e-sad-pareshani mujhe
ai gham-e-dil kya karun ai wahshat-e-dil kya karun
kaam dhanda kuchh nahin dil kis tarah bahlaun main
kyun na leader ban ke sari qaum ko bahkaun main
jab nahin dhanda to chanda hi karun aur khaun main
screening ki kameti ke na hath aa jaun main
ai gham-e-dil kya karun ai wahshat-e-dil kya karun
kyun na editor banun aKHbar-e-gauhar-bar ka
aur qalam ko rup dun chalti hui talwar ka
hath mein shamla ho sab ashraf ki dastar ka
marshal-law mein magar pahla hai TukDa mar ka
ai gham-e-dil kya karun ai wahshat-e-dil kya karun
sochta hun phir ki haj kar aaun smuggler banun
mal-e-din o mal-e-duniya ka baDa dealer banun
mulk ke andar banun ya mulk ke bahar banun
al-gharaz jo kuchh banun main fauj se bach kar banun
ai gham-e-dil kya karun ai wahshat-e-dil kya karun
kya KHabar thi qimaten yun hongi sasti ek din
rang laegi hamari faqa-masti ek din
chor-bazari ki miT jaegi hasti ek din
hogi chewrolet pe bhi to-let ki taKHti ek din
ai gham-e-dil kya karun ai wahshat-e-dil kya karun
bahr ke sine se sona tak ugalwaya gaya
gandum-e-KHalwat-nashin bazar mein laya gaya
aur zaKHira-baz se chakki mein piswaya gaya
nafa-KHoron ka diwala tak nikalwaya gaya
ai gham-e-dil kya karun ai wahshat-e-dil kya karun
hae kashkol-e-gadai le ke ab jaega kaun
lal gandum la ke hum kalon ko khilwaega kaun
jis ko amrici suar khate the wo khaega kaun
sath mein gandum ke mister ghun ko piswaega kaun
ai gham-e-dil kya karun ai wahshat-e-dil kya karun
ghair-mulki mal ko roti hain ab tak bibayan
aur har import ke licence ko un ke miyan
ghair bankon mein jo daulat hai wo aaegi yahan
yaad thin hum ko bhi ranga-rang bazm-araiyan
ai gham-e-dil kya karun ai wahshat-e-dil kya karun
ya main sab kuchh chhoD dun aur chor-bazari karun
zindagi ki film mein aisi adakari karun
donon hathon se kama kar uzr-e-nadari karun
jab hukumat tex mange aah aur zari karun
ai gham-e-dil kya karun ai wahshat-e-dil kya karun

Facebook Twitter Reddit Pinterest Whatsapp

(915) ووٹ وصول ہوئے

You can read Ai Gham-e-dil Kya Karun written by Syed Mohammad Jafri at UrduPoint. Ai Gham-e-dil Kya Karun is one of the masterpieces written by Syed Mohammad Jafri. You can also find the complete poetry collection of Syed Mohammad Jafri by clicking on the button 'Read Complete Poetry Collection of Syed Mohammad Jafri' above.

Ai Gham-e-dil Kya Karun is a widely read Urdu Nazam. If you like Ai Gham-e-dil Kya Karun, you will also like to read other famous Urdu Nazam.

You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.